Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Jérémie 14:1-22

LI TI ATËNË NI

  • Buru, kota nzara nga épée (1-12)

  • A fâ ngbanga na li ti aprophète ti wataka (13-18)

  • Jérémie ayeda na siokpari ti azo ni (19-22)

14  Bâ tënë so Jéhovah atene na Jérémie na ndö ti tënë ti ngoi so ndo ahule so:+   Kodro ti Juda ayeke na mua,+ ayanga ti gbagba ti gbata ni atï awe. A duti na yâ ti sese na vundu, toto ti Jérusalem amonté na yayu.   Akota zo ti ala atokua azo ti kua ti ala* ti gi ngu. Azo ni ague na yanga ti adû ti ngu* me ala wara ngu pëpe. Ala kiri yâ ti akungba ti ala hololo. Kamene asara ala na bê ti ala anze, na ala kuku ye na li ti ala.   Sese asuru, ngbanga ti so ngu apika na kodro ni pëpe,+ vundu agbu azo ti fango yaka na ala kuku ye na li ti ala.   Même lekpa* so ayeke na ngonda azia molenge ti lo so lo dü fini fini lo hon ndali ti so pere ayeke dä pëpe.   Akororo ti ngonda aluti na ndö ti ahoto so li ni ayeke senge senge. Ala yôro hôn ti ala na nduzu ala gboto pupu tongana ambo ti ngonda.* Lê ti ala avuko ndali ti so pere oko ayeke dä pëpe.+   Atâa so sioni ti e wani la abi tënë na li ti e, Jéhovah, mo sara mbeni ye ndali ti iri ti mo.+ Ndali ti so e sara siokpari mingi,+ na e sara siokpari ni na terê ti mo.   Mo so mo yeke beku ti azo ti Israël, sauveur ti ala+ na angoi ti vundu, ngbanga ti nyen la mo ga tongana wande na ndö ti sese ni? Ngbanga ti nyen la mo ga tongana zo so ahon hongo na lege si lo luti gï ti lango ndali ti bï oko so?   Ngbanga ti nyen la mo yeke tongana zo so li ti lo akpe kue? tongana mbeni ngangu zo ti bira so alingbi ti sö zo ape so? Jéhovah, mo yeke na popo ti e,+ iri ti mo ayeke na ndö ti e,+ mo dö e mo zia pëpe. 10  Bâ tënë so Jéhovah atene na ndö ti azo so: “Ala ye gï ti fono kirikiri.+ Ala gbanzi gere ti ala pëpe si angbâ place oko.+ Ni la bê ti Jéhovah anzere na ala oko pëpe.+ Ti fadeso, lo yeke dabe ti lo ande na asioni ti ala si lo yeke dë ngbanga na li ti ala ndali ti asiokpari ti ala.”+ 11  Na pekoni, Jéhovah atene na mbi: “Mo sambela pëpe ndali ti azo so ti tene ye aga nzoni na ala.+ 12  Tongana ala mû jeûne, mbi yeke mä toto ti ala pëpe,+ atâa ala yâa na mbi asandaga so a zö ni agbi kue nga na asandaga ti alê ti kobe, a yeke nzere na bê ti mbi pëpe,+ ndali ti so mbi yeke futi ala ande na épée, na kota nzara nga na sioni kobela.”+ 13  Na mango tënë so, mbi tene: “Aï, Jéhovah, Seigneur ti dunia kue! Bâ, aprophète atene na azo so, atene: ‘A yeke futi ala ande na épée pëpe, kota nzara ayeke ga na ndö ti ala pëpe, me Nzapa ayeke mû na ala tâ siriri na ndo so.’”+ 14  Me Jéhovah atene na mbi: “Aprophète atene aprophétie ti mvene na iri ti mbi.+ Mbi la mbi tokua ala pëpe, mbi mû yanga na ala pëpe wala mbi sara tënë nga na ala pëpe.+ Tënë ti prophétie so ala yeke fa na azo so ayeke avision ti mvene, asenge senge tënë ti mbadi nga na atënë ti handa ti bê ti ala wani.+ 15  Bâ tënë so mbi, Jéhovah, mbi tene na ndö ti aprophète so ayeke tene aprophétie na iri ti mbi atâa so mbi la mbi tokua ala pëpe so; ti aprophète ni so atene épée wala kota nzara ayeke ga ande pëpe na ndö ti kodro so: ‘A yeke fâ ala na épée nga ala yeke kui na lege ti kota nzara.+ 16  Ti azo ni so aprophète ni atene aprophétie na ala so, a yeke bi kuâ ti ala na ndö ti alege ti Jérusalem ndali ti so ala kui na lege ti kota nzara nga na épée, zo ti lu kuâ ti ala ayeke duti dä pëpe+ (kuâ ti ala, kuâ ti awali ti ala, ti amolenge ti ala ti koli na ti amolenge ti ala ti wali) ndali ti so mbi yeke tokua ye ti vundu na ndö ti ala, ye ti vundu so alingbi na ala.’+ 17  “Sara tënë so na ala, mo tene: ‘Zia ngu ti lê ti mbi ayuru bï na lâ, na a kaï pëpe,+ ndali ti so a pika maseka-wali ti azo ti mbi na ngangu pika,+ na kä so lo wara akono mingi. 18  Tongana mbi sigi mbi gue na yaka, mbi bâ azo so a fâ ala na épée.+ Tongana mbi kiri mbi lï na yâ ti gbata ni, mbi bâ azo so ayeke na kobela ndali ti so kota nzara asara ala.+ Ngbanga ti so aprophète nga na aprêtre kue afono na mbeni ndo so ala hinga ni pëpe.’”+ 19  Mo zia Juda biani biani awe? Mo ke* Sion na bê oko? Ngbanga ti nyen mo pika e, si terê ti e akaï pëpe so?+ E yeke ku siriri ti tene aga, me ye ti nzoni oko tongaso aga pëpe,+ e yeke ku ngoi ti tene a sava e, me gï kota mbeto la ayeke dä.+ 20  Jéhovah, e hinga sioni ti e, nga na sioni so akotara ti e asara, ndali ti so e sara siokpari na terê ti mo.+ 21  Ndali ti iri ti mo, mo ke e pëpe;+ trône ti mo so ayeke na gloire, mo bâ ni tongana senge senge ye pëpe. Dabe ti mo na mbele so mo te lani na e, mo fâ yâ ti mbele ni pëpe.+ 22  Mbeni senge senge yanda so ayeke ti azo ti amara nde alingbi ti sara si ngu-nzapa apika? Wala ayayu wani alingbi ti sara si ngu-nzapa apika? Gï mo oko la mo lingbi ti sara ni, Jéhovah Nzapa ti e, ni la ape?+ E zia bê ti e gï na ndö ti mo, ndali ti so gï mo oko la mo sara aye so kue.

Kete tënë

Wala “azo ti ala so ayeke na kete ndo.”
Wala “adû so a zi ti bata ngu dä.”
Ambeni airi lo zambere.
Wala “achacal.”
Wala “Âme ti mo ake.”