Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

2 Chronique 36:1-23

LI TI ATËNË NI

  • Joachaz aga gbia ti Juda (se1-3)

  • Jéhoïakim aga gbia ti Juda (4-8)

  • Jéhoïakin aga gbia ti Juda (9, 10)

  • Sédécias aga gbia ti Juda (11-14)

  • A futi Jérusalem (15-21)

  • Mbela so Cyrus amû ti tene a kiri a leke temple ni (22, 23)

36  Tongaso, azo ti kodro ni amû Joachaz+ molenge ti Josias, ala zia lo gbia na Jérusalem na peko ti babâ ti lo.+  Joachaz ayeke na ngu 23 na ngoi so lo ga gbia, na lo komande na Jérusalem nze ota.  Ye oko, gbia ti Égypte azi lo na ndö ti mbata ti gbia na Jérusalem na lo mû na azo ti kodro ni amende ti talent* ti argent 100 nga na talent ti lor oko ti futa na lo.+  Nga gbia ti Égypte amû Éliakim ita ti Joachaz, lo zia lo gbia na ndö ti azo ti Juda na ti Jérusalem, na lo changé iri ti lo si aga Jéhoïakim. Me Néco+ amû Joachaz ita ti Jéhoïakim, lo gue na lo na Égypte.+  Jéhoïakim+ ayeke na ngu 25 na ngoi so lo ga gbia, na lo komande na Jérusalem ngu 11. Lo ngbâ ti sara ye so ayeke sioni na lê ti Jéhovah Nzapa ti lo.+  Nébucadnezzar,+ gbia ti Babylone, aga ti gbu Jéhoïakim ti kanga lo na chaîne ti cuivre use na ti gue na lo na Babylone.+  Nébucadnezzar amû ambeni kungba so a yeke sara na kua na da ti Jéhovah lo gue na ni na Babylone, lo zia ni na yangbo ti lo na Babylone.+  Âdu ti tanga ti mbaï ti Jéhoïakim, tënë ti aye ti sioni so lo sara nga na aye ti sioni kue so iri ti lo awu dä, a sû ni na yâ ti Mbeti so afa tënë ti gigi ti agbia ti Israël na ti Juda. Molenge ti lo Jéhoïakin aga gbia na peko ti lo.+  Jéhoïakin+ ayeke na ngu 18 na ngoi so lo ga gbia, na lo komande na Jérusalem nze ota na lango bale-oko. Lo ngbâ ti sara ye so ayeke sioni na lê ti Jéhovah.+ 10  Na tongo nda ti ngu,* Gbia Nébucadnezzar atokua azo ti mû lo nga na akungba ti nginza so ayeke na yâ ti da ti Jéhovah ti gue na ni na Babylone.+ Lo mû Sédécias so ayeke ita ti babâ ti Jéhoïakin, lo zia lo gbia na ndö ti azo ti Juda na ti Jérusalem.+ 11  Sédécias+ ayeke na ngu 21 na ngoi so lo ga gbia, na lo komande na Jérusalem ngu 11.+ 12  Lo ngbâ ti sara ye so ayeke sioni na lê ti Jéhovah Nzapa ti lo. Lo sara terê ti lo kete pëpe na gbe ti prophète Jérémie+ so Jéhovah atokua lo ti sara tënë na lo. 13  Lo ke nga yanga ti Gbia Nébucadnezzar+ so asara si lo deba na iri ti Nzapa. Lo ngbâ ti sara kpengba-li,* lo kpengba bê ti lo nga lo ke ti kiri na mbage ti Jéhovah Nzapa ti Israël. 14  Amokonzi kue ti aprêtre nga na azo ni asara aye ti sioni mingi, ala sara asioni ye kue so ambeni mara ayeke sara, nga ala sara si da ti Jéhovah+ so lo zia ni nde si ayeke na Jérusalem aga sioni. 15  Jéhovah Nzapa ti akotara ti ala angbâ ti gboto mê ti ala na lege ti awatokua ti lo, lo gboto mê ti ala fani mingi, ndali ti so mawa ti azo ti lo nga na ti ndo so lo duti dä asara lo. 16  Me ala ngbâ ti he awatokua ti tâ Nzapa,+ ala zere tënë ti lo+ nga ala he aprophète ti lo;+ ngonzo ti Jéhovah alondo na terê ti ala+ juska lege ti tene ala kiri aga nzoni ayeke dä pëpe. 17  Tongaso, lo sara si gbia ti azo ti Chaldée+ aga na bira na terê ti ala, lo fâ amaseka ti ala ti koli na épée+ na yâ ti temple so ala bâ ni tongana ndo so ayeke nzoni-kue.+ Maseka-koli wala maseka-wali, mbakoro wala wazin, lo bâ mawa ti zo oko pëpe.+ Nzapa azia ye kue na maboko ti gbia ni.+ 18  Akungba kue so a yeke sara na kua na da ti tâ Nzapa, akota ni na akete ni, amosoro so ayeke na yâ ti da ti Jéhovah nga na amosoro ti gbia na ti azo ti lo so ayeke akota zo ti kodro, lo mû aye so kue lo gue na ni na Babylone.+ 19  Lo gbi da ti tâ Nzapa,+ lo kungbi gbagba ti Jérusalem,+ lo gbi angangu tour kue nga lo futi aye kue so ayeke aye ti nginza.+ 20  Ti azo so a fâ ala na épée pëpe, lo mû ala lo gue na ala na ngbâa na Babylone;+ ala ga azo ti kua ti lo+ na ti amolenge ti lo juska na ngoi so royaume ti Perse akomanse ti sara kua.+ 21  Ye ni asi tongaso si tënë ti Jéhovah so Jérémie afa peko ni aga tâ tënë,+ si sese ni awara lege ti wu terê ti lo.+ Na yâ ti ngoi kue so sese ni angbâ gï senge tongaso, sese ni ayeke wu terê* ti lo juska a si ngu 70.+ 22  Na yâ ti kozo ngu ti Cyrus+ gbia ti Perse, ti tene tënë so Jéhovah afa lani na yanga ti Jérémie aga tâ tënë,+ Jéhovah azia na bê ti Cyrus, gbia ti Perse, ti to mbela na yâ ti royaume ti lo kue, lo sû nga mbela ni na mbeti,+ lo tene: 23  “Cyrus Gbia ti Perse atene: ‘Jéhovah Nzapa ti yayu amû na mbi aroyaume ti sese kue,+ na lo mû yanga na mbi ti sara na lo mbeni da na Jérusalem, na sese ti Juda.+ Azo kue so ayeke azo ti lo, zia Jéhovah Nzapa ti ala aduti na ala, zia ala kiri.’”+

Kete tënë

Talent oko ane kilo 34,2. Bâ na B14.
Peut-être a yeke na nze ti aJuif so a iri ni Abib (Nisan).
Na Hébreu: “Lo kpengba go ti lo.”
Wala “ayeke bata sabbat.”