Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Jérémie 24:1-10

LI TI ATËNË NI

  • Apendere lê ti figue nga na ati so ayeke nzoni ape (1-10)

24  Na pekoni, Jéhovah afa na mbi asakpa use so alê ti figue ayeke na yâ ni na so a zia ni na devant ti temple ti Jéhovah. Lo fa ni na mbi na peko ti so Nébucadnezzar* gbia ti Babylone agbu Jéconias*+ molenge ti Jéhoïakim,+ gbia ti Juda, ague na lo na ngbâa, lo na amokonzi ti kodro ti Juda, azo so ahinga ti sara kua ti maboko nzoni nga na azo ti kua ti ndao;* Nébucadnezzar amû ala na Jérusalem la lo gue na ala na ngbâa na Babylone.+  Na yâ ti mbeni sakpa ni oko, a yeke wara apendere lê ti figue, so ayeke tongana akozo lê ti figue. Me na yâ ti mbeni sakpa ni, a yeke wara alê ti figue so ayeke nzoni oko pëpe, na so zo alingbi ti te ni pëpe.  Tongaso, Jéhovah ahunda mbi, atene: “Jérémie, nyen la mo bâ nyen?” Mbi tene: “Mbi bâ alê ti figue so ayeke pendere mingi, mbi bâ nga alê ti figue so ayeke nzoni oko pëpe na so zo alingbi ti te ni pëpe.”+  Jéhovah atene na mbi:  “Bâ tënë so Jéhovah, Nzapa ti Israël, atene la: ‘Legeoko tongana apendere lê ti figue so, mbi yeke bâ azo ti Juda so a gbu ala a gue na ala na kodro-wande so na nzoni lê, ala so mbi mû ala lani na ndo so, mbi tokua ala na kodro ti azo ti Chaldée.  Lê ti mbi ayeke ngbâ ande na ndö ti ala ndali ti nzoni ti ala, na mbi yeke sara ande si ala kiri na yâ ti kodro so.+ Mbi yeke leke ala ande na nduzu tongana da, mbi yeke kungbi ala na sese pëpe. Mbi yeke lu ala tongana keke, mbi yeke gboto gunda ti ala pëpe.+  Mbi yeke mû na ala mbeni bê so ayeke pusu ala ti hinga mbi, so mbi la mbi yeke Jéhovah.+ Ala yeke ga azo ti mbi, na mbi yeke ga Nzapa ti ala+ ndali ti so ala yeke kiri ande na mbage ti mbi na bê ti ala kue.+  “‘Me ti alê ti figue so ayeke nzoni oko pëpe si zo alingbi ti te ni pëpe so,+ bâ tënë so Jéhovah atene la: “Legeoko nga, mbi yeke bâ Sédécias+ gbia ti Juda tongaso, lo, amokonzi ti lo nga na tanga ti azo ti Jérusalem so angbâ na yâ ti kodro so, nga ala so asara kodro na sese ti Égypte.+  Mbi yeke sara si ala ga mbeni ye so ayeke mû mbeto na zo, mbeni ye ti vundu na lê ti aroyaume kue ti sese,+ mbeni ye ti kamene, mbeni ye so azo ayeke mû ti tene na mato, mbeni ye ti hengo ni nga mbeni ye so a deba ni awe+ na ando kue so mbi kangbi ala kirikiri dä.+ 10  Mbi yeke tokua épée na terê ti ala,+ mbi yeke tokua kota nzara na ndö ti ala nga na sioni kobela so amû ndo+ na ayeke fâ ala juska ala hunzi na yâ ti kodro so mbi mû lani na ala nga na akotara ti ala.”’”

Kete tënë

Na Hébreu: “Nébucadrezzar,” so mbeni lege ti di iri ni so la.
A iri lo nga Jéhoïakin wala Conias.
A lingbi nga ti tene “azo ti lekengo angangu gbagba.”