Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Josué 13:1-33

LI TI ATËNË NI

  • Ade a mû sese ni kue ape (1-7)

  • Kangbingo yâ ti sese ni na mbage ti est ti Jourdain (8-14)

  • Héritage ti Ruben (15-23)

  • Héritage ti Gad (24-28)

  • Héritage ti Manassé na mbage ti est (29-32)

  • Jéhovah ayeke héritage ti azo ti mara ti Lévi (33)

13  Josué aga mbakoro awe na ngu ti lo ahon mingi.+ Tongaso, Jéhovah atene na lo: “Mo ga mbakoro fadeso awe na ngu ti mo ahon mingi. Me, ando angbâ mingi ti tene ala mû ni.*  Bâ ando so angbâ+ ti tene ala mû ayeke so: sese kue so ayeke ti aPhilistin nga na ti azo ti mara ti Guéshur,+  (ti londo na mbeni maboko ti Ngu ti Nil* so ayeke na est* ti Égypte ti si na yanga ti sese ti Écron na mbage ti nord, ndo so azo abâ ni lani tongana sese ti azo ti Canaan)+ na yâ ni, a yeke wara aseigneur oku ti aPhilistin:+ gbia ti Gaza, ti Ashdod,+ ti Askélon,+ ti Gath+ na ti Écron,+ so ayeke sese ti Avvim+  na mbage ti sud. Sese kue so ayeke ti azo ti Canaan, Méarah so ayeke ti azo ti Sidon,+ juska na Aphec, ti si na yanga ti sese ti azo ti mara ti Amori.  Sese ti azo ti Guébal+ nga na sese kue ti Liban na mbage ti est, ti londo na Baal-Gad na gbe ti Hoto ti Hermon ti si na Lebo-Hamath.*+  Azo kue so ayeke na ando so ahoto ayeke dä, a komanse na Liban+ ti si na Misréphoth-Maïm+ nga na azo ti Sidon.+ Mbi yeke tomba ala kue* na devant ti azo ti Israël.+ Ti mo, mo yeke kangbi sese ni na popo ti azo ti Israël ti ga héritage ti ala, gï tongana ti so mbi mû lani yanga na mo ti sara.+  Fadeso, mo kangbi sese ni tongana héritage na popo ti amara gumbaya so angbâ, nga na ndambo ti mara ti Manassé.”+  Ti mbeni ndambo ti mara ti Manassé ni, mara ti Ruben nga na mara ti Gad, ala wara lani héritage ti ala awe na mbage ti est ti Ngu ti Jourdain na maboko ti Moïse. Moïse, wakua ti Jéhovah, amû ni lani na ala+ tongaso:  A komanse na Aroër,+ so ayeke na yanga ti Popo-hoto* ti Arnon, na gbata so ayeke na yâ ti popo-hoto ni+ nga na akpangbala sese* kue so alondo na Médeba juska na Dibon; 10  agbata kue ti Sihon, gbia ti azo ti mara ti Amori, so lo lë gbia lani na Hesbon, ti si na yanga ti sese ti azo ti mara ti Ammon;+ 11  sese ti Galaad, sese ti azo ti mara ti Guéshur, azo ti mara ti Maacath+ nga na Hoto ti Hermon kue, Basan+ kue juska ti si na Salécah;+ 12  royaume kue ti Og so ayeke na Basan, so lo lë gbia na Ashtaroth nga na Édréi. (Lo yeke tanga ti azo ti Réphaïm so angbâ.)+ Moïse asö benda lani na ndö ti ala nga lo tomba ala*+ na ndö ti sese ni. 13  Me azo ti Israël atomba*+ azo ti mara ti Guéshur na azo ti mara ti Maacath pëpe, teti azo ti Guéshur na azo ti Maacath angbâ ti sara kodro na popo ti azo ti Israël juska laso. 14  Gï azo ti mara ti Lévi la Moïse amû na ala mbeni héritage pëpe.+ Asandaga so ala yeke zö na Jéhovah Nzapa ti Israël la ayeke héritage ti ala,+ tongana ti so Nzapa amû zendo ni lani na ala.+ 15  Nga, Moïse amû lani héritage na azo ti mara ti Ruben alingbi na asewa ti ala oko oko kue, 16  sese ti ala akomanse na Aroër, so ayeke na yanga ti Popo-hoto* ti Arnon, na gbata so ayeke na yâ ti popo-hoto ni nga na kpangbala sese kue so ayeke nduru na Médeba; 17  Hesbon nga na gbata ni kue+ so ayeke na kpangbala sese ni, Dibon, Bamoth-Baal, Beth-Baal-Méon,+ 18  Jahaz,+ Kédémoth,+ Méphaath,+ 19  Kiriathaïm, Sibmah+ nga na Zéreth-Shahar so ayeke na ndö ti hoto so ayeke na terê ti popo-hoto ni,* 20  Beth-Péor, ando so ayeke na terê ti Hoto ti Pisgah,+ Beth-Jéshimoth,+ 21  agbata kue so ayeke na kpangbala sese ni, aroyaume kue ti Sihon, gbia ti azo ti mara ti Amori, so lo lë gbia lani na Hesbon.+ Moïse asö benda lani na ndö ti lo+ nga na ndö ti amokonzi ti azo ti Madian tongana Évi, Rékem, Zur, Hur nga na Réba,+ agbia so ayeke na gbe ti komandema ti Sihon nga ala so asara kodro na yâ ti ando ni. 22  Balaam+ molenge ti Béor, zo ti bango mbadi,+ azo ti Israël afâ lo lani na épée legeoko na tanga ti azo ni so a fâ ala. 23  Yanga ti sese ti ahale ti Ruben ayeke na Ngu ti Jourdain; sese ni so ayeke lani héritage ti ahale ti Ruben alingbi na asewa ti ala oko oko kue, a bungbi agbata nga na akete kodro ti ala. 24  Nga, Moïse amû lani héritage na azo ti mara ti Gad alingbi na asewa ti ala oko oko kue, 25  Jazer+ nga ayeke na yâ ti sese so a mû na ala, agbata kue ti Galaad nga na ndambo ti sese ti azo ti Ammon+ juska na Aroër so abâ ndo lê na lê na Rabbah.+ 26  Nga a londo na Hesbon+ ti si na Ramath-Mizpéh nga na Bétonim, ti londo na Mahanaïm+ juska na yanga ti sese ti Debir. 27  Ti yâ ti popo-hoto ni,* Beth-Haram,+ Beth-Nimrah, Succoth,+ Zaphon nga na tanga ti royaume ti Sihon gbia ti Hesbon;+ Ngu ti Jourdain la ayeke yanga ti sese ni, ti londo na Kota ngu ti Kinnéreth*+ na mbage ti gbe ni so ayeke na mbage ti est ti Ngu ti Jourdain. 28  So héritage ti azo ti Gad alingbi na asewa ti ala oko oko kue la, a bungbi agbata nga na akete kodro ti ala. 29  Moïse amû lani héritage na azo ti ndambo ti mara ti Manassé alingbi na asewa ti ala oko oko kue.+ 30  Sese ti ala alondo na Mahanaïm+ nga na Basan kue, royaume ti Og gbia ti Basan, akete kodro kue ti tente so ayeke na Jaïr+ so ayeke na Basan ayeke na yâ ti sese ti ala, agbata 60. 31  Ndambo ti Galaad, Ashtaroth na Édréi,+ so ayeke agbata ti royaume ti Og so ayeke na Basan, aga lani ti amolenge ti Makir+ molenge ti Manassé, so ti tene a ga ti ndambo ti ahale ti Makir alingbi na asewa ti ala oko oko kue. 32  So ayeke ahéritage so Moïse amû ni lani na ala na kpangbala ndo ti désert ti Moab na mbage ti Ngu ti Jourdain, na est ti Jéricho.+ 33  Me Moïse amû lani héritage na azo ti mara ti Lévi pëpe.+ Jéhovah Nzapa ti Israël la ayeke héritage ti ala, tongana ti so Nzapa amû zendo ni lani na ala.+

Kete tënë

Wala “hon ni na ngangu.”
Wala “ti londo na Shihor.”
Na Hébreu: “lê na lê.”
Wala “na lege ti lingo na Hamath.”
Wala “hon ala kue na ngangu.”
Wala “akpangbala ndo so ayeke na ndö ti ahoto.”
Wala “hon ala na ngangu.”
Wala “ahon na ngangu.”
Wala “kpangbala ndo.”
Wala “kpangbala ndo.”
So ti tene Kota ngu ti Gennésareth, wala Kota ngu ti Galilée.