Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Genèse 27:1-46

LI TI ATËNË NI

  • Jacob awara tufa ti Isaac (1-29)

  • Ésaü agi tufa me lo changé bê ti lo ape (30-40)

  • Ésaü ake Jacob na bê oko (41-46)

27  Na ngoi so Isaac ayeke mbakoro na lê ti lo avuko si lo yeke bâ ndo pëpe, lo iri kozo molenge ti lo Ésaü,+ lo tene: “Molenge ti mbi!” Ésaü ayeda, atene: “Mbi la!”  Isaac atene: “Mbi ga mbakoro awe. Mbi hinga lango ti kuâ ti mbi pëpe.  Tongaso, pardon, mû aye ti mo ti gingo na nyama, bozo ti kokora ti mo nga na kokora ti mo, mo gue na ngonda na mo gi mbeni nyama ti ngonda na mbi.+  Tö na mbi mbeni pendere kobe so mbi ye ka ni mingi so, na ga na ni na mbi, mbi te, si mbi iri* tufa na ndö ti mo kozo si mbi kui.”  Ye oko, Rébecca ayeke mä Isaac na ngoi so lo yeke sara tënë na molenge ti lo Ésaü. Ésaü asigi ague na ngonda ti gi nyama ni ti ga na ni.+  Rébecca atene na molenge ti lo Jacob,+ atene: “Fafadeso mbi mä babâ ti mo asara tënë na ita ti mo Ésaü, lo tene:  ‘Ga na mbi mbeni nyama ti ngonda na tö na mbi mbeni pendere kobe, mbi te, si mbi iri tufa na ndö ti mo na gbele Jéhovah kozo si mbi kui.’+  Fadeso, molenge ti mbi, mä mbi nzoni na sara ye so mbi yeke tene na mo so.+  Pardon, gue na ndo so a yeke bata anyama dä, mû akete ngasa use mo ga na ala na mbi, anzoni ni, si mbi mû ala mbi sara mbeni pendere kobe na babâ ti mo, kobe so lo ye ka ni mingi so. 10  Na pekoni, mo gue na ni na babâ ti mo si lo te, tongaso si lo iri tufa na ndö ti mo kozo si lo kui.” 11  Me Jacob atene na mama ti lo Rébecca: “Ita ti mbi Ésaü ayeke zo so ayeke na gbâ ti kuä ti terê,+ me mbi, mbi yeke na ni pëpe. 12  Ka tongana babâ ti mbi atara terê ti mbi?+ Lo yeke tene mbi he lo hengo la, na ahon ti tene lo iri tufa na ndö ti mbi, lo yeke deba mbi.” 13  Mama ti lo atene na lo, atene: “Molenge ti mbi, zia deba so a ye ti dë na li ti mo aga na ndö ti mbi. Ye oko, sara gï ye so mbi fa na mo so, gue mo ga na ala na mbi.”+ 14  Tongaso lo gue, lo mû angasa ni, lo ga na ala na mama ti lo, na mama ti lo asara pendere kobe so babâ ti lo aye ka ni mingi so. 15  Na pekoni, Rébecca amû bongo ti Ésaü kozo molenge ti lo, pendere ni so ayeke na lo na da, lo yü ni na Jacob tanga ti molenge ti lo.+ 16  Nga lo zia aporo ti akete ngasa ni na ndö ti maboko ti Jacob nga na terê ti go ti lo, na place so kuä ni ayeke dä pëpe.+ 17  Na pekoni, lo zia pendere kobe ni nga na mapa so lo sara na maboko ti molenge ti lo Jacob.+ 18  Tongaso, lo lï na ndo ti babâ ti lo na lo tene: “Babâ!” Lo yeda, lo tene: “Mbi la! Mo molenge ti mbi wa la?” 19  Jacob atene na babâ ti lo, atene: “Mbi Ésaü kozo molenge ti mo la.+ Mbi sara gï tongana ti so mo tene na mbi. Pardon, londo mo duti na nduzu, mo te nyama ni, si mo iri* tufa na ndö ti mbi.”+ 20  Isaac ahunda molenge ti lo, atene: “Molenge ti mbi, a sara tongana nyen si mo wara nyama ni hio tongaso?” Lo tene: “A yeke ndali ti so Jéhovah Nzapa ti mo la aga na lo na devant ti mbi.” 21  Isaac atene na Jacob: “Pardon, molenge ti mbi, pusu ge, mbi tara terê ti mo ti bâ wala mo molenge ti mbi Ésaü la.”+ 22  Tongaso Jacob apusu nduru na babâ ti lo Isaac, na Isaac atara terê ti lo; na pekoni lo tene: “Go ni atoto tongana go ti Jacob, me maboko ni ayeke maboko ti Ésaü.”+ 23  Lo hinga lo tene Jacob la pëpe, ndali ti so maboko ti lo ayeke na kuä ti terê tongana ti ita ti lo Ésaü. Tongaso lo iri tufa na ndö ti lo.+ 24  Na pekoni, lo hunda lo, lo tene: “Mo molenge ti mbi Ésaü la?” Jacob ayeda, lo tene: “En, mbi la.” 25  Lo tene: “Molenge ti mbi, ga na kobe ti nyama ti ngonda ni na mbi si mbi te, na pekoni mbi iri* tufa na ndö ti mo.” Lo ga na ni na lo, na lo te ni; nga lo ga na lo vin, na lo nyon ni. 26  Babâ ti lo Isaac atene na lo: “Pardon, molenge ti mbi, ga ge mo su ngbangba ti mbi.”+ 27  Tongaso, lo ga lo su ngbangba ti lo, na Isaac amä fion ti bongo ti lo.+ Lo iri tufa na ndö ti lo nga lo tene: “Fion ti molenge ti mbi ayeke tongana fion ti ngonda so Jéhovah asara tufa na ndö ni. 28  Zia tâ Nzapa amû na mo angu ti pere,+ anzoni sese ti lungo ye dä,+ gbâ ti alê ti kobe nga na fini vin.+ 29  Zia azo asara kua na mo na zia amara akuku na gbe ti mo. Mo komande na ndö ti aita ti mo, nga zia amolenge-koli so mama ti mo adü akuku na gbe ti mo.+ Zia deba aga na ndö ti zo oko oko kue so adeba mo, nga zia tufa aga na ndö ti zo oko oko kue so airi tufa na ndö ti mo.”+ 30  Gï so Isaac ahunzi ti iri tufa na ndö ti Jacob, na gï so Jacob asigi na gbele babâ ti lo Isaac, ita ti lo Ésaü alondo na gingo nyama ni lo ga.+ 31  Lo nga lo sara mbeni pendere kobe, lo ga na ni na babâ ti lo. Lo tene na lo: “Babâ ti mbi mo londo, mo te mbeni nyama ti ngonda so mbi molenge ti mo mbi fâ, si mo iri* tufa na ndö ti mbi.” 32  Na mango tënë so, babâ ti lo Isaac ahunda lo, atene: “Mo zo wa la?” Lo tene: “Mbi kozo molenge ti mo, Ésaü la.”+ 33  Terê ti Isaac ato nda ti dö ngangu mingi, tongaso lo tene: “Ka zo wa la agi nyama ti ngonda, lo ga na ni na mbi so? Mbi te ni kozo si mo ga, na mbi iri tufa na ndö ti lo awe; na tufa ni ayeke ga ande biani na ndö ti lo!” 34  Na mango tënë ti babâ ti lo, Ésaü ato nda ti dekongo ngangu na vundu na bê, na lo tene na babâ ti lo: “Iri tufa na ndö ti mbi nga kue, babâ ti mbi!”+ 35  Me Isaac atene: “Ita ti mo aga asara ye na handa, ti tene tufa so mbi ye fade ti iri na ndö ti mo, mbi iri na ndö ti lo.” 36  Na mango tënë so, Ésaü atene: “Senge la a iri lo Jacob* so pëpe, ndali ti so fani use la lo mû place ti mbi so.+ Droit ti mbi ti kozo molenge, lo mû awe,+ nga ti so ni so lo sara si tufa ti mbi akiri na ndö ti lo!”+ Nga lo tene: “Mbeni tufa ndali ti mbi ayeke dä ape?” 37  Me Isaac atene na Ésaü: “Mbi zia lo ti komande na ndö ti mo,+ mbi mû aita ti lo kue na lo tongana azo ti kua ti lo, nga mbi mû na lo lê ti kobe na fini vin ti kpengba lo.+ Ka mbeni ye nde wa la mbi lingbi ti sara ndali ti mo? molenge ti mbi.” 38  Ésaü atene na babâ ti lo, atene: “Babâ ti mbi, mo yeke gï na tufa oko awe? Iri tufa na ndö ti mbi nga, babâ ti mbi!” Tongaso Ésaü atoto ngangu.+ 39  Babâ ti lo Isaac atene na lo: “Mo yeke sara kodro yongoro na anzoni sese ti lungo ye dä, nga yongoro na angu ti pere.+ 40  Mo yeke ngbâ ande na fini na lege ti épée ti mo,+ na mo yeke sara kua na ita ti mo.+ Me na ngoi so mo bâ so ye ni ahon ndö ni awe, mo yeke fâ joug ti lo na ndö ti go ti mo.”+ 41  Ye oko, Ésaü azia Jacob na bê ndali ti tufa so babâ ti lo airi na ndö ti lo,+ na Ésaü ayeke tene tënë so na bê ti lo: “Lango ti kuâ ti babâ ti mbi aga nduru awe;+ tongana ngoi ti sarango mua ni ahunzi awe, mbi yeke fâ ita ti mbi Jacob.” 42  Tongana a tene na Rébecca atënë ti kozo molenge ti lo Ésaü, hio lo tokua ndo ti iri tanga ti molenge ti lo Jacob ti ga, na lo tene na lo: “Ita ti mo Ésaü aleke ti fâ mo ndali ti ye so mo sara na lo.* 43  Tongaso, molenge ti mbi, sara ye so mbi yeke tene na mo so: Londo, kpe mo gue na ndo ti ita ti mbi Laban na kodro ti Haran.+ 44  Sara kodro na ndo ti lo kâ teti mbeni ngoi juska ngonzo ti ita ti mo adë si, 45  juska ngonzo ti ita ti mo adë na terê ti mo nga lo girisa ye so mo sara na lo so si. Na pekoni mbi yeke tokua ndo na mo si mo kiri. Ndani nyen ti tene mbi girisa ala use kue na lango oko?” 46  Na peko ti ye so, Rébecca ayeke tene ka na Isaac, atene: “Nzara ti gigi ahunzi na yâ ti mbi awe ndali ti amolenge-wali ti mara ti Heth.+ Tongana mbeni lâ Jacob nga amû wali na popo ti amolenge-wali ti mara ti Heth so ayeke tongana ala so, so asara kodro na sese ni, nzoni ti nyen la mbi wara na gigi ti mbi?”+

Kete tënë

Wala “âme ti mbi airi.”
Wala “âme ti mo airi.”
Wala “âme ti mbi airi.”
Wala “âme ti mo airi.”
Ndani aye ti tene “Zo so agbu peko ti gere ti mbeni zo; Zo so amû place ti mba ti lo.”
Wala “ayeke kanga bê ti lo ndali ti so lo leke ti fâ mo.”