Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

2 Chronique 27:1-9

LI TI ATËNË NI

  • Jotham aga gbia ti Juda (1-9)

27  Jotham+ ayeke na ngu 25 na ngoi so lo ga gbia, na lo komande na Jérusalem ngu 16. Iri ti mama ti lo ayeke Jérushah molenge ti Zadoc.+  Lo ngbâ ti sara ye so ayeke na lege ni na lê ti Jéhovah, tâ gï tongana ti so babâ ti lo Ozias asara lani.+ Me ti lo, lo lï pëpe na ngangu na yâ ti temple ti Jéhovah.+ Me azo ni angbâ lani ti sara aye so ayeke ga na kpale.  Lo leke yanga ti gbagba ti da ti Jéhovah+ so ayeke na mbage ti nduzu, nga lo leke gbâ ti ada na ndö ti gbagba so ayeke na Ophel.+  Lo leke nga agbata+ na ndo so ahoto ayeke dä na Juda,+ lo leke ando so angangu gbagba ayeke na terê ni+ nga na atour+ na yâ ti agbako.  Lo gue lo sara bira na gbia ti azo ti Ammon+ ngbii lo sö benda na ndö ti ala. Ye so asara si na yâ ti ngu ni so azo ti Ammon amû na lo talent* ti argent 100, kor* ti blé* 10 000 nga na kor ti orge* 10 000. Ala mû nga na lo a-oko ye ni so na use nga na ota ngu ni.+  Ngangu ti Jotham angbâ gi ti gue na li ni, ndali ti so lo leke lege ti lo na gbele Jéhovah Nzapa ti lo.  Âdu ti tanga ti mbaï ti Jotham, tënë ti abira kue so lo sara nga na aye kue so lo sara, a sû ni na yâ ti Mbeti so afa tënë ti gigi ti agbia ti Israël na ti Juda.+  Lo yeke na ngu 25 na ngoi so lo ga gbia, na lo komande na Jérusalem ngu 16.+  Jotham akui, na lo wu terê ti lo tongana ti akotara ti lo. A lu lo na Gbata ti David.+ Molenge ti lo Achaz aga gbia na peko ti lo.+

Kete tënë

Talent oko ane kilo 34,2. Bâ na B14.
Kor oko alingbi na litre 220. Bâ na B14.
Blé ayeke mbeni mara ti loso.
Orge ayeke mbeni mara ti nzö.