Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Jérémie 10:1-25

LI TI ATËNË NI

  • Anzapa ti amara nde na Nzapa so ayeke na fini (1-16)

  • Futingo ti Juda ayeke pusu nduru nduru nga a yeke mû azo ni a yeke hon na ala (17, 18)

  • Jérémie asara mawa (19-22)

  • Sambela ti prophète ni (23-25)

    • Zo alingbi ti fa lege na gere ti lo wani ape (23)

10  Azo ti mara ti Israël, ala mä tënë so Jéhovah atene na ala.  Bâ tënë so Jéhovah atene la: “Ala manda lege ti asarango ye ti azo ti ambeni mara nde pëpe,+ ala sara mbeto ti aye ti kpene so ayeke na yayu pëpe, ngbanga ti so aye ni so asara mbeto na azo ti ambeni mara nde.+   Angobo ti azo ti ambeni mara nde ayeke senge senge ye. A yeke gï mbeni keke ti gbako la a dë ni, so zo so ahinga ti sara kua ti maboko nzoni la amû aye ti kua ti lo si aleke na ni.+   Ala mû argent na lor ala sara na terê ni si a ga pendere,+ ala mû marteau na ala pika ni na apointe ti tene a tï na sese pëpe.+   Ayanda so ayeke tongana ye ti tombango na anyama na yâ ti yaka ti concombre, na ala lingbi ti sara tënë pëpe.+ A yô ala yongo, ndali ti so ala lingbi ti tambela pëpe.+ Ala sara mbeto ti ayanda so pëpe, ngbanga ti so ayanda ni alingbi ti sara sioni na zo pëpe, ala lingbi nga ti sara nzoni na zo pëpe.”+   Jéhovah, mbeni zo ti lingbi na mo ayeke dä pëpe.+ Mo yeke kota mingi, nga iri ti mo ayeke kota, na mo yeke ngangu mingi.   Zo wa la ayeke sara mbeto ti mo ape? Mo so mo yeke gbia ti amara,+ a lingbi azo asara mbeto ti mo, ngbanga ti so na popo ti azo ti ndara kue so ayeke na popo ti amara nde nga na popo ti aroyaume ti ala kue, mbeni zo oko ti lingbi na mo ayeke dä pëpe.+   Ala kue ayeke azo so li ti ala ayeke dä pëpe nga azo ti buba.+ Ti tene zo azia si mbeni keke la afa ye na lo ayeke biani senge senge ye.+   A mû argent so a leke ni aga kpangbala na kodro ti Tarsis+ si a ga na ni, a mû lor na kodro ti Uphaz si a ga na ni, zo so ahinga ti sara kua ti maboko nzoni nga na zo so ahinga kua ti lekengo aye na lor wala na argent nzoni la si azia aye so na terê ni. Ala mû abongo so a sara na kamba ti bleu na kamba ti laine so ayeke violet, ala yü na ayanda ni. Ayanda ni so kue ayeke ye so azo so ahinga ti sara kua ti maboko nzoni la si asara ni. 10  Me Jéhovah ayeke tâ Nzapa. Lo yeke Nzapa so ayeke na fini+ nga Gbia so ayeke kpu na kpu.+ Sese ayeke yengi ande ndali ti ngonzo ti lo,+ na amara ayeke luti ande na lê ti ngonzo ti lo pëpe. 11  * Bâ tënë so mo yeke tene na ala la: “Anzapa so asara lani yayu na sese pëpe so, ala yeke ngbâ ande pëpe na ndö ti sese nga na gbe ti yayu.”+ 12  Me Nzapa la ayeke zo so aleke sese ni na lege ti ngangu ti lo, lo sara si sese aluti ngangu na lege ti ndara ti lo,+ lo gbara yayu na lege ti hingango ndo ti lo.+ 13  Na ngoi so lo sara tënë, go ti lo asara si angu so ayeke na yayu adekongo,+ lo sara si ambinda* alondo na nda ti sese kue amonté.+ Lo sara wâ ti bekpa ndali ti* ngu-nzapa, lo sigi na pupu na yâ ti agogoro ti lo.+ 14  Azo oko oko kue asara ye tongana azo so li ti ala ayeke dä pëpe nga so ayeke na hingango ndo pëpe. Azo kue so ayeke azo ti lekengo aye na lor wala na argent, kamene ayeke gbu ande lê ti ala ndali ti ayanda so ala leke ni;+ ngbanga ti so astatue* ti wen so ayeke ye ti mvene, yingo* ayeke na yâ ti astatue ni so pëpe.+ 15  Ala yeke senge senge ye, mbeni ye ti hengo ni.+ Na ngoi so Nzapa ayeke ga na terê ti ala, ala yeke duti dä mbeni pëpe. 16  Me Nzapa ti Jacob ayeke tongana aye so pëpe, ngbanga ti so lo la lo leke aye kue, Israël ayeke keke ti héritage ti lo.+ Iri ti lo ayeke Jéhovah ti aturugu.+ 17  Mo ro akungba ti mo so ayeke na sese, mo wali so azo asara camp ti ala angoro mo. 18  Ndani la, bâ tënë so Jéhovah atene la: “Bâ, mbi yeke mû ala na yâ ti kodro ni ti bi na gigi na ngoi ni so,+ na mbi yeke sara si kota ye ti vundu asi na ala.” 19  Mawa na mbi ndali ti so mbi tï na sese awe!+ Kä ti mbi alingbi ti mü pëpe. Ni la mbi tene: “Ti tâ tënë ni, so kobela ti mbi la, mbi doit ti kanga bê ti mbi na ni. 20  A buba tente ti mbi kue, a fâ akamba ti tente ti mbi kue.+ Amolenge ti mbi azia mbi, ala yeke dä encore ape.+ Mbeni zo oko ayeke dä pëpe ti leke na mbi tente ti mbi wala ti leke abongo ti tente ni na nduzu. 21  A yeke ngbanga ti so aberger ni ayeke azo so li ti ala ayeke dä pëpe,+ ala gi lege ti Jéhovah pëpe.+ Ndani la si ala sara ye na ndara pëpe, na anyama ti ala kue akangbi kirikiri.”+ 22  Ala mä si! Mbeni tënë ayeke ga! Mbeni bruit so ayeke yengi ndo alondo na mbage ti nord ayeke ga,+ ti sara si agbata ti Juda aga mbeni ndo so abuba kue awe, ndo ti lango ti ambo ti ngonda.*+ 23  Jéhovah, mbi hinga lege ti zo ayeke na tïtî lo wani pëpe. Zo so ayeke tambela, a yeke même na lo wani ti fa lege na gere ti lo pëpe.+ 24  Jéhovah, mo gboto mê ti mbi na lege so alingbi na lê ti mo, me na lê ti ngonzo ti mo pëpe,+ tongaso pëpe mo yeke futi mbi biani.+ 25  Tuku ngonzo ti mo na ndö ti amara so ake ti hinga mo,+ nga na ndö ti azo so adi iri ti mo pëpe, ndali ti so ala te Jacob awe,+ biani, ala te lo juska ti hunzi lo kue.+ Ala sara si kodro ti lo abuba kue.+

Kete tënë

A sû versê 11 so ândö na yanga ti Araméen.
Wala “aguru ti ngu.”
A lingbi nga ti tene “Lo zi lege ti canal ti.”
Wala “astatue so a tö wen aga ngu si a leke na ni.”
wala “pupu.”
Wala “achacal.”