Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Genèse 12:1-20

LI TI ATËNË NI

  • Abram alondo na Haran ague na Canaan (1-9)

    • Zendo so Nzapa amû na Abram (7)

  • Abram na Saraï na Égypte (10-20)

12  Jéhovah atene na Abram: “Mo zia kodro ti mo, afami ti mo nga na da ti babâ ti mo, mo gue na kodro so mbi yeke fa ni ande na mo.+  Mbi yeke sara si mo ga kota mara, mbi yeke sara tufa na ndö ti mo, mbi yeke sara si iri ti mo aga kota nga azo ayeke wara ande tënë nzoni na lege ti mo.+  Mbi yeke iri ande tënë nzoni na ndö ti ala so airi tënë nzoni na ndö ti mo; zo so adeba mo, mbi yeke deba lo,+ nga na lege ti mo a yeke iri tënë nzoni ande na ndö ti asewa kue ti sese.”*+  Tongaso, Abram ague tongana ti so Jéhovah atene na lo; Lot nga amû peko ti lo. Abram ayeke na ngu 75 na ngoi so lo zia gbata ti Haran.+  Abram amû Saraï+ wali ti lo, Lot molenge ti ita ti lo ti koli,+ aye kue so ala wara+ nga na azo ti kua* so lo wara ala na Haran, ala mû lege ti gue na sese ti Canaan.+ Tongana ala si kâ,  Abram ahon na yâ ti kodro ni juska na ndo so a iri ni Sichem,+ nduru na akota keke ti Moréh. Na ngoi ni so, azo ti Canaan ayeke sara kodro na sese ni.+  Jéhovah asi na Abram na lo tene: “Mbi yeke mû sese+ so na ahale*+ ti mo.” Tongaso, Abram aleke mbeni gbalaka na ndo so na Jéhovah so asi na lo.  Na pekoni, lo londo kâ lo gue na ndo so ahoto ayeke dä na mbage ti est ti Béthel,+ na lo leke tente ti lo kâ; Béthel ayeke na mbage ti ouest, na Aï+ ayeke na mbage ti est. Lo leke mbeni gbalaka kâ na Jéhovah,+ na lo komanse ti di iri ti Jéhovah.+  Na pekoni, Abram alondo, lo hon lo si na mbeni ndo, lo sara kodro, lo hon lo si na mbeni ndo, lo sara kodro, ti gue na mbage ti Négueb.+ 10  Kota nzara atï na sese ni na Abram amû lege ti descend na Égypte ti sara kodro kâ teti mbeni ngoi,*+ ndali ti so kota nzara ni ayeke ngangu mingi na yâ ti kodro ni.+ 11  Na ngoi so ala yeke nduru ti lï na Égypte, lo tene na wali ti lo Saraï: “Pardon, mbi hinga so mo yeke pendere wali mingi.+ 12  Tongaso, tongana azo ti Égypte abâ mo, mbi hinga so ala yeke tene ande: ‘So wali ti lo la.’ Na ala yeke fâ ande mbi, me ala yeke bata mo na fini. 13  Pardon, tene so mo yeke ita ti mbi ti wali, tongaso si ndali ti mo mbi wara kpale pëpe, nga a fâ mbi pëpe.”*+ 14  Gï so Abram alï na Égypte, azo ti Égypte abâ so wali ni ayeke pendere mingi. 15  Amokonzi so Pharaon azia ala abâ lo nga, ala komanse ti gonda lo na gbele Pharaon; tongaso a mû wali ni a ga na lo na da ti Pharaon. 16  Lo sara nzoni mingi na Abram ndali ti wali ni, na Abram awara ataba, abagara, akoli-kororo na amama ni, azo ti kua ti koli na ti wali nga na achameau.+ 17  Na pekoni, Jéhovah asara si aye ti ngangu asi na Pharaon na azo ti da ti lo ndali ti Saraï wali ti Abram.+ 18  Pharaon airi Abram, lo tene: “Nyen la mo sara na mbi so? Ngbanga ti nyen mo tene na mbi pëpe so lo yeke wali ti mo? 19  Ngbanga ti nyen mo tene so lo yeke ita ti mo ti wali,+ si a ngbâ kete mbi mû lo ti ga wali ti mbi? Bâ wali ti mo la. Mû lo mo hon!” 20  Tongaso, Pharaon amû yanga na azo ti kua ti lo ti tene na Abram ti mû wali ti lo nga na aye ti lo kue ti hon.+

Kete tënë

Wala “asewa kue ti sese ayeke wara ande tënë nzoni ndali ti ala wani.”
Wala “a-âme.”
Na Hébreu: “ngongoa.”
Wala “ti sara kodro kâ tongana wande.”
Wala “âme ti mbi ayeke ngbâ na fini.”