Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

2 Chronique 14:1-15

LI TI ATËNË NI

  • Tënë ti kuâ ti Abijah (1)

  • Asa aga gbia ti Juda (2-8)

  • Asa ahon na ngangu azo ti Éthiopie kutu oko (9-15)

14  Na pekoni Abijah akui, na lo wu terê ti lo tongana ti akotara ti lo. A lu lo na Gbata ti David.+ Molenge ti lo Asa aga gbia na peko ti lo. Na ngoi ti komandema ti lo, kodro ni aduti na siriri ngu bale-oko.  Asa asara ye so ayeke nzoni nga na lege ni na lê ti Jéhovah Nzapa ti lo.  Lo zi agbalaka so a sara ni ndali ti ambeni nzapa nde+ nga na ando so ayeke na nduzu. Lo kungbi yâ ti ayanda ti tênë+ nga lo dë na sese ayongoro yanda.*+  Na pekoni, lo tene na azo ti Juda ti gi Jéhovah Nzapa ti akotara ti ala, nga ti sara ye alingbi na Ndia nga na acommandement ti lo.  Tongaso, lo zi na yâ ti agbata ti Juda kue ando so ayeke na nduzu nga na agbalaka ti zongo na dukane.+ Na ngoi ti komandema ti lo, mbeni ye ti wusuwusu ayengi kodro ni pëpe.  Na Juda, lo leke agbata so angangu gbagba ayeke na terê ni,+ ndali ti so, na yâ ti angu ni so, wusuwusu ayeke na yâ ti kodro ni pëpe nga mbeni wato aga asara bira na lo pëpe ngbanga ti so Jéhovah asara si siriri amû ndo na yâ ti kodro ni.+  Lo tene na azo ti Juda, lo tene: “Zia e leke agbata ni so, e sara agbagba na terê ni,+ e leke atour, e zia ayanga ti gbagba ni* dä nga na abarre ti wen na terê ni. Sese ni ayeke ti e, ndali ti so e gi Jéhovah Nzapa ti e. So e gi lo, lo sara si e duti na siriri na akodro kue so angoro e.” Tongaso ala leke agbata kue so ala ye.+  Asa ayeke na aturugu 300 000 so ayeke azo ti mara ti Juda. Ala yeke na akota vala nga na alikongo. Angangu turugu ti mara ti Benjamin ayeke 280 000. Ala yeke na akete vala* nga na akokora.*+  Mbeni lâ, Zérah zo ti Éthiopie aga ti sara bira na azo ti Juda. Lo yeke na aturugu 1 000 000 nga na apuse ti mbarata 300.+ Tongana lo si na Maréshah,+ 10  Asa asigi ti sara bira na lo. Ala leke terê ti ala ti sara bira na yâ ti Popo-hoto ti Zéphathah so ayeke na Maréshah. 11  Asa atoto na Jéhovah Nzapa ti lo,+ lo tene: “Jéhovah, atâa azo so mo yeke mû maboko na ala ayeke mingi wala ala yeke na ngangu pëpe,+ so la ayeke kota ye na lê ti mo pëpe. Jéhovah Nzapa ti e, mû maboko na e, ndali ti so e zia bê ti e kue* na mo,+ nga a yeke na iri ti mo la e ga ti tiri na gbâ ti azo so.+ Jéhovah, mo yeke Nzapa ti e. Zia si senge zo asö benda na ndö ti mo pëpe.”+ 12  Tongaso, Jéhovah akinda azo ti Éthiopie na devant ti Asa nga na azo ti Juda, na azo ti Éthiopie akpe.+ 13  Asa na aturugu ti lo atomba peko ti ala juska na Guérar,+ na ala ngbâ ti fâ azo ti Éthiopie juska zo oko angbâ pëpe, ndali ti so Jéhovah na aturugu ti lo la afuti ala. Na pekoni ala gbu gbâ ti akungba ala hon na ni. 14  Ala gue ala kungbi agbata kue so angoro Guérar, ndali ti so mbeto ti Jéhovah ahon ndö ti azo ni. Ala mû akungba ti yâ ti agbata ni kue, ndali ti so gbâ ti akungba ayeke na yâ ni. 15  Ala kungbi nga atente ti azo so ayeke bata anyama. Ala gbu nga gbâ ti ataba na angasa nga na achameau. Na pekoni, ala kiri na Jérusalem.

Kete tënë

Na Hébreu: “ayanga ti gbagba so alê ti porte ni ayeke use.”
akete vala so mingi ni azo ti pikango kokora la ayeke gbu ni.
Na Hébreu: “ala zia kamba na terê ti keke ti kokora.”
Na Hébreu: “e calé terê ti e.”