Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Jérémie 30:1-24

LI TI ATËNË NI

  • Nzapa amû zendo ti kiri na azo ti lo na kodro ti ala (1-24)

30  Jéhovah asara tënë so na Jérémie, lo tene:  “Bâ tënë so Jéhovah, Nzapa ti Israël, atene la: ‘Mo sû atënë kue so mbi tene na mo so na yâ ti mbeni mbeti.  Jéhovah atene: “Bâ, ngoi ayeke ga so mbi yeke bungbi ande azo ti mbi so ayeke na ngbâa, azo ti Israël na azo ti Juda,”+ tënë so Jéhovah atene la, “mbi yeke kiri na ala na yâ ti kodro so mbi mû lani na akotara ti ala, na a yeke kiri ti ga ti ala.”’”+  So ayeke atënë so Jéhovah atene na azo ti Israël nga na azo ti Juda la.   Jéhovah atene: “E mä go ti aye so asara si terê ti zo adö;mbeto la ayeke dä, siriri ayeke dä pëpe.   Ala hunda ndo ti bâ wala eskê koli alingbi ti dü molenge? Ka, ngbanga ti nyen la mbi bâ angangu koli kue azia maboko ti ala na ndö ti yâ* ti ala,tongana ti mbeni wali so angbâ ti dü molenge so?+ Ngbanga ti nyen la lê ti ala kue ayeke gï na vundu so?   Aï, lango ni so ayeke mbeni sioni* lango mingi.+ Mbeni lango ti lingbi na ni ayeke dä pëpe,a yeke mbeni lango ti ye ti vundu ndali ti Jacob,me a yeke sö lo na yâ ni.”  Jéhovah ti aturugu atene: “Na lango ni so, mbi yeke fâ ande yâ ti joug so ayeke na ndö ti go ti mo so, mbi yeke fâ yâ ti akamba ni, awande ayeke sara si lo* ga ngbâa ti ala encore ape.  Ala yeke voro ande Jéhovah Nzapa ti ala nga ala yeke sara kua na David gbia ti ala, lo so mbi yeke yâa lo ande na ala.”+ 10  Jéhovah atene: “Ti mo, wakua ti mbi Jacob, mo sara mbeto pëpe,Israël, mo sara mbeto pëpe.+ Ndali ti so mbi yeke sö mo ande na mbeni ndo yongoro kâ,mbi sö ahale ti mo na yâ ti kodro so a gue na ala na ngbâa dä.+ Jacob ayeke kiri ande, lo yeke duti kpô nga lo yeke gi bê ti lo pëpe,zo oko ayeke zia mbeto na yâ ti lo pëpe.”+ 11  “Ndali ti so mbi yeke na mo ti sö mo,” tënë ti yanga ti Jéhovah la. “Amara kue so mbi kangbi mo na popo ti ala, mbi yeke futi ala kue kue kue.+ Me mbi yeke futi mo kue kue kue pëpe.+ Mbi yeke punir mo alingbi na ni,me mbi yeke zia mo, mo ngbâ senge tongaso pëpe.”+ 12  Bâ tënë so Jéhovah atene la: “Yorö ti sava na kä ti mo ayeke dä pëpe.+ Kä ti mo alingbi ti mü pëpe. 13  Mbeni zo ti gbu koko ti mo ayeke dä pëpe,lege ti tene a sara si kota kä ti mo ni amü ayeke dä pëpe. Yorö ti sava mo ayeke dä pëpe. 14  Andeko ti mo so aye mo mingi so agirisa mo awe.+ Ala yeke gi lege ti mo encore ape. Mbi pika mo, mo bâ mo tene mbeni wato ti mo la apika mo,+mbi punir mo tongana ti so mbeni sioni zo la apunir mo,mbi sara aye so ndali ti so sioni ti mo ayeke kota nga siokpari ti mo ayeke gbani gbani.+ 15  Mo yeke toto ndali ti kä ti mo ngbanga ti nyen? Zo alingbi ti sara si songo ni ahunzi pëpe. Ndali ti so sioni ti mo ayeke kota nga siokpari ti mo ayeke gbani gbani,+ni la mbi sara aye so na mo so. 16  Tongaso, azo kue so ayeke futi mo, a yeke futi ala ande,+awato ti mo kue, a yeke gue nga na ala ande na ngbâa.+ Ala so amû aye ti mo ahon na ni, a yeke mû aye ti ala nga ti hon na ni ande. Azo so agbu aye ti mo na ngangu, mbi yeke zia si a gbu aye ti ala nga na ngangu.”+ 17  Jéhovah atene: “Mbi yeke sara ande si mo wara sava, na kä ti mo amü,+atâa so ala iri mo atene zo so a tomba lo awe: ‘Sion, lo so zo oko ti gi peko ti lo ayeke dä pëpe.’”+ 18  Jéhovah atene: “Bâ, mbi yeke bungbi azo ti atente ti Jacob so ayeke angbâa,+mbi yeke bâ mawa ti ando ti lango ti lo. A yeke kiri ande ti leke gbata so na ndö ti koto ti ada ni so atuku na sese so,+a yeke kiri ti leke ngangu tour ni tâ gï na kozo ndo ni so. 19  Na popo ti ala, a yeke mä go ti azo so akiri singila nga azo so adekongo na ngia.+ Mbi yeke sara ande si ala wu mingi, wungo ti ala ayeke duti ande gï kete kete pëpe.+ Mbi yeke sara ande si ala ga gbani gbani,a yeke bâ ala ande tongana senge senge ye pëpe.+ 20  Amolenge ti lo ayeke kiri ti ga tongana ti kozo,bungbi ti azo ti lo ayeke luti ngangu na devant ti mbi.+ Mbi la mbi yeke bâ lege ti azo kue so asara ye ti ngangu na lo.+ 21  Zo ti ala so ala ne lo mingi ayeke londo gï na popo ti ala wani,mokonzi ti ala ayeke bâ ande gigi gï na popo ti ala. Mbi yeke sara ande si lo londo, lo ga nduru na mbi.” “Tongaso pëpe, zo wa la ayeke tara* ande ti ga nduru na mbi zo wa?” Tënë ti yanga ti Jéhovah la. 22  “Ala yeke ga ande azo ti mbi,+ na mbi yeke ga ande Nzapa ti ala.”+ 23  Bâ, ngonzo ti Jéhovah ayeke ga na ngangu ngangu,+mbeni ngangu pupu so ayeke tourné na lê ti nduzu kâ ayeke ga ti tï na li ti azo ti sioni. 24  Ngonzo ti Jéhovah so ayeke tongana wâ ayeke dë ande pëpejuska lo sara ye kue so lo leke na bê ti lo ti sara awe si.+ Ala yeke mä ande yâ ti ye so na alango ti nda ni.+

Kete tënë

Wala “gbe ti yâ.”
Na Hébreu: “kota.”
Wala “ala.”
Na Hébreu: “zia bê ti lo na lê ti mbeni ye.”