Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Jérémie 47:1-7

LI TI ATËNË NI

  • Prophétie na terê ti aPhilistin (1-7)

47  Bâ tënë so Jéhovah atene na prophète Jérémie na ndö ti aPhilistin,+ kozo si Pharaon akinda Gaza.  Jéhovah atene: “Bâ, ngu ayeke londo na mbage ti nord ti ga. Ngu ni ayeke ga mbeni ngu so asua ti suku ti mû ndo. A yeke suku ande ti mû kodro ni nga na aye kue so ayeke na yâ ti kodro ni, a yeke mû gbata ni nga na azo kue so ayeke na yâ ni. Akoli ayeke dekongo ande ngangu, zo oko oko kue so asara kodro na ndo ni so ayeke dema.   Tongana ababâ amä totongo ti gere ti ambarata ti lo so ayeke pika sese ngangu, na totongo ti apuse ti mbarata ti bira ti lo, nga tongana ala mä totongo ti agere ti apuse ti bira ti lo ni, ala yeke tourné même ande pëpe ti bâ ndo na ndö ti amolenge ti ala, ndali ti so maboko ti ala awoko kue,   ngbanga ti so lango ni ayeke ga ande ti tene a futi aPhilistin kue;+ a yeke futi ande tanga ti azo kue so angbâ, so ayeke mû maboko na Tyr+ nga na Sidon.+ Ngbanga ti so Jéhovah ayeke futi ande aPhilistin, so ayeke tanga ti azo so angbâ na so alondo na zoa ti Caphtor.*+   Li ti Gaza ayeke mboko.* Askélon ayeke duti kpô.+ Aï! Tanga ti azo so angbâ na yâ ti popo-hoto,* ala yeke ngbâ gï ti fâ terê ti ala na kä juska lawa?+   Aï, épée ti Jéhovah!+ Lawa la si mo yeke duti ande kpô? Kiri na yâ ti bozo ti mo. Wu terê ti mo na duti kpô.   Me épée ni ayeke duti kpô tongana nyen, so Jéhovah amû yanga na lo awe so? Lo yeke gue na terê ti Askélon nga na ando so ayeke na yanga ti ngu-ingo,+ ando so lo fa na épée ni ti si dä la.”

Kete tënë

So ti tene Crête.
So ti tene vundu nga na kamene ayeke sara si ala kio kuä ti li ti ala.
Wala “kpangbala ndo.”