Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Jérémie 45:1-5

LI TI ATËNË NI

  • Tënë so Jéhovah atene na Baruch (1-5)

45  Na yâ ti ngu osio ti komandema ti Jéhoïakim+ molenge ti Josias gbia ti Juda, prophète Jérémie asara tënë so na Baruch,+ molenge ti Nériah, na ngoi so lo yeke sû na yâ ti mbeni mbeti atënë so Jérémie+ ayeke fa peko ni na lo; Jérémie atene:  “Bâ tënë so Jéhovah Nzapa ti Israël atene na ndö ti mo la, Baruch:  ‘Mo tene: “Mawa na mbi, ndali ti so Jéhovah azia vundu na ndö ti pasi ti mbi! Mbi woko kue na gbe ti demango terê ti mbi, na mbi wara mbeni ndo ti wu terê ti mbi dä pëpe.”’  “Mo yeke tene na lo ande mo tene: ‘Jéhovah atene: “Bâ, ye so mbi leke na nduzu so, mbi yeke kungbi ni na sese, nga ye so mbi lu so, mbi yeke gboto ni, mbi yeke sara ye so na yâ ti kodro ni kue.+  Me ti mo, mo yeke gi* ti wara akota ye ndali ti mo wani. Mo zia lege ti gingo aye so.”’ “‘Ngbanga ti so mbi yeke ga na ye ti vundu na ndö ti azo kue,’+ tënë ti yanga ti Jéhovah la, ‘me na ndo so kue mo yeke gue ande dä, mbi yeke mû na mo lege ti sö fini* ti mo tongana ye so azo agbu na peko ti bira.’”+

Kete tënë

Wala “mo yeke ku.”
Wala “âme.”