Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Josué 14:1-15

LI TI ATËNË NI

  • Kangbingo yâ ti sese ni na mbage ti ouest ti Jourdain (1-5)

  • Caleb awara Hébron tongana héritage (6-15)

14  Bâ sese so azo ti Israël awara tongana héritage na sese ti Canaan, so prêtre Éléazar nga na Josué, molenge ti Nun, nga na amokonzi ti ahale ti akotara ti ala amû ni na ala ti ga héritage ti ala.+  A bi mbeni ye so amû lege na ala ti soro amara ni si a kangbi na ala sese ni,+ gï tongana ti so Jéhovah amû yanga lani na Moïse ti sara na amara gumbaya na ndambo.+  Moïse amû héritage ti ambeni mara use na ndambo na ala lani awe na mbage* ti Ngu ti Jourdain,+ me Moïse amû lani héritage pëpe na azo ti mara ti Lévi na popo ti azo ti Israël.+  A bâ lani ahale ti Joseph tongana amara use,+ mara ti Manassé na ti Éphraïm.+ A mû lani sese pëpe na azo ti mara ti Lévi na popo ti ala, azo ti mara ti Lévi awara gï agbata+ ti lango dä, ando ti tengo pere ndali ti anyama ti ala nga ndali ti akungba ti ala.+  Azo ti Israël akangbi yâ ti kodro ni gï tongana ti so Jéhovah amû lani yanga na Moïse ti sara.  Na pekoni, azo ti Juda ague awara Josué na Guilgal.+ Caleb,+ molenge ti Jéphunnéh so ayeke zo ti Kénaz, atene na Josué: “Mo hinga nzoni mingi tënë so Jéhovah atene lani+ na Moïse, wakua ti tâ Nzapa,+ na ndö ti mbi nga na ndö ti mo na kodro ti Cadès-Barnéa.+  Mbi yeke lani na ngu 40 na ngoi ni so, na Cadès-Barnéa, Moïse, wakua ti Jéhovah, atokua mbi ti gue ti bembe ndo na sese ni,+ na tongana mbi kiri, mbi fa na lo tâ tënë na ndö ti ye so mbi bâ* lani.+  Atâa so aita ti mbi, so mbi na ala e gue lani, asara si bê ti azo ni kue awoko,* mbi mû peko ti Jéhovah Nzapa ti mbi na bê ti mbi kue.+  Na lango ni, so Moïse adeba yanga ti lo, lo tene: ‘Sese so mo tambela na ndö ni so ayeke ga ande héritage ti mo na amolenge ti mo biani biani, ngbanga ti so mo mû peko ti Jéhovah Nzapa ti mbi na bê ti mo kue.’+ 10  Tongaso, Jéhovah asara ye alingbi na zendo so lo mû lani.+ Jéhovah abata mbi na fini+ ngu 45, ngbene ye na ngoi so lo mû zendo so na Moïse tongana azo ti Israël ayeke tambela lani na yâ ti désert.+ Fadeso, bâ mbi yeke na ngu 85. 11  Laso, mbi ngbâ na ngangu tongana ti ngoi so Moïse atokua mbi lani. Ngangu so mbi yeke na ni laso angbâ tongana ti kozo, mbi lingbi ti sara bira nga ti sara ambeni kua nde. 12  Tongaso, mû na mbi ando so ahoto ayeke dä so Jéhovah amû zendo ni lani. Atâa so mo mä so azo ti Anak+ ayeke kâ na yâ ti agbata so angangu gbagba ayeke na terê ni,+ biani* Jéhovah ayeke duti ande na mbi,+ mbi yeke tomba ala* gï tongana ti so Jéhovah amû zendo ni.”+ 13  Tongaso, Josué airi tënë nzoni na ndö ti Caleb, molenge ti Jéphunnéh, na lo mû na lo Hébron ti ga héritage ti lo.+ 14  Ndani la Hébron aga ti Caleb, molenge ti Jéphunnéh so ayeke zo ti Kénaz, na a ngbâ ti lo juska laso, ngbanga ti so Caleb amû peko ti Jéhovah Nzapa ti Israël na bê ti lo kue.+ 15  Iri ti Hébron ayeke ândö Kiriath-Arba+ (Arba ayeke lani koli so ayeke kota zo mingi na popo ti azo ti Anak.) Kodro ni aduti na siriri na bira ayeke dä pëpe.+

Kete tënë

So ti tene na mbage ti est.
Wala “atënë kue so ayeke tâ na yâ ti bê ti mbi.”
Na Hébreu: “bê ti azo ni awoko aga tongana ngu.”
Wala “peut-être.”
Wala “hon ala na ngangu.”