Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

2 aGbia 19:1-37

LI TI ATËNË NI

  • Ézéchias atokua ndo na Ésaïe ti tene Nzapa amû maboko na lo (1-7)

  • Sennakérib agi ti zia mbeto na bê ti azo ti Jérusalem (8-13)

  • Sambela ti Ézéchias (14-19)

  • Ésaïe afa peko ti tënë ti Nzapa (20-34)

  • Mbeni ange afâ aturugu ti Assyrie 185 000 (35-37)

19  Gï so Gbia Ézéchias amä tënë so, lo suru bongo na terê ti lo, lo yü bongo ti vundu na lo gue na da ti Jéhovah.+  Na pekoni, lo iri Éliakim, zo so abâ ndo na ndö ti azo ti da* ti gbia, Shébnah so ayeke wakuasu nga na aprêtre so ayeke mû li ni na popo ti amba ti ala aprêtre, lo tokua ala na prophète Ésaïe,+ molenge ti Amos. Ala nga kue ayü bongo ti vundu.  Ala tene na lo: “Ézéchias atene: ‘Laso ayeke lango ti ye ti vundu, ti yorongo maboko na lê ti zo* na ti bingo kamene na lê ti zo; ndali ti so amolenge ayeke nduru ti sigi na yâ ti mama ti ala, me ngangu ti pusu molenge ni ayeke dä pëpe.+  Hinga ape, Jéhovah Nzapa ti mo ayeke mä tënë kue ti Rabshaké ni so seigneur ti lo gbia ti Assyrie atokua lo ti tene ni ti gi na yanga ti Nzapa so ayeke na fini.+ Nga hinga ape, Jéhovah Nzapa ti mo ayeke hunda lo ti kiri tënë ndali ti tënë so lo Nzapa lo mä so. Tongaso, sambela+ ndali ti tanga ti azo so asö kuâ so.’”  Tongaso, awakua ti Gbia Ézéchias ague na ndo ti Ésaïe.+  Ésaïe atene na ala: “Ala tene na seigneur ti ala, ala tene: ‘Jéhovah atene: “Sara mbeto ti atënë so mo mä so pëpe,+ atënë so awakua ti gbia ti Assyrie atene ti zonga mbi so.+  Mbi yeke zia mbeni pensé na yâ ti li ti lo.* Lo yeke mä mbeni tënë na lo yeke kiri na kodro ti lo. Mbi yeke sara si a fâ lo na épée na kodro ti lo wani.”’”+  Na peko ti so Rabshaké ni amä so gbia ti Assyrie azia Lakish+ ahon, lo gue lo wara lo na ngoi so lo yeke sara bira na azo ti gbata ti Libnah.+  Gbia amä tënë so a tene na ndö ti Tirhacah gbia ti Éthiopie, a tene: “Lo ga ti sara bira na mo.” Tongaso, lo kiri lo tokua azo+ na Ézéchias, lo tene: 10  “Ala tene na Ézéchias gbia ti Juda, ala tene: ‘Zia pëpe si Nzapa so mo zia bê ti mo na lo so ahanda mo, atene: “A yeke zia ande Jérusalem na maboko ti gbia ti Assyrie pëpe.”+ 11  Mo mä tënë ti akodro kue so agbia ti Assyrie afuti ni.+ Gï mo oko la a yeke zi mo ande? 12  Eskê anzapa ti amara so akotara ti mbi afuti ala so azi ala? Gozan, Haran,+ Rézeph nga na azo ti Éden so ayeke lani na Tel-Assar, ala yeke na ndo wa? 13  Gbia ti Hamath, ti Arpad, ti agbata ti Sépharvaïm, ti Héna nga na ti Ivvah, ala kue ayeke na ndo wa?’”+ 14  Ézéchias amû alettre ni na maboko ti azo ti tokua ni, lo diko ni. Na pekoni lo gue na da ti Jéhovah, lo zi yâ ti alettre ni na gbele Jéhovah.+ 15  Ézéchias ato nda ti sambela+ na gbele Jéhovah, lo tene: “Jéhovah Nzapa ti Israël, mo so mo duti na ndö ti trône ti mo so ayeke na ndö* ti achérubin,+ mo oko la mo yeke tâ Nzapa so ayeke na ndö ti aroyaume kue ti sese.+ Mo sara yayu na sese. 16  Jéhovah, dengi mê ti mo, mo mä!+ Jéhovah, zi lê ti mo,+ mo bâ ndo! Mä tënë so Sennakérib atokua azo ti tene ni ti gi na yanga ti Nzapa so ayeke na fini. 17  Jéhovah, a yeke tâ tënë so agbia ti Assyrie afuti amara nga na akodro ti ala.+ 18  Nga ala bi anzapa ti ala na yâ ti wâ, ndali ti so anzapa ni so ayeke tâ Nzapa pëpe.+ Me azo la asara ala+ na keke wala na tênë. Ni la si ala futi ala so. 19  Me ti fadeso, Jéhovah Nzapa ti e, pardon, mo sö e na maboko ti lo, tongaso si aroyaume ti sese kue ahinga so gï mo Jéhovah, mo oko la mo yeke Nzapa.”+ 20  Ésaïe, molenge ti Amos, atokua ndo na Ézéchias, atene: “Jéhovah Nzapa ti Israël atene: ‘Mbi mä sambela so mo tene+ na mbi na ndö ti Sennakérib, gbia ti Assyrie,+ so awe. 21  Jéhovah atene tënë so na terê ti lo, atene: “Sion, so ayeke tongana maseka-wali so ade ti hinga koli pëpe, ake mo na bê ti lo oko nga lo zere mo. Jérusalem, so ayeke tongana maseka-wali, ayengi li ti lo na peko ti mo ti he mo. 22  Zo wa la mo he lo nga mo zonga lo so zo wa?+ Zo wa la mo dekongo na ndö ti lo so zo wa?+ Zo wa la mo bâ lo tongana mbumbuse zo so zo wa? Mo sara aye so na Nzapa ti Israël so ayeke nzoni-kue!+ 23  Mo tokua azo+ ti mo ti gi yanga ti Jéhovah,+ mo tene: ‘Mbi yeke mû gbâ ti apuse ti bira ti mbi, mbi yeke monté na ndö ti ahoto so ayo na nduzu mingi, mbi yeke gue juska na ambage ti Liban so ayeke tâ yongoro kâ. Mbi yeke fâ akota keke ti cèdre ti Liban nga na akeke ti genévrier so ayeke tâ nzoni ni. Mbi yeke gue juska na yâ ni kâ, na ndo so zo ayeke gue dä ti bata terê ti lo nga na yâ ti akota gbako ni. 24  Mbi yeke zi adû ti ngu na mbi yeke nyon ngu ti akodro-wande; mbi yeke tambela na yâ ti angu* ti Égypte kue ti tene ahule.’ 25  Mo mä tënë ni ape? Ngbene ye ândö, a mû desizion ni awe.*+ Ngbene ye ândö, mbi leke* awe ye so mbi ye ti sara.+ Fadeso, mbi yeke sara ye ni.+ Mo yeke sara si agbata so ayeke na yâ ti angangu gbagba abuba si zo aduti dä mbeni pëpe.+ 26  Azo ti yâ ti agbata so ayeke duti ande na ngangu ti sara ye pëpe; mbeto ayeke hon ndö ti ala, nga kamene ayeke gbu ala. Ala yeke ga tongana pere ti ngonda nga tongana afini pere,+ tongana pere ti li ti da so pupu so alondo na mbage ti est asara si ahule. 27  Mbi hinga bien ngoi so mo yeke duti, ngoi so mo sigi na yâ ti da, ngoi so mo yeke lï na yâ ti da+ nga na ngoi so ngonzo agbu mo ngangu na terê ti mbi.+ 28  Mbi hinga so ngonzo agbu mo ngangu na terê ti mbi.+ Nga na ngoi so mo toto tongana bamara na terê ti mbi, mbi mä ni.+ Ni la mbi yeke zia yango na hôn ti mo, nga mbi yeke zia kamba+ na yanga ti mo, na mbi gboto mo ti tene mo kiri na lege so mo mû si mo ga na ni so.”+ 29  “‘Ye so ayeke sara si mo* hinga so aye ni so ayeke si biani ayeke so: “Na ngu so, ala yeke te alê ti kobe so asigi na bê ti ala wani.* Na use ngu ni, ala yeke te nga alê ti kobe so asigi na bê ti ala wani na peko ti ala ti kozo ngu ni.+ Me na ota ngu ni, ala yeke lu angongoa ti kobe, na ala yeke ko alê ni. Ala yeke lu alê ti vigne, na ala yeke te lengo ni.+ 30  Azo ti Juda so ayeke sö kuâ, so ti tene ala so ayeke ngbâ,+ ayeke duti tongana keke so gunda ni alï sese na alë lengo. 31  Tanga ti azo ti Jérusalem so angbâ ayeke sigi, nga azo so ayeke na Hoto ti Sion so asö kuâ ayeke londo kâ ti sigi. Kota nzara ti bê ti Jéhovah ti aturugu ayeke sara ni.+ 32  “‘Ndani la bâ tënë so Jéhovah atene na ndö ti gbia ti Assyrie:+ “Lo yeke lï ande na yâ ti gbata so pëpe,+ nga lo yeke pika même kokora na yâ ni pëpe; wala lo yeke gbu vala ti lo na nduzu pëpe, wala lo yeke monté sese aga koto angoro gbagba ti gbata ni kue pëpe.”+ 33  Jéhovah atene nga: “Lo yeke kiri gï na lege so lo ga na ni so; lo yeke lï na yâ ti gbata so pëpe. 34  Mbi yeke tiri ndali ti gbata ni,+ na mbi yeke sara si a ngbâ ndali ti mbi wani+ nga ndali ti wakua ti mbi David.”’”+ 35  Gï na bï ni so, ange ti Jéhovah aga afâ aturugu 185 000 na yâ ti camp ti azo ti Assyrie.+ Tongana azo alondo na kota ndapre, ala bâ kuâ ti azo kue so akui.+ 36  Tongaso, Sennakérib, gbia ti Assyrie, alondo akiri na Ninive,+ na lo ngbâ kâ.+ 37  Na ngoi so lo yeke kuku na yâ ti da* ti nzapa ti lo Nisrok, amolenge ti lo Adrammélek na Sharézer akpo lo na épée+ afâ lo. Na pekoni, ala kpe ague na kodro ti Ararat.+ Molenge ti lo Ésar-Haddon+ aga gbia na peko ti lo.

Kete tënë

Wala “yangbo.”
Wala “ti tenengo yanga ti mbana na zo.”
Na Hébreu: “zia mbeni yingo na yâ ti lo.”
A lingbi nga ti tene “na popo.”
Wala “acanal ti Ngu ti Nil.”
Na Hébreu: “a sara ni awe.”
Wala “hinga.”
So ti tene Ézéchias.
Wala “alê ti kobe so atï na sese si asigi.”
Wala “temple.”