Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Genèse 5:1-32

LI TI ATËNË NI

  • Ti londo na Adam ti si na Noé (1-32)

    • Adam adü amolenge ti koli na ti wali (4)

    • Hénok atambela na Nzapa (21-24)

5  Mbaï ti Adam so a sû ni ayeke so. Na lango so Nzapa asara Adam, lo sara lo, lo kpa Nzapa.+  Lo sara ala koli na wali.+ Na lango so lo sara ala,+ lo iri tënë nzoni na ndö ti ala nga lo iri ala Zo.*  Adam awara ngu 130. Na pekoni, lo dü molenge ti koli so akpa lo, so ayeke image ti lo, na lo zia iri ti lo Seth.+  Na peko ti so Adam adü Seth, lo ngbâ na fini ngu 800. Lo dü amolenge ti koli na ti wali.  Tongaso, ngu ti Adam kue ayeke ngu 930, na lo kui.+  Seth awara ngu 105. Na pekoni, lo dü Énosh.+  Na peko ti so Seth adü Énosh, lo ngbâ na fini ngu 807. Lo dü amolenge ti koli na ti wali.  Tongaso, ngu ti Seth kue ayeke ngu 912, na lo kui.  Énosh awara ngu 90. Na pekoni, lo dü Kénan. 10  Na peko ti so Énosh adü Kénan, lo ngbâ na fini ngu 815. Lo dü amolenge ti koli na ti wali. 11  Tongaso, ngu ti Énosh kue ayeke ngu 905, na lo kui. 12  Kénan awara ngu 70. Na pekoni, lo dü Mahalalel.+ 13  Na peko ti so Kénan adü Mahalalel, lo ngbâ na fini ngu 840. Lo dü amolenge ti koli na ti wali. 14  Tongaso, ngu ti Kénan kue ayeke ngu 910, na lo kui. 15  Mahalalel awara ngu 65. Na pekoni, lo dü Jarèd.+ 16  Na peko ti so Mahalalel adü Jarèd, lo ngbâ na fini ngu 830. Lo dü amolenge ti koli na ti wali. 17  Tongaso, ngu ti Mahalalel kue ayeke ngu 895, na lo kui. 18  Jarèd awara ngu 162. Na pekoni, lo dü Hénok.+ 19  Na peko ti so Jarèd adü Hénok, lo ngbâ na fini ngu 800. Lo dü amolenge ti koli na ti wali. 20  Tongaso, ngu ti Jarèd kue ayeke ngu 962, na lo kui. 21  Hénok awara ngu 65. Na pekoni, lo dü Métushélah.+ 22  Na peko ti so Hénok adü Métushélah, lo tambela na tâ Nzapa* ngu 300. Lo dü amolenge ti koli na ti wali. 23  Tongaso, ngu ti Hénok kue ayeke ngu 365. 24  Hénok angbâ ti tambela na tâ Nzapa.+ Na pekoni, lo yeke dä encore ape, teti Nzapa amû lo.+ 25  Métushélah awara ngu 187. Na pekoni, lo dü Lamek.+ 26  Na peko ti so Métushélah adü Lamek, lo ngbâ na fini ngu 782. Lo dü amolenge ti koli na ti wali. 27  Tongaso, ngu ti Métushélah kue ayeke ngu 969, na lo kui. 28  Lamek awara ngu 182. Na pekoni, lo dü molenge ti koli. 29  Lo zia iri ti lo Noé,*+ na lo tene: “Molenge so ayeke ga na e dengo bê* na yâ ti ngangu kua ti e, na yâ ti pasi ti ngangu kua ti e ndali ti sese so Jéhovah adeba ni.”+ 30  Na peko ti so Lamek adü Noé, lo ngbâ na fini ngu 595. Lo dü amolenge ti koli na ti wali. 31  Tongaso, ngu ti Lamek kue ayeke ngu 777, na lo kui. 32  Na peko ti so Noé awara ngu 500, lo dü Sem,+ Cham+ na Japhet.+

Kete tënë

Wala “Adam; Azo.”
Na Hébreu: “Nzapa ni.” Bâ tënë “tâ Nzapa” na kete bakari.
Âmanke ndani aye ti tene “Wungo terê; Dengo bê.”
Wala “ayeke sara si e wu pupu.”