Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Jérémie 22:1-30

LI TI ATËNË NI

  • Kpengba tënë ti ngbanga na terê ti asioni gbia (1-30)

    • Na terê ti Shallum (10-12)

    • Na terê ti Jéhoïakim (13-23)

    • Na terê ti Conias (24-30)

22  Bâ tënë so Jéhovah atene la: “Gue na da* ti gbia ti Juda, na mo tene tokua so na lo.  Mo tene: ‘Gbia ti Juda, mo so mo duti na ndö ti trône ti David, mo mä tënë so Jéhovah atene, mo na azo ti kua ti mo nga na azo ti kodro ti mo, ala so ayeke linda na ayanga ti gbagba ti gbata so.  Bâ tënë so Jéhovah atene la: “Ala fâ ngbanga mbilimbili nga ala sara ye na lege ni. Zo so azo ayeke nzi ye ti lo, ala zi lo na maboko ti azo ti nzi ni. Ala sara pasi na wande pëpe, ala sara ye ti sioni pëpe na molenge so babâ ti lo ayeke dä pëpe, ala sara ye ti sioni nga na wali-mua pëpe.+ Zo so tënë ayeke na li ti lo pëpe, ala tuku mênë ti lo na ndo so pëpe.+  Tongana ala sara ye alingbi na tënë so, agbia so aduti na ndö ti trône ti David+ ayeke ngbâ lakue ti linda na ayanga ti gbagba ti da so, ala yeke kpe na apuse ti mbarata nga na ambarata, ala na azo ti kua ti ala nga na azo ti kodro ti ala.”’+  “Jéhovah atene: ‘Me tongana ala mä atënë so pëpe, mbi wani mbi yeke deba na iri ti mbi, na da so ayeke ga mbeni ndo so abuba kue awe.’+  “Ni la, bâ tënë so Jéhovah atene na ndö ti da ti gbia ti Juda la: ‘Mo yeke tongana Galaad na lê ti mbi,mo yeke tongana li ti Hoto ti Liban. Me mbi yeke sara si mo ga benyama;agbata ti mo, zo oko ayeke sara ande kodro dä pëpe.+   Mbi yeke iri ande azo ti futingo ye ti ga na terê ti mo,ala oko oko kue na aye ti bira ti ala na maboko ti ala.+ Ala yeke dë ande apendere keke ti cèdre ti mo na sese,na ala yeke bi ni na lê ti wâ.+  “‘Amara mingi ayeke hon ande na terê ti gbata so na ala yeke tene na mba: “Jéhovah asara ye tongaso na kota gbata so ngbanga ti nyen?”+  Ala yeke kiri tënë, atene: “A yeke ngbanga ti so ala fâ yâ ti mbele so Jéhovah Nzapa ti ala ate na ala, na ala gue akuku na gbe ti ambeni nzapa nde na ala voro anzapa ni so.”’+ 10  Ala toto pëpe ndali ti zo so akui awe,na ala dema ndali ti lo pëpe. Me ala toto ngangu ndali ti zo so ague na mbeni ndo nde,ngbanga ti so lo yeke kiri encore ape ti bâ kodro so a dü lo dä. 11  “Ni la, bâ tënë so Jéhovah atene na ndö ti Shallum*+ molenge ti Josias la, gbia ti Juda so ayeke komande na place ti babâ ti lo Josias,+ so lo sigi na ndo so lo hon awe: ‘Lo yeke kiri na ndo so encore ape. 12  Ndali ti so lo yeke kui ande kâ na ndo so a gbu lo a gue na lo dä so, lo yeke kiri ti bâ kodro ti lo encore ape.’+ 13  Mawa na zo so aleke da ti lo na lege ti ye so ayeke na lege ni pëpe,zo so aleke akubu ti lo so ayeke na nduzu na lege ti mbilimbili pëpe,zo so asara si mba ti lo asara kua na lo gï senge senge,na lo ke ti futa na lo nginza ti kua ni.+ 14  Lo tene: ‘Mbi yeke leke ande kota da ti mbi,mbi yeke sara akota kubu ti nduzu na yâ ni,mbi yeke zia afenêtre dä,mbi yeke zia keke ti cèdre na terê ti amur ni na mbi yeke zia bengba peinture na terê ni.’ 15  Mo yeke ngbâ ti komande ngbanga ti so mo bâ terê ti mo kota na ndö ti amba ti mo na lege so mo leke da ti mo na keke ti cèdre? Lani babâ ti mo kue ate, lo nyon,me lo fâ ngbanga mbilimbili nga lo sara ye na lege ni,+na ye atambela lani nzoni na lo. 16  Lo gbu lani koko ti azo so a yeke sara pasi na ala nga na awayere,tongaso ye atambela lani nzoni. ‘A yeke ndali ti so lo hinga mbi la si lo sara ye tongaso so, ni la ape?’ Tënë ti yanga ti Jéhovah la. 17  ‘Me lê ti mo nga na bê ti mo ayeke gï na ndö ti warango ye na lege ti likisi,a yeke gï na ndö ti tukungo mênë ti azo so tënë ayeke na li ti ala pëpe,a yeke gï na ndö ti nzi nga na gbungo ye ti zo na ngangu.’ 18  “Ni la, bâ tënë so Jéhovah atene na ndö ti Jéhoïakim+ molenge ti Josias, gbia ti Juda la: ‘Azo ayeke toto kuâ ti lo pëpe, atene: “Aï, ita ti mbi ti koli-oo! Aï, ita ti mbi ti wali-oo!” Ala toto kuâ ti lo pëpe, atene: “Aï, seigneur-oo! Aï-oo, gloire ti lo ahunzi tongaso ngbanga ti nyen?” 19  A yeke lu kuâ ti lo ande tongana ti so a yeke lu na kuâ ti kororo,+a yeke gboto kuâ ti lo na sese na a yeke bi ni na gigina peko ti ayanga ti gbagba ti Jérusalem.’+ 20  Gue na li ti Hoto ti Liban, mo dekongo,na ndo ti Basan, mo yâa go ti mo na nduzu,mo ngbâ na Abarim+ mo dekongo,ndali ti so andeko ti mo so aye mo mingi so, a neka ala kue awe.+ 21  Mbi sara tënë lani na mo na ngoi so mo bâ so mbeni ye ti sara sioni na mo ayeke dä pëpe. Me mo tene: ‘Mbi yeke mä yanga ti mo pëpe.’+ Ngbene ye so mo ngbâ lani maseka, so sarango ye ti mo la,ni la si mo mä yanga ti mbi ape so.+ 22  Pupu ayeke hon na aberger ti mo kue,+ti andeko ti mo so aye mo mingi so, a yeke gue na ala na ngbâa. Ni la kamene ayeke gbu lê ti mo nga li ti mo ayeke ne ndali ti aye ti vundu so aga na ndö ti mo. 23  Mo so mo sara kodro na Liban,+mo so mo leke da ti mo tongana da ti ndeke na yâ ti akeke ti cèdre so,+mo yeke dema ande na ngoi so aye so ayeke son mo,pasi ti mo ayeke tongana ti wali so angbâ ti dü.”+ 24  “Jéhovah atene: ‘Mbi so mbi yeke na fini, mbi deba yanga, mbi tene, mo Conias*+ molenge ti Jéhoïakim,+ gbia ti Juda, tongana fade mo yeke bague ti kpongo na nzoroko so ayeke na maboko ti mbi ti koli so, ka mbi zi mo na maboko ti mbi awe. 25  Mbi yeke zia mo ande na maboko ti azo so ayeke gi ti fâ mo,* na maboko ti azo so mo yeke sara mbeto ti ala, na maboko ti Nébucadnezzar, gbia ti Babylone, nga na maboko ti azo ti Chaldée.+ 26  Mbi yeke bi mo na mama ti mo so adü mo na mbeni kodro nde so a dü ala dä pëpe, na ala yeke kui kâ. 27  Me ala yeke kiri ande lâ oko pëpe na yâ ti kodro so ala ye mingi ti kiri dä so.+ 28  Eskê lo Conias ni lo yeke gï mbeni ta ti sese so afâ awe, so azo ake ni? Lo yeke gï mbeni kungba so azo aye tënë ni ape? A bi lo na ahale ti lo na sese ngbanga ti nyen? A bi ala na yâ ti mbeni kodro so ala hinga ni pëpe so ngbanga ti nyen?’+ 29  Mo sese,* sese, sese, mä tënë ti Jéhovah si. 30  Bâ tënë so Jéhovah atene la: ‘Ala sû iri ti koli so na mbeti ti fa so lo yeke mbeni koli so adü molenge pëpe,lo yeke mbeni koli so ayeke bâ nzoni ande na yâ ti gigi* ti lo pëpe,ndali ti so mbeni hale ti lo oko tongaso ayeke wara ande lege pëpeti duti na ndö ti trône ti David nga ti kiri ti komande na ndö ti Juda.’”+

Kete tënë

Wala “yangbo.”
A iri lo nga Jéhoahaz.
A iri lo nga Jéhoïakin wala Jéconias.
Wala “âme ti mo.”
Wala “kodro.”
Na Hébreu: “alango.”