Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Jérémie 23:1-40

LI TI ATËNË NI

  • Anzoni berger nga na asioni ni (1-4)

  • Siriri na gbe ti “kete keke so ayeke mbilimbili” (5-8)

  • A fâ ngbanga na li ti aprophète ti wataka (9-32)

  • “Nengo kungba” ti Jéhovah (33-40)

23  Jéhovah atene: “Mawa na aberger so afuti ataba ti benyama ti mbi nga so asara si ala hon kirikiri.”+  Ni la, bâ tënë so Jéhovah Nzapa ti Israël atene na ndö ti aberger so ayeke bata azo ti lo: “Ala sara si ataba ti mbi ahon kirikiri, na ala ngbâ ti tomba ala kirikiri, ala bâ lege ti ataba ni pëpe.”+ Jéhovah atene: “Tongaso, mbi yeke ga na terê ti ala ngbanga ti aye ti sioni so ala sara so.”  “Na pekoni, tanga ti ataba ti mbi so angbâ na yâ ti akodro kue so mbi kangbi ala lani dä kirikiri so,+ mbi yeke kiri na ala na ndo ti tengo pere ti ala,+ ala yeke dü, na ala yeke ga gbani.+  Mbi yeke zia ambeni berger na ndö ti ala so ayeke bâ lege ti ala biani.+ Mbeto ayeke sara ala encore ape nga terê ti ala ayeke dö na mbeto pëpe, mbeni oko ayeke girisa pëpe,” tënë ti yanga ti Jéhovah la.  Jéhovah atene: “Bâ, alango ayeke ga so mbi yeke sara si mbeni kete keke*+ so ayeke mbilimbili asigi na yâ ti ahale ti David. Mbeni gbia ayeke komande ande+ nga lo yeke sara ye na ndara na lo yeke fâ ngbanga ti mbilimbili nga lo yeke sara ye na lege ni na yâ ti kodro ni.+  Na ngoi ti lo, a yeke sö ande kodro ti Juda,+ na Israël ayeke duti na siriri.+ Bâ iri so a yeke iri na lo ande la: Jéhovah ayeke mbilimbili ti e.”+  Jéhovah atene: “Tongaso, ngoi ayeke ga so ala yeke tene ande encore ape, atene: ‘Ti tâ tënë ni so Jéhovah ayeke na fini, lo so lo sigi na azo ti Israël na kodro ti Égypte.’+  Me ala yeke tene: ‘Ti tâ tënë ni so Jéhovah ayeke na fini, lo so lo sigi na ahale ti azo ti Israël na kodro so ayeke na mbage ti nord, lo so lo sigi na ala na yâ ti akodro kue so lo kangbi ala lani dä kirikiri,’ na lo yeke kiri ande na ala ti tene ala sara kodro na yâ ti kodro ti ala wani.”+  Tënë na ndö ti aprophète: Bê ti mbi ayeke na vundu mingi. Abio ti terê ti mbi kue ayeke dö dongo. Mbi yeke tongana zo so anyon sämba asoulé,tongana zo so vin ahon ndö ti lo. A yeke ndali ti Jéhovah nga ndali ti atënë ti lo so ayeke nzoni-kue si aye so asi na mbi so. 10  Kodro ni asi singo na azo ti gingo wali wala koli nde.+ Kodro ni ayeke na mua ndali ti so a deba ni,+ando ti tengo pere ti anyama so ayeke na benyama ahule.+ Ala yeke sara gï aye ti sioni, nga ala sara ye kirikiri na komandema so ala yeke na ni. 11  “Aprophète na aprêtre kue aga sioni awe.+ Même na yâ ti da ti mbi, mbi bâ aye ti sioni so ala sara,”+ tënë ti yanga ti Jéhovah la. 12  “Ndani la, ndö ti lege so ala tambela dä ayeke ga dongo dongo nga ayeke vuko;+a yeke pusu ala na ala yeke tï na sese,ngbanga ti so mbi yeke ga na ye ti vundu na ndö ti ala,na yâ ti ngu ni so mbi yeke ga ti punir ala,” tënë ti yanga ti Jéhovah la. 13  “Na popo ti aprophète ti Samarie,+ mbi bâ aye so zo alingbi ti bâ ni lege use pëpe. Baal la apusu ala ti tene aprophétie,na ala sara si azo ti mbi, Israël, ague yongoro na mbi. 14  “Na popo ti aprophète ti Jérusalem, mbi bâ ye so ayeke sioni mingi. Ala yeke sara lango-sioni+ nga ala yeke gï na yâ ti mvene.+ Ala mû maboko na azo ti sarango sioni,na ala zia lege ti asioni ti ala pëpe. Na lê ti mbi, ala kue ayeke tongana azo ti Sodome,+na azo ti kodro ni ayeke ti ala tongana azo ti Gomorrhe.”+ 15  Tongaso, bâ tënë so Jéhovah ti aturugu atene na terê ti aprophète so la: “Bâ, mbi yeke sara si ala te absinthe,mbi yeke mû na ala ngu so a zia sioni yorö dä si ala nyon.+ Aprophète ti Jérusalem la asara si tënë ti a-apostat amû ndo na yâ ti kodro ni kue.” 16  Bâ tënë so Jéhovah ti aturugu atene la: “Aprophétie so aprophète so ayeke tene so, ala mä ni pëpe.+ Aprophète so ayeke handa ala la. Vision ti bê ti ala wani la ala yeke fa peko ni so,+a londo na yanga ti mbi Jéhovah pëpe.+ 17  Ala yeke tënë fani mingi na azo so ayeke ne mbi pëpe so, ala tene: ‘Jéhovah atene: “Ala yeke duti na siriri.”’+ Na azo so amû peko ti asioni ye so bê ti ala afa na ala ti sara so, ala tene: ‘Mbeni ye ti sioni ayeke ga na ndö ti ala pëpe.’+ 18  Me na popo ti ala, zo wa la si aduti na popo ti akota kamarade ti Jéhovahsi lo bâ na lo mä tënë ni so zo wa? Zo wa la adengi mê ti lo si lo mä tënë ni so zo wa? 19  Bâ, ngonzo ti Jéhovah ayeke ga na ngangu ngangu,tongana ngangu pupu so ayeke tourné na lê ti nduzu kâ, a yeke ga ti tï na li ti azo ti sioni.+ 20  Ngonzo ti Jéhovah ayeke dë ande pëpejuska lo sara ye kue so lo leke na bê ti lo ti sara awe si. Ala yeke mä ande yâ ti ye so polele na alango ti nda ni. 21  Mbi tokua aprophète so pëpe, me ala mû loro ague. Mbi sara tënë na ala pëpe, me ala gue ala tene aprophétie.+ 22  Me tongana fade ala duti na popo ti akota kamarade ti mbi,ka ala sara si azo ti mbi amä atënë ti mbi,ka ala sara si azo ti mbi azia sioni lege ti ala nga na asioni ye so ala sara.”+ 23  Jéhovah atene: “Eskê gï tongana mbi yeke nduru na ala la si mbi yeke Nzapa, me tongana mbi yeke yongoro mbi yeke Nzapa ape?” 24  “Mbeni zo alingbi ti honde terê ti lo na mbeni ndo si mbi lingbi ti bâ lo ape?”+ tënë ti yanga ti Jéhovah la. “Eskê na yayu wala na sese mbeni ye ayeke dä so mbi lingbi ti bâ ni ape?”+ tënë ti yanga ti Jéhovah la. 25  “Mbi mä aprophète so ayeke tene aprophétie ti mvene na iri ti mbi, ala tene: ‘Mbi bâ li ti mbi! Mbi bâ li ti mbi!’+ 26  Ye so ayeke ngbâ na bê ti aprophète so juska lawa? ala so ayeke tene aprophétie ti mvene so. Ala yeke azo so bê ti ala wani la ahanda ala ti duti aprophète.+ 27  Na lege ti abango li so ala yeke fa peko ni na amba ti ala so, ala ye ti sara si azo ti mbi agirisa iri ti mbi, tongana ti so akotara ti ala agirisa iri ti mbi lani ngbanga ti Baal.+ 28  Zia prophète so abâ li ti lo afa peko ti bango li ti lo, me zo so tënë ti mbi ayeke na lo, zia lo fa ni na tâ lege ni.” “Nyen la abungbi asaleté ti alê ti kobe na alê ti kobe ni nyen?” tënë ti yanga ti Jéhovah la. 29  Jéhovah atene: “Tënë ti yanga ti mbi ayeke tongana wâ ape?+ A yeke tongana marteau so afâ yâ ti kota tênë ape?”+ 30  Jéhovah atene: “Bâ mbi yeke punir ande aprophète so, ala so ayeke nzi atënë ti mbi na popo ti ala.”+ 31  Jéhovah atene: “Bâ mbi yeke punir ande aprophète so, ala so ayeke mû yanga ti ala ti sara na tënë, atene: ‘Nzapa atene.’”+ 32  Jéhovah atene: “Bâ, mbi yeke punir ande aprophète so ayeke fa peko ti abango li ti mvene na azo ti mbi so, ala sara si azo ti mbi ahon yongoro na mbi ndali ti atënë ti mvene ti ala nga ndali ti pikango kate ti ala.”+ “Me mbi la mbi tokua ala pëpe nga mbi mû yanga na ala pëpe. Tongaso ala yeke sara ye ti nzoni oko pëpe na azo ti mbi,”+ tënë ti yanga ti Jéhovah la. 33  “Tongana azo so, wala mbeni prophète wala mbeni prêtre ahunda mo, atene: ‘Nengo kungba* ti Jéhovah ayeke nyen?’ mo kiri tënë na ala, mo tene: ‘“Ala la ayeke nengo kungba ni! Ndani la mbi yeke bi ala ande”,+ tënë ti yanga ti Jéhovah la.’ 34  Me ti prophète wala prêtre wala mbeni zo na popo ti azo ni so ayeke tene ande, atene: ‘Bâ nengo kungba* ti Jéhovah la!’ Mbi yeke ga na terê ti zo ni so nga na terê ti asewa ti lo. 35  Bâ tënë so zo oko oko ayeke tene ande na mba ti lo nga na ita ti lo la: ‘Jéhovah akiri tënë, atene nyen? Jéhovah atene nyen?’ 36  Me ti tënë ti nengo kungba ti Jéhovah ala yeke di iri ni encore ape, ndali ti so nengo kungba* ni ayeke tënë ti yanga ti zo oko oko; ala changé atënë ti Nzapa so ayeke na fini, Jéhovah ti aturugu, Nzapa ti e. 37  “Bâ tënë so mo yeke hunda ande na mbeni prophète la: ‘Jéhovah akiri tënë na mo, lo tene nyen? Jéhovah atene nyen? 38  Tongana ala ngbâ lakue ti tene: “Nengo kungba* ti Jéhovah,” ndali ti tënë ni so, bâ tënë so Jéhovah atene la: “Ngbanga ti so ala tene: ‘Bâ tënë so la ayeke nengo kungba ti Jéhovah ni,’ atâa so mbi tene lani na ala, mbi tene: ‘Ala tene pëpe: “Nengo kungba* ti Jéhovah,”’ 39  tongaso mbi yeke yô ala, mbi bi ala yongoro na lê ti mbi, ala legeoko na gbata so mbi mû lani na ala nga na akotara ti ala. 40  Mbi yeke sara si kamene agbu ala kpu na kpu, nga li ti ala ayeke ne lakue lakue, na azo ayeke girisa tënë ni pëpe.”’”+

Kete tënë

Wala “héritier.”
Wala “Nengo tënë.” Tënë ti yanga ti Hébreu so ndani ayeke use. Kozoni: “Nengo tënë so alondo na Nzapa.” Use ni: “Mbeni nengo kungba.”
Wala “nengo tënë.”
Wala “nengo tënë.”
Wala “Nengo tënë.”
Wala “Nengo tënë.”