Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

2 Samuel 1:1-27

LI TI ATËNË NI

  • David amä tënë ti kuâ ti Saül (1-16)

  • David atoto na ndö ti kuâ ti Saül na Jonathan (17-27)

1  Na peko ti kuâ ti Saül, David akiri na gbata ti Ziclag+ na peko ti so lo sö benda na ndö ti* azo ti Amalec, na lo sara lango use kâ.  Na ota lango ni, mbeni koli alondo na ndo so Saül asara camp ti lo dä lo ga; bongo ti lo asuru nga sese ayeke na yâ ti li ti lo. Tongana lo si nduru na David, lo kuku na lo kpo li ti lo na sese.  David ahunda lo, atene: “Mo londo na ndo wa la mo ga so?” Lo tene: “Mbi londo na yâ ti camp ti azo ti Israël la mbi kpe mbi ga so.”  David akiri ahunda lo, atene: “Ye ni apassé kâ tongana nyen? Tene na mbi si.” Lo kiri tënë, lo tene: “Azo ti Israël akpe na lê ti bira ni nga gbâ ti ala akui. Même Saül na molenge ti lo, Jonathan, akui.”+  David ahunda maseka-koli ni so aga na lo asango ni so, atene: “Mo hinga tongana nyen so Saül na molenge ti lo, Jonathan, akui?”  Lo kiri tënë, lo tene: “Na ngoi so mbi yeke na ndö ti Hoto ti Guilboa+ mbi yeke hon, mbi bâ Saül. Lo ba na ndö ti likongo ti lo, na apuse ti mbarata nga na azo ti kpengo na mbarata ayeke ga nduru nduru na lo.+  Tongana lo tourné lo bâ mbi, lo iri mbi, na mbi tene: ‘Mbi la!’  Lo hunda mbi, lo tene: ‘Mo yeke zo wa?’ Mbi kiri tënë, mbi tene: ‘Mbi yeke zo ti mara ti Amalec.’+  Lo tene: ‘Ga mo fâ mbi, ndali ti so ye ni ason mbi ngangu, me ade mbi kui pëpe.’* 10  Tongaso, mbi ga nduru na lo, mbi fâ lo+ ndali ti so mbi hinga so akä so lo wara so, lo peut ti ngbâ pëpe. Na pekoni, mbi mû couronne* so ayeke na li ti lo nga na ye ti maboko so ayeke na maboko ti lo; ni la mbi ga na ni na mo so, seigneur ti mbi.” 11  Na mango tënë so, David agbu bongo ti lo wani, lo suru yâ ni. Akoli kue so ayeke na terê ti lo asara nga tongaso. 12  Na pekoni, ala kue atoto na ala mû jeûne+ juska na lakui ndali ti Saül, ndali ti molenge ti lo Jonathan, ndali ti azo ti Jéhovah nga na azo ti Israël kue,+ ngbanga ti so a fâ ala na épée. 13  David ahunda maseka-koli so aga na asango ni so, lo tene: “Mo yeke zo ti kodro wa?” Lo tene: “Mbi yeke molenge ti mbeni wande so asara kodro ge, mbeni zo ti mara ti Amalec.” 14  David akiri ahunda lo, atene: “Ngbanga ti nyen mbeto asara mo pëpe ti yôro maboko ti mo ti fâ zo so Jéhovah asoro lo so?”+ 15  Ge, David airi mbeni maseka-koli so ayeke na terê ti lo na lo tene na lo: “Ga mo fâ lo.” Maseka-koli ni aga afâ lo.+ 16  David atene na lo: “Mênë ti mo ayeke na li ti mo wani, ndali ti so yanga ti mo wani la afâ ngbanga na li ti mo tongana mo tene: ‘Mbi la mbi fâ zo so Jéhovah asoro lo.’”+ 17  Na pekoni, David ahe bia ti vundu* so ndali ti Saül na molenge ti lo, Jonathan,+ 18  na lo tene so a yeke nzoni a fa na azo ti Juda bia ti vundu ni so a iri ni “Kokora.” A sû atënë ni na yâ ti mbeti ti Jashar:+ 19  “Aï Israël! Kuâ ti apendere zo ti mo ayeke lango na sese na ndö ti ahoto!+ Aï! Azo ti mo so ayeke ngangu mingi atï awe! 20  Ala sara tënë ni na yâ ti gbata ti Gath pëpe;+ ala fa tënë ni na ndö ti akota lege ti Askélon pëpe, tongaso pëpe terê ti awali ti kodro ti aPhilistin ayeke nzere, nga awali ti kodro ti azo so afâ ganza pëpe so ayeke dekongo na ngia. 21  Ala ahoto ti Guilboa,+ zia si ngu ti pere nga na ngu-nzapa atï na ndö ti ala pëpe, zia si alê ti kobe ti mungo na sandaga na Nzapa alë pëpe na yâ ti ayaka so ayeke na ndö ti ala,+ ndali ti so kâ la vala ti azo ti ngangu aga sioni. Kâ la vala ti Saül aga vala so a tuku mafuta na lê ni mbeni pëpe. 22  Kokora ti Jonathan akiri na peko pëpe, a tuku mênë ti azo so a fâ ala, a kpo yâ ti mafuta ti terê ti azo ti ngangu.+ Nga épée ti Saül ayeke kiri ka senge pëpe.+ 23  Azo aye Saül na Jonathan+ mingi* na ngoi so ala ngbâ na fini, même na ngoi so ala kui, yâ ti ala akangbi pëpe.+ Ala yapu na kpengo loro ahon a-aigle,+ ala yeke ngangu ahon abamara.+ 24  Awali ti Israël, ala toto kuâ ti Saül, lo so amû na ala apendere bengba bongo nga na aye ti nginza mingi, lo so azia aye ti baba so a sara na lor na terê ti bongo ti ala. 25  Aï! Azo so ayeke ngangu mingi atï na yâ ti bira! Kuâ ti Jonathan ayeke lango na sese na ndö ti ahoto!+ 26  Ita ti mbi Jonathan, vundu asara mbi mingi ndali ti mo; mbi ye mo lani mingi.+ Yengo so mo ye na mbi ahon ti so koli ayeke ye na wali.+ 27  Aï! Azo so ayeke ngangu mingi atï awe, nga aye ti sarango na bira abuba awe!”

Kete tënë

Wala “lo kinda.”
Wala “ndali ti so âme ti mbi kue angbâ na yâ ti mbi.”
Wala “kpoto ti gbia.”
Wala “bia ti totongo kuâ.”
Wala “Sarango ye ti ala anzere na azo.”