Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

2 Chronique 16:1-14

LI TI ATËNË NI

  • Asa ate mbele na Syrie (1-6)

  • Hanani asuku na Asa (7-10)

  • Tënë ti kuâ ti Asa (11-14)

16  Na ngu 36 ni ti komandema ti Asa, Baasha+ gbia ti Israël aga na bira na terê ti azo ti Juda. Lo komanse ti leke peko* ti gbata ti Ramah+ ti kanga lege si zo asigi na yâ ti gbata ni pëpe nga si zo ague na ndo* ti Asa gbia ti Juda pëpe.+  Tongana Asa abâ ye so, lo mû argent na lor so ayeke na yâ ti ando so a bata mosoro dä na da ti Jéhovah+ nga na da* ti gbia, lo tokua ni na Ben-Hadad, gbia ti Syrie+ so asara kodro na Damas. Asa atene na lo:  “Mbeti ti siriri* ayeke na popo ti mbi na mo, tongana ti so a yeke na popo ti babâ ti mbi na babâ ti mo. Mbi tokua na mo argent na lor. Tongaso mo ga, mo buba yâ ti siriri* so ayeke na popo ti mo na Baasha gbia ti Israël, si lo zia mbi.”  Ben-Hadad ayeda na tënë so Gbia Asa atene, na lo tokua amokonzi ti aturugu ti lo ti londo na bira na terê ti agbata ti Israël. Ala futi gbata ti Ijon,+ ti Dan,+ ti Abel-Maïm nga na ando kue so a yeke bata ye dä na yâ ti agbata so ayeke na sese ti azo ti mara ti Nephtali.+  Tongana Baasha amä tënë ni, hio lo zia lege ti lekengo peko* ti gbata ti Ramah, na lo dö kua ni lo zia.  Gbia Asa amû azo ti Juda kue, na azo ni amû atênë nga na akota keke so Baasha azia na Ramah+ ti leke na peko ti gbata ni,+ ala gue na ni na Asa si lo leke peko* ti gbata ti Guébah+ nga na gbata ti Mizpah na ni.+  Na ngoi ni so, Hanani+ zo ti bango ye ague na ndo ti Asa gbia ti Juda na lo tene na lo: “So mo zia bê ti mo kue* na gbia ti Syrie me mo zia bê ti mo kue* na Jéhovah Nzapa ti mo pëpe, aturugu ti gbia ti Syrie akpe na maboko ti mo awe.+  Aturugu ti Éthiopie na ti Libye ayeke lani gbani gbani ape? Nga ala ga na gbâ ti apuse ti mbarata na azo ti kpengo na mbarata ape? Me so mo zia bê ti mo kue na Jéhovah, lo zia ala na maboko ti mo,+  ndali ti so lê ti Jéhovah ayeke bâ ndo na ndö ti sese kue+ ti mû ngangu ti lo ti mû maboko na azo so azia bê ti ala kue* na lo.+ Me ti so ni so, mo sara ye tongana zo ti buba. Ti londo laso ti gue na ni, azo ayeke ga na bira na terê ti mo.”+ 10  Me bê ti Asa ason na terê ti zo ti bango ye, na lo bi lo na da ti kanga* ndali ti so ngonzo asara lo mingi ndali ti tënë so. Asa akomanse nga ti sara pasi na ambeni zo na oko ngoi ni so. 11  Âdu ti mbaï ti Asa, ti londo na tongo nda ni juska na kongo nda ni, a sû ni na yâ ti Mbeti so afa tënë ti gigi ti agbia ti Juda na ti Israël.+ 12  Na ngu 39 ni ti komandema ti Asa, lo wara mbeni kobela na gere ti lo juska kobela ni ahon ndö ti lo. Atâa na yâ ti kobela ti Asa so, lo gi mungo maboko na mbage ti Jéhovah pëpe me na mbage ti azo ti kaïngo kobela. 13  Na pekoni Asa akui, na lo wu terê ti lo tongana ti akotara ti lo.+ Lo kui na yâ ti ngu 41 ni ti komandema ti lo. 14  A lu lo na yâ ti dû ti kuâ so lo hunda ti tene a zi ni ndali ti lo na kota cimetière so ayeke na Gbata ti David.+ Ala zia kuâ ti lo na ndö ti gbogbo ti kuâ so asi singo na mafuta ti keke ti baume nga na mara ti ayombo nde nde so a mélangé ni ti ga mbeni pendere yombo.+ Na pekoni, ala tingo mbeni kota wâ ndali ti lo.*

Kete tënë

Wala “Lo sara ngangu gbagba na terê.”
Wala “zo asigi wala alï na yâ ti kodro.”
Wala “yangbo.”
Wala “mbele.”
Wala “mbele.”
Wala “sarango ngangu gbagba na terê.”
Wala “lo sara ngangu gbagba na terê.”
Na Hébreu: “mo calé terê ti mo.”
Na Hébreu: “mo calé terê ti mo.”
Wala “amû bê ti ala kue.”
Na Hébreu: “da ti olombo.”
Na bango ni, a zö kuâ ti Asa ni pëpe, me a zö gï ayombo ni.