Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

2 Chronique 2:1-18

LI TI ATËNË NI

  • Aye nde nde so a bungbi ti leke na temple (1-18)

2  Salomon amû yanga ti tene a leke da ndali ti iri ti Jéhovah+ nga na da* ti gbia.+  Salomon amû azo 70 000 tongana asenge zo ti kua,* azo 80 000 ti pika yâ ti atênë na yâ ti ahoto+ nga na akota zo 3 600 so ayeke bâ ndo na ndö ti ala.+  Nga, Salomon atokua yanga na Hiram,+ lo tene: “Sara na mbi oko ye so mo sara lani na babâ ti mbi David na ngoi so mo tokua na lo akeke ti cèdre ti tene lo leke na da* si lo lango na yâ ni.+  Ti fadeso, mbi yeke leke da ndali ti iri ti Jéhovah Nzapa ti mbi, ti zia ni nde ndali ti lo, ti zö dukane so afun pendere+ na gbele lo. Mbi leke ni nga ti tene a zia dä lakue mapa so a dö ni na ndö ti terê,*+ nga ti tene a yâa asandaga so a zö ni agbi kue dä lakue na ndapre nga na lakui,+ na alango ti Sabbat,+ ti afini nze+ nga na ti amatanga ti Jéhovah Nzapa ti e so e yeke sara na yâ ti ngu oko oko.+ A yeke aye so la a hunda na azo ti Israël ti sara lakue.  Da so mbi yeke leke ni so ayeke duti ande mbeni kota pendere da, ndali ti so Nzapa ti e ayeke kota ahon tanga ti anzapa kue.  Zo wa la alingbi ti leke da na lo zo wa? So yayu, même yayu so ayo kâ alingbi na lo ape so,+ ye so mbi lingbi ti sara ayeke gï ti leke mbeni da ti zö asandaga na gbele lo.  Tongaso, pardon, tokua na mbi mbeni zo so ahinga ti sara kua na lor, na argent, na cuivre+ nga na wen; zo so ahinga ti sara bongo na kamba ti laine so ayeke violet, na kamba so abe si avuko kete nga na ti bleu. A yeke nzoni zo ni ahinga nga ti dë adessin na terê ti aye. Lo yeke sara ande kua na Juda nga na Jérusalem na terê ti azo ti mbi so ahinga ti sara kua ti maboko nzoni. Babâ ti mbi David la amû ala na mbi.+  Tokua nga na mbi akeke ti cèdre, ti genévrier+ nga na ti algoummim+ so alondo na kodro ti Liban, ndali ti so mbi hinga so awakua ti mo ayeke azo so ahinga ti dë akeke ti Liban.+ Awakua ti mbi na ti mo ayeke bungbi oko ti sara kua+  ti leke na mbi gbâ ti akeke, ndali ti so mbi yeke leke mbeni da so ayeke kono ande ngangu. 10  Mbi la mbi yeke mû kobe na awakua+ ti mo so ayeke azo ti dengo akeke. Mbi yeke mû na ala kor* 20 000 ti blé, kor 20 000 ti orge, bath* 20 000 ti vin nga na bath 20 000 ti mafuta. 11  Tongana Hiram gbia ti Tyr amä tënë ti Salomon, lo sû mbeti na Salomon, lo tene: “A yeke ndali ti so Jéhovah aye azo ti lo mingi la lo zia mo gbia ti ala.” 12  Hiram akiri atene: “Zia a sepela Jéhovah Nzapa ti Israël, lo so asara yayu na sese, ndali ti so lo mû na Gbia David mbeni molenge so ayeke na ndara,+ so asara ye na hange nga so ahinga ndo;+ lo yeke leke da na Jéhovah nga na da ti gbia. 13  Mbi yeke tokua na mo Hiram-Abi,+ mbeni zo so ahinga ti sara akua ti maboko nzoni nga so ahinga ye mingi. 14  Mama ti lo ayeke zo ti mara ti Dan, me babâ ti lo ayeke zo ti kodro ti Tyr. Lo hinga ti sara kua na lor, na argent, na cuivre, na wen, na atênë nga na akeke. Lo hinga nga ti sara kua na kamba ti laine so ayeke violet, kamba so abe si avuko kete nga na ti bleu.+ Lo hinga nga ti sara kua na pendere tissu.+ Lo hinga akua nde nde kue ti dengo adessin na terê ti ye, na lo lingbi ti sara adessin kue so mo mû na lo ti sara. Lo na azo ti mo so ahinga ti sara kua ti maboko nzoni nga na ala ti seigneur ti mbi, babâ ti mo David, la ayeke sara kua place oko. 15  Tongaso, seigneur ti mbi, tokua blé, orge, mafuta nga na vin so mo mû zendo ti mû na awakua ti mo.+ 16  E yeke dë gbâ ti akeke ti Liban+ alingbi na bezoin ti mo, na e yeke bungbi akeke ni e kanga ni na botte, na pekoni e yeke zia abotte ni na lê ti ngu si asua ague na Joppé.+ Mo la mo yeke mû ande ni ti gue na ni na Jérusalem.”+ 17  Na pekoni, Salomon adiko akoli kue so ayeke awande so asara kodro na Israël,+ tongana ti so babâ ti lo David asara lani,+ na wungo ti ala ayeke 153 600. 18  Salomon amû azo 70 000 tongana asenge zo ti kua* nga azo 80 000 ti pika yâ ti atênë+ na yâ ti ahoto. Lo mû nga akota zo 3 600 ti mû akua na azo ni.+

Kete tënë

Wala “yangbo.”
Wala “azo ti yongo nengo kungba.”
Wala “yangbo ti gbia.”
So ti tene mapa ti ziango ni na gbele Nzapa.
Kor oko alingbi na litre 220. Bâ na B14.
Bath oko alingbi na litre 22. Bâ na B14.
Wala “azo ti yongo anengo kungba.”