Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

2 Chronique 5:1-14

LI TI ATËNË NI

  • Lekengo aye ndali ti mungo temple ni na Nzapa (1-14)

    • A ga na Sanduku ti mbele ni na yâ ti temple ni (2-10)

5  Salomon ahunzi akua kue ti da ti Jéhovah.+ Na pekoni, Salomon amû aye so babâ ti lo David azia ni nde ndali ti kua ti Nzapa,+ lo ga na ni na yâ ti da ni. Lo zia argent, lor nga na akungba kue na yâ ti ando ti batango aye ti mosoro ti da ti tâ Nzapa.+  Na ngoi ni so, Salomon abungbi a-ancien ti Israël: amokonzi kue ti amara ti Israël nga na azo so ayeke amokonzi ti ahale ti akotara ti azo ti Israël. Ala gue na Jérusalem ti mû sanduku ti mbele ti Jéhovah so ayeke na Gbata ti David,+ so ti tene Sion, ti ga na ni.+  Akoli ti Israël kue abungbi na gbele gbia na ngoi ti matanga* so a yeke sara ka na nze mbasambala ni.+  Tongaso a-ancien kue ti Israël aga, na azo ti mara ti Lévi ayô Sanduku ni.+  Ala yô Sanduku ni, tente ti bungbi+ nga na akungba kue so a zia ni nde ndali ti kua ti Nzapa si ayeke na yâ ti tente ni. Aprêtre nga na azo ti mara ti Lévi* amû aye so kue ague na ni.  Gbia Salomon na azo ti Israël kue so a iri ala ti ga na terê ti lo ayeke na gbele Sanduku ni. Ataba nga na abagara so a mû ala na sandaga ayeke gbani gbani,+ si zo alingbi ti diko wungo ti ala pëpe.  Na pekoni, aprêtre amû sanduku ti mbele ti Jéhovah ala gue na ni na place ni na Ndo so ayeke nzoni kue kue kue.* Ala zia ni na gbe ti akpangbi ti achérubin.+  Yâ ti akpangbi ti achérubin ni azi na ndö ti ndo so Sanduku ni ayeke dä so, a sara si Sanduku ni nga na ayongoro keke ni+ ayeke na gbe ti achérubin ni.  Akeke ti sanduku ni ayo mingi, a sara si tongana zo ayeke na yâ ti Ndo so ayeke nzoni-kue, so ayeke na devant ti Ndo so ayeke nzoni kue kue kue, lo lingbi ti bâ yanga ti akeke ni. Me tongana lo yeke na gigi, lo lingbi ti bâ ni pëpe. A ngbâ kâ juska laso. 10  Mbeni ye nde ayeke na yâ ti Sanduku ni pëpe, gï akete tableau use so Moïse azia ni lani na yâ ni na Hoto ti Horeb+ na ngoi so Jéhovah ate mbele+ na azo ti Israël tongana ala yeke sigi na Égypte.+ 11  Na ngoi so aprêtre alondo na yâ ti temple ala sigi, (andâ na ngoi ni so, aprêtre kue so ayeke dä azi sioni ye na terê ti ala awe,+ atâa groupe wa la ala yeke na yâ ni)+ 12  azo ti mara ti Lévi kue so ayeke azo ti hengo bia+ si ayeke na gbe ti Asaph,+ ti Héman,+ ti Jéduthun,+ ti amolenge ti ala nga na ti aita ti ala ayü abongo so a sara ni na pendere tissu. Ala gbu acymbale nga aharpe na ambeni ye ti mozoko so ayeke nga na kamba. Ala luti na terê ti gbalaka na mbage ti est. Na terê ti ala, a yeke wara nga aprêtre 120 so ayeke hûru atrompette.+ 13  Azo ti hurungo trompette nga na azo ti hengo bia abungbi lego ti ala oko si ala yeke sepela Jéhovah nga ala yeke kiri singila na lo. A yeke mä nga go ti atrompette, ti acymbale nga na ti ambeni ye ti mozoko. Ala yeke sepela Jéhovah, ala tene so “lo yeke nzoni; tâ ndoye ti lo angbâ lakue lakue.”+ A yeke na ngoi ni so la mbinda amû yâ ti da ti Jéhovah kue.+ 14  Aprêtre ni awara lege pëpe ti luti ti sara kua ti ala ndali ti mbinda ni, ndali ti so gloire ti Jéhovah amû yâ ti da ti tâ Nzapa kue.+

Kete tënë

So ti tene Matanga ti akpangba.
Wala “azo ti mara ti Lévi so ayeke aprêtre.”
Na Hébreu: “chambre so ayeke na ngbonda ti da ni kâ.”