Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

2 Chronique 3:1-17

LI TI ATËNË NI

  • Salomon akomanse ti leke temple ni (1-7)

  • Ndo so ayeke nzoni kue kue kue (8-14)

  • Apilier use ti cuivre (15-17)

3  Na pekoni, Salomon akomanse ti leke da ti Jéhovah+ na Jérusalem na ndö ti Hoto ti Moriah.+ Kâ la Jéhovah asi lani na babâ ti lo David.+ A yeke nga kâ la David aleke ndo ti leke da ni dä, na ndo ti pikango alê ti kobe ti Ornan,+ zo ti mara ti Jébus.  Lo komanse ti leke da ni na yâ ti osio ngu ti komandema ti lo, na use lango ti use nze ni.  Gere ti da ni so Salomon asara ti leke da ti tâ Nzapa na ndö ni, yongo ni ayeke coudée 60. Largeur ni ayeke coudée 20.+ A mû mesure ni alingbi na mesure ti giriri.*  Yongo ti véranda so ayeke na devant ti temple ni ayeke coudée 20, a lingbi na largeur ti temple* ni. Yongo ti véranda ni na nduzu ayeke 120.* Lo zia lor ti nzoni ni na terê ni na mbage ti yâ ni.+  Lo pika aplanche ti genévrier na terê ti mur ti yâ ti kota da ni na lo zia lor ti nzoni ni+ na terê ni. Na pekoni, lo dë adessin ti akeke ti mbûrü dä,+ nga lo zia achaîne dä.+  Lo zia nga na terê ti mur ti da ni apendere tênë ti ngangu ngere.+ Lor+ so lo sara na kua ayeke lor so alondo na Parvaïm.  Lo zia lor na terê ti da ni, plafond ni, agbe ti yanga-da ni, mur ni nga na aporte ni.+ Lo dë adessin ti achérubin na terê ti mur ni.+  Lo leke Ndo*+ so ayeke nzoni kue kue kue. Yongo ni, so ayeke coudée 20, alingbi terê na largeur ti da ni so ayeke nga coudée 20; largeur ti Ndo so ayeke nzoni kue kue kue ayeke coudée 20. Talent* 600 ti lor ti nzoni ni la lo zia na terê ti mur ni.+  Nengo ti lor so a mû ti sara na apointe ayeke sicle* 50; lo zia nga lor na terê ti akete da so ayeke na li ti da ni. 10  Lo leke astatue use ti achérubin na yâ ti Ndo* so ayeke nzoni kue kue kue, na lo zia lor na terê ni.+ 11  Yâ ti kpangbi ti achérubin+ ni azi na atingbi terê, na yongo ni kue ayeke coudée 20. Mbeni kpangbi oko ti mbeni chérubin ni ayo coudée 5 na andu mur ti da ni. Mbage ti kpangbi ti lo ni ayo nga coudée 5 na andu yanga ti kpangbi ti use chérubin ni. 12  Mbeni kpangbi ti use chérubin ni ayo coudée 5 na andu mbeni mur ti da ni. Mbage ti kpangbi ti lo ni ayo nga coudée 5 na andu yanga ti kpangbi ti kozo chérubin ni. 13  Yâ ti akpangbi ti achérubin ni azi, nga ti londo na yanga ti mbeni kpangbi oko so andu mur ti si na mbeni yanga ti kpangbi ni so andu mur, a yo coudée 20. Achérubin ni aluti na nduzu, na lê ti ala ayeke na mbage ti yâ ti da ni.* 14  Lo mû akamba ti sarango na bongo nga na pendere tissu lo sara na rideau.+ A yeke akamba ti bleu, kamba ti laine so ayeke violet nga na ti bengba so avuko kete. Lo sara image ti achérubin dä.+ 15  Na pekoni, lo sara apilier+ use lo zia na devant ti da ni. Pilier oko oko ayo coudée 35. Na li ti pilier oko oko, lo leke mbeni ye so akpa kpoto so ayo coudée 5.+ 16  Lo leke achaîne so akpa aye ti go, lo zia ni na li ti apilier ni. Lo leke nga alê ti keke ti grenade 100, lo zia ni na ndö ti achaîne ni. 17  Lo kpo apilier ni na nduzu na devant ti temple ni, oko na mbage ti koli* nga oko na mbage ti wali.* Ti so ayeke na mbage ti koli, lo iri ni Jakin;* ti so ayeke na mbage ti wali, lo iri ni Boaz.*

Kete tënë

Mingi ni, coudée oko alingbi na centimètre 44,5; me ambeni zo apensé so “mesure ti giriri” aye ti sara tënë ti kota coudée so alingbi na centimètre 51,8. Bâ na B14.
Wala “yongo ti véranda ni so atingbi na largeur ti temple ni ayeke coudée 20.”
A hinga mbilimbili yongo ti véranda ni na nduzu pëpe.
Na Hébreu: “da.”
Talent oko ane kilo 34,2. Bâ na B14.
Sicle oko ane gramme 11,4. Bâ na B14.
Na Hébreu: “da.”
So ti tene na mbage ti Ndo so ayeke nzoni-kue.
Wala “na mbage ti sud.”
Wala “na mbage ti nord.”
Ndani aye ti tene “Zia si lo [so ti tene, Jéhovah lo] sara si a luti nzoni.”
Peut-être a ye ti tene “Na lege ti ngangu.”