Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Jérémie 11:1-23

LI TI ATËNË NI

  • Juda afâ yâ ti mbele ti lo na Nzapa (1-17)

    • Anzapa ni ayeke gbani gbani tongana agbata ni (13)

  • A haka Jérémie na kete taba so a gue na lo ti fâ lo (18-20)

  • Azo ti gbata ti Jérémie ni mveni alondo ti kanga lege na lo (21-23)

11  Jéhovah asara tënë so na Jérémie, lo tene: 2   “Azo, ala mä tënë ti mbele so! “Mo tene* na azo ti Juda nga na azo ti kodro ti Jérusalem,  mo tene: ‘Bâ tënë so Jéhovah, Nzapa ti Israël, atene la: “Deba aga na ndö ti zo so asara ye pëpe alingbi na atënë ti yâ ti mbele so,+  mbele so ândö mbi mû yanga na akotara ti ala na lango so mbi sigi na ala na kodro ti Égypte,+ na yâ ti four ti tongo wen,+ na mbi tene: ‘Tongana ala mä yanga ti mbi nga ala sara ye alingbi na aye kue so mbi mû yanga na ala ti sara, ala yeke ga azo ti mbi na mbi yeke ga Nzapa ti ala,+  tongaso mbi yeke sara ye alingbi na deba ti yanga ti mbi so mbi dë lani na akotara ti ala ti mû na ala kodro so lait na mafuta ti otoro asi singo dä.+ Ala sara kodro dä juska laso.’”’” Tongaso mbi kiri tënë, mbi tene: “Amen,* Jéhovah.”  Jéhovah atene na mbi: “Mo to mbela na atënë so kue na yâ ti agbata ti Juda nga na ndö ti alege ti Jérusalem, mo tene: ‘Ala mä tënë ti mbele so, na ala sara ye alingbi na ni.  Ndali ti so mbi gboto lani mê ti akotara ti ala na lango so mbi sigi na ala na kodro ti Égypte juska laso, mbi gboto mê ti ala fani mingi,* mbi tene: “Ala mä yanga ti mbi.”+  Me ala mä mbi pëpe wala ala dengi mê ti ala na tënë ti mbi pëpe. Zo oko oko ayeke sara gï ye ti sioni so bê ti lo apusu lo ti sara.+ Tongaso, mbi zia na ndö ti ala atënë kue ti mbele so mbi hunda na ala ti sara ye alingbi na ni, si ala ke ti sara ye alingbi na ni so.’”  Jéhovah atene na mbi: “Azo ti Juda na azo ti Jérusalem amä terê na hondengo ni ti sara kpengba-li na mbi. 10  Ala kiri ala sara aye ti sioni so akotara ti ala asara ândö, akotara ti ala so ake ti mä atënë ti mbi.+ Ala nga kue amû peko ti ambeni nzapa nde na ala voro anzapa ni so.+ Azo ti mara ti Israël na ti Juda afâ yâ ti mbele ti mbi so mbi te na akotara ti ala.+ 11  Ni la si Jéhovah atene: ‘Bâ, mbi yeke ga na mbeni kota ye ti vundu na ndö ti ala,+ ye ti vundu so ala lingbi ti kpe ni pëpe. Tongana ala iri ndo na mbage ti mbi ti tene mbi mû maboko na ala, mbi yeke mä ala ande pëpe.+ 12  Tongaso, azo ti agbata ti Juda nga na azo ti Jérusalem ayeke gue ande ti hunda na anzapa so ala sara asandaga na ala so ti mû maboko na ala,+ me anzapa ni so ayeke sö ala oko pëpe na yâ ti ngoi ti aye ti vundu so ayeke si na ala. 13  Ndali ti so anzapa ti ala, azo ti Juda, aga gbani gbani tongana wungo ti agbata ti ala, na ala sara agbalaka na ye ti kamene so,* ala sara agbalaka ti ala gbani gbani tongana gbâ ti alege ti Jérusalem, ti mû asandaga na ndö ni na Baal.’+ 14  “Ti mo, mo sambela ndali ti azo so pëpe. Mo toto ndali ti ala pëpe wala mo sambela ndali ti ala pëpe,+ ngbanga ti so mbi yeke mä ala pëpe na ngoi so ala yeke dekongo ti iri mbi ndali ti ye ti vundu so asi na ala. 15  Azo ti mbi so mbi ndoye ala mingi so aga ti sara nyen na yâ ti da ti mbi? so ala mingi asara aye ti sioni so. Ala bâ ti ala atene asandaga ti anyama la alingbi ti sara si ye ti vundu ni atï na ndö ti ala ape? Ala yeke duti ande na ngia na ngoi ni so? 16  Jéhovah adi iri ti mo lani keke ti olive so amaï pendere, keke so ayeke pendere nga alê ni ayeke nzoni. Me na yâ ti mbeni kota bruit, lo bi wâ na terê ni, nga awato afâ amaboko ti keke ni kue. 17  “Jéhovah ti aturugu, lo so alu mo,+ atene so mbeni kota ye ti vundu ayeke ga ande na ndö ti mo ndali ti sioni so azo ti mara ti Israël nga na azo ti mara ti Juda asara. Ala son bê ti mbi na lege so ala sara asandaga na Baal.”+ 18  Jéhovah asara tënë ni na mbi, ni la mbi hinga ni; na ngoi ni so, mo Nzapa, mo sara si mbi bâ aye so ala yeke sara. 19  Mbi yeke tongana kete taba so a yeke gue na lo ti fâ lo me lo sara ngangu pëpe. Mbi hinga pëpe mbi tene ala yeke mä terê ti sara sioni na mbi, ala tene:+ “Zia e futi keke ni na alê ni kue, zia e zi lo na popo ti azo so ayeke na fini na ndö ti sese ni, si mbeni zo adabe ti lo na iri ti lo encore ape.” 20  Me Jéhovah ti aturugu afâ ngbanga mbilimbili. Lo bâ bê ti zo nga na aye so ayeke na gbe ti bê ti zo kâ.+ Zia mbi bâ tongana nyen mo yeke kiri na ala peko ti sioni so ala sara, ndali ti so mbi zia tënë ti mbi na maboko ti mo awe. 21  Ni la, bâ tënë so Jéhovah atene na azo ti gbata ti Anathoth,+ ala so agi lege ti fâ* mbi nga ala tene: “Mo tene prophétie na iri ti Jéhovah pëpe.+ Tongana mo tene ni, e yeke fâ mo.” 22  Tongaso, Jéhovah ti aturugu, atene: “Bâ, mbi yeke dë ngbanga na ndö ti ala. A yeke fâ amaseka-koli na épée,+ na kota nzara ayeke fâ amolenge ti ala ti koli na amolenge ti ala ti wali.+ 23  Même mbeni tanga ti ala ayeke ngbâ pëpe, ndali ti so mbi yeke ga na kota ye ti vundu na ndö ti azo ti gbata ti Anathoth+ na yâ ti ngu ni so mbi yeke dë ngbanga na ndö ti ala.”

Kete tënë

Âmanke a yeke sara tënë ni na Jérémie.
Wala “Zia a duti tongaso.”
Na Hébreu: “mbi londo hio ti sara tënë na ala.”
Wala “na nzapa so ayeke ye ti kamene.”
Wala “ayeke gi âme ti.”