Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Genèse 14:1-24

LI TI ATËNË NI

  • Abram asö Lot (1-16)

  • Melkisédek airi tënë nzoni na ndö ti Abram (17-24)

14  Na ngoi so Amraphel ayeke gbia ti Shinéar,+ na Ariok ayeke gbia ti Ellasar, na Kédorlaomer+ ayeke gbia ti Élam+ nga Tidal ayeke gbia ti Goïm,  ala sara bira na Béra gbia ti Sodome,+ na Birsha gbia ti Gomorrhe,+ na Shinab gbia ti Admah, na Shéméber gbia ti Zéboïm+ nga na gbia ti Béla, so ayeke Zoar.  Ala kue, ala wara terê na Popo-hoto* ti Siddim,+ so ayeke Kota ngu ti gbâ ti ingo.*+  Ala sara kua na Kédorlaomer ngu 12, me na ngu 13 ni, ala sara kpengba-li.  Tongaso, na ngu 14 ni, Kédorlaomer na agbia so ayeke na lo aga, ala sö benda na ndö ti azo ti Rapha so ayeke na Ashtéroth-Carnaïm, azo ti Zuzi so ayeke na Ham, azo ti Émim+ so ayeke na Shavéh-Kiriathaïm  nga na azo ti Hori+ so ayeke na yâ ti ahoto ti Séir,+ juska na El-Paran, so ayeke na yâ ti benyama.  Na pekoni, ala kiri na peko ti gere ti ala, ala si na En-Mishpat, so ayeke Cadès,+ na ala sö benda na ndö ti akodro kue ti azo ti mara ti Amalec;+ ala sö benda nga na ndö ti azo ti mara ti Amori+ so asara kodro na Hazazon-Tamar.+  Na ngoi ni so, gbia ti Sodome alondo na tambela, lo na gbia ti Gomorrhe, ti Admah, ti Zéboïm nga na ti Béla, so ayeke Zoar; ala leke terê ti ala ti sara bira na agbia so na Popo-hoto* ti Siddim:  ti sara bira na Kédorlaomer gbia ti Élam, na Tidal gbia ti Goïm, na Amraphel gbia ti Shinéar nga na Ariok gbia ti Ellasar;+ agbia osio abungbi ti sara bira na agbia oku. 10  Andâ Popo-hoto* ti Siddim asi singo na adû ti goudron; na agbia ti Sodome na Gomorrhe aye ti kpe, me ala tï na yâ ti adû ni; ala so angbâ akpe ague na ndo so ahoto ayeke dä. 11  Tongaso, azo so asö benda amû anzoni ye kue ti Sodome na ti Gomorrhe nga na akobe ti ala kue, ala hon ti ala.+ 12  Ala mû nga Lot, molenge ti ita ti Abram so ayeke sara kodro na Sodome;+ ala mû nga aye ti lo, ala hon. 13  Na peko ti ye so, mbeni koli so akpe na maboko ti ala asi na Abram so ayeke Hébreu, na lo sara tënë ni na lo. Na tango ni so, Abram ayeke sara kodro na popo ti akota keke ti Mamré so ayeke zo ti mara ti Amori,+ ita ti Eshcol na ti Aner+ ti koli. Ala na Abram amä terê awe ti mû maboko na mba. 14  Tongaso, Abram amä so a gbu fami*+ ti lo a hon na ni. Ni la, lo bungbi akoli ti gbe ti lo so a leke ala ndali ti bira, azo ti kua 318 so a dü ala na da ti lo, na lo tomba peko ti azo ni juska na Dan.+ 15  Na bï, lo kangbi yâ ti azo ti lo; lo na ala atiri na azo so, na ala sö benda na ndö ti ala. Lo tomba peko ti ala juska na Hobah, so ayeke na mbage ti nord ti Damas. 16  Lo mû na maboko ti ala aye kue so ala gbu, lo mû nga fami ti lo Lot, aye ti lo, awali nga na azo so ala hon na ala so. 17  Na peko ti so Abram asö benda na ndö ti Kédorlaomer na agbia so ayeke na terê ti lo, gbia ti Sodome ague ti tingbi na Abram na Popo-hoto* ti Shavéh, so ayeke Popo-hoto ti Gbia.+ 18  Melkisédek+ gbia ti Salem+ aga na mapa na vin; lo yeke prêtre ti Nzapa so ayeke na nduzu na ndö ti aye kue.+ 19  Na pekoni, lo iri tënë nzoni na ndö ti Abram, lo tene: “Zia Nzapa so ayeke na nduzu na ndö ti aye kue, Nzapa so asara yayu na sese, asara tufa na ndö ti Abram; 20  nga, zia a sepela Nzapa so ayeke na nduzu na ndö ti aye kue, lo so azia na maboko ti mo azo so asara pasi na mo!” Abram amû na lo dîme ti aye kue.+ 21  Na peko ti ye so, gbia ti Sodome atene na Abram: “Mû na mbi azo* ni, me mo mû ti mo akungba ni.” 22  Me Abram atene na gbia ti Sodome: “Mbi yôro maboko ti mbi na nduzu na Jéhovah, Nzapa so ayeke na nduzu na ndö ti aye kue, Nzapa so asara yayu na sese, 23  so mbi yeke mû mbeni ye ti mo oko pëpe, atâa kete kamba wala kamba ti poro, ngbanga ti mo tene: ‘Mbi la mbi sara si Abram aga zo ti mosoro.’ 24  Mbi yeke mû ye oko pëpe, a ngbâ gï na ye so amaseka-koli ate awe so! Me ti ye so a ye ti mû na akoli so amû maboko na mbi, Aner, Eshcol na Mamré,+ zia ala mû ti ala ye ni.”

Kete tënë

Wala “Kpangbala ndo.”
So ti tene Mer Morte.
Wala “Kpangbala ndo.”
Wala “Kpangbala ndo.”
Na Hébreu: “ita.”
Wala “Kpangbala ndo.”
Wala “a-âme.”