Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Genèse 29:1-35

LI TI ATËNË NI

  • Jacob atingbi na Rachel (1-14)

  • Jacob atï Rachel (15-20)

  • Jacob amû Léa na Rachel na wali (21-29)

  • Léa adü amolenge ti koli osio na Jacob: Ruben, Siméon, Lévi na Juda (30-35)

29  Na peko ti ye so, Jacob alondo na tambela na lo gue na kodro ti azo so ayeke na ndo so a iri ni Est.  Lo bâ mbeni dû ti ngu so ayeke na ndo ti tengo pere ti anyama nga groupe ota ti ataba ayeke na terê ni, ngbanga ti so a yeke ngu ni so la a yeke mû ka ni na anyama ni. Mbeni kota tênë ayeke na yanga ti dû ti ngu ni.  Tongana a bungbi anyama ni kue kâ awe, a yeke zi tênë na yanga ti dû ti ngu ni, na a yeke mû ngu na ala; na pekoni a yeke kiri na tênë ni na yanga ni.  Tongaso, Jacob ahunda ala, lo tene: “Aita ti mbi, ala yeke azo ti ndo wa?” Ala tene: “E yeke azo ti Haran.”+  Lo hunda ala: “Ala hinga Laban,+  âta ti Nahor?”+ Ala tene: “En, e hinga lo.”  Lo hunda ala, lo tene: “Lo yeke senge?” Ala tene: “En, lo yeke senge. Bâ molenge ti lo Rachel+ la ayeke ga na ataba so!”  Lo tene: “Me l’heure angbâ mingi. A yeke ngoi ti bungbingo anyama ni la pëpe. Ala mû ngu na ataba ni, na pekoni ala gue na ala ti tene ala te pere.”  Me ala tene: “E lingbi ti sara tongaso pëpe; tongana a bungbi anyama ni kue nga a zi tênë na yanga ti dû ti ngu ni awe la e yeke mû ngu na ataba ni.”  Na ngoi so lo ngbâ ti sara tënë na ala, Rachel aga na ataba ti babâ ti lo, teti Rachel ayeke berger. 10  Tongana Jacob abâ Rachel molenge ti Laban ita ti mama ti lo nga na ataba ti Laban, Jacob ague hio, lo zi tênë na yanga ti dû ti ngu ni na lo mû ngu na ataba ti Laban. 11  Na pekoni, Jacob asu ngbangba ti Rachel nga lo toto ngangu. 12  Jacob atene na Rachel so ni yeke fami* ti babâ ti lo, nga so ni yeke molenge ti Rébecca. Rachel akpe ague asara tënë ni na babâ ti lo. 13  Gï so Laban+ amä sango ti Jacob, molenge ti ita ti lo ti wali, Laban amû loro ti gue ti wara lo. Na pekoni, lo gbu lo na kate ti lo, lo su ngbangba ti lo, na lo ga na lo na yanga-da ti lo. Jacob afa na Laban peko ti aye kue so asi na lo. 14  Laban atene na lo: “Mo yeke biani bio ti mbi na mitele ti mbi.”* Tongaso, Jacob alango na ndo ti lo nze oko. 15  Na pekoni, Laban atene na Jacob: “Gï ndali ti so mo yeke fami*+ ti mbi si mo sara kua na mbi senge senge? Ti mo, mo ye mbi futa mo oke?”+ 16  Andâ Laban ayeke na amolenge ti wali use. Iri ti yaya ni ayeke Léa na iri ti ngambe ni ayeke Rachel.+ 17  Lê ti Léa aza pëpe, me ti Rachel, lo ga mbeni wali so anzere na lê ti azo mingi nga lo yeke pendere. 18  Jacob atï Rachel, ni la lo tene: “Mbi yeda ti sara kua na mo ngu mbasambala ndali ti Rachel, use molenge ti mo ti wali.”+ 19  Laban atene: “A yeke nzoni mbi mû lo na mo ahon ti mû lo na mbeni koli nde. Mo ngbâ mo lango na ndo ti mbi ge.” 20  Tongaso, Jacob asara kua ngu mbasambala ndali ti Rachel,+ me na lê ti lo a yeke tongana gï mbeni kete lango ndali ti so lo ye Rachel mingi. 21  Na pekoni, Jacob atene na Laban: “Mû na mbi wali ti mbi si mbi bungbi na lo, ndali ti so alango ti kua ti mbi ahunzi awe.” 22  Tongaso, Laban abungbi azo kue ti ndo ni na lo sara matanga na ala. 23  Me na lakui ni, lo mû molenge ti lo Léa lo ga na lo na Jacob si lo bungbi na lo. 24  Nga, Laban amû Zilpah, zo ti kua ti lo ti wali, lo mû na molenge ti lo Léa ti ga zo ti kua ti lo.+ 25  Na ndade ni na ndapre, Jacob abâ so Léa la! Tongaso, lo hunda Laban, lo tene: “Nyen la mo sara na mbi so? Mbi sara kua na mo ndali ti Rachel. Ka mo handa mbi ngbanga ti nyen?”+ 26  Laban atene: “Na kodro ti e ge, ngambe ayeke mû ka koli kozo ti yaya ti lo pëpe. 27  Sara matanga yenga oko na wali so si. Na pekoni, mbi yeke mû nga na mo ita ti lo ndali ti kua so mo yeke sara ande na mbi teti ambeni ngu mbasambala.”+ 28  Jacob asara tongaso, lo sara matanga yenga oko na wali ni, na pekoni Laban amû molenge ti lo Rachel na Jacob ti ga wali ti lo. 29  Nga, Laban amû Bilhah,+ zo ti kua ti lo ti wali, na Rachel ti ga zo ti kua ti lo.+ 30  Jacob abungbi nga na Rachel. Lo ye Rachel mingi ahon Léa, na lo sara kua na Laban teti ambeni ngu mbasambala.+ 31  Tongana Jéhovah abâ so Jacob aye Léa mingi pëpe,* lo sara si lo lingbi ti dü,*+ me Rachel adü pëpe.+ 32  Tongaso, Léa amû ngo, lo dü molenge-koli, lo zia iri ti lo Ruben,*+ teti lo tene: “A yeke ndali ti so Jéhovah abâ mawa ti mbi,+ tongaso koli ti mbi ayeke ye mbi fadeso.” 33  Lo kiri lo mû ngo, lo dü molenge-koli, na lo tene: “A yeke ngbanga ti so Jéhovah amä mbi, ndali ti so koli ti mbi aye mbi mingi pëpe, tongaso lo mû na mbi lo so.” Ni la lo zia iri ti lo Siméon.*+ 34  Lo kiri lo mû ngo, lo dü molenge-koli, na lo tene: “Ti so ni so, koli ti mbi ayeke bungbi oko na mbi, ngbanga ti so mbi dü na lo amolenge-koli ota.” Ni la a zia iri ti lo Lévi.*+ 35  Lo kiri lo mû ngo, lo dü molenge-koli, na lo tene: “Ti so ni so, mbi yeke sepela Jéhovah.” Tongaso, lo zia iri ti lo Juda.*+ Na pekoni, lo dü pëpe teti mbeni ngoi.

Kete tënë

Na Hébreu: “ita.”
Wala “fami ti mbi ti mênë.”
Na Hébreu: “ita.”
Na Hébreu: “ake Léa.”
Na Hébreu: “lo zi lege ti dungo ti lo.”
Ndani aye ti tene “Bâ, molenge ti koli!”
Ndani aye ti tene “Ti mä mbeni zo.”
Ndani aye ti tene “Aye use so ahule na terê ti mba; Aye so abungbi aga oko.”
Ndani aye ti tene “A sepela lo; Ye so a sepela ni.”