Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

2 aGbia 12:1-21

LI TI ATËNË NI

  • Joas aga gbia ti Juda (1-3)

  • Joas aleke aye so abuba na yâ ti temple (4-16)

  • Azo ti Syrie aga ti sara bira (17, 18)

  • A fâ Joas (19-21)

12  Na yâ ti ngu mbasambala ni ti komandema ti Jéhu,+ Joas+ aga gbia, na lo komande na Jérusalem ngu 40. Iri ti mama ti lo ayeke Zibiah, zo ti gbata ti Béer-Shéba.+  Joas angbâ ti sara ye so ayeke nzoni na lê ti Jéhovah na yâ ti ngoi kue so prêtre Jéhoïada amû wango na lo.  Ye oko, ando so ayeke na nduzu+ angbâ, na azo angbâ ti mû asandaga nga ti zö asandaga na ando ni so.  Joas atene na aprêtre, atene: “Ala mû nginza kue so a ga na ni na da ti Jéhovah ti sara na kua ti da ni,+ so ti tene impôt so zo* oko oko ayeke futa,+ nginza so prêtre ayeke hunda na zo ti mû ni ndali ti zendo so lo mû nga na nginza kue so bê ti zo oko oko apusu lo ti ga na ni na da ti Jéhovah.+  Aprêtre ayeke mû nginza ni na maboko ti azo so aga na ni,* na ala leke na aye so abuba* na terê ti da ni.”+  Ti si na ngu 23 ni ti komandema ti Gbia Joas, ade aprêtre aleke aye so abuba na terê ti da ti Jéhovah so ape.+  Tongaso, Gbia Joas airi prêtre Jéhoïada+ nga na ambeni prêtre, na lo tene na ala: “Ala leke pëpe aye so abuba na terê ti da ni ngbanga ti nyen? Ala kiri ala mû nginza na maboko ti azo gï tongana ala mû ni ti leke na aye so abuba na terê ti da ni.”+  Na mango tënë so, aprêtre ayeda ti mû nginza encore ape na maboko ti azo nga ti duti pëpe azo so ayeke bâ lege ti lekengo peko ti da ni.  Prêtre Jéhoïada amû mbeni sanduku+ lo kôro dû na yanga ni na lo zia ni nduru na terê ti gbalaka. Tongana zo alï na yâ ti da ti Jéhovah, a yeke na mbage ti koli. Aprêtre so ayeke bata yanga ti da ni ayeke zia na yâ ti sanduku so nginza kue so a ga na ni na yâ ti da ti Jéhovah.+ 10  Lakue tongana ala bâ so nginza ayeke gbani na yâ ti sanduku ni, wakuasu ti gbia nga na kota prêtre ayeke ga ti mû nginza* so azo aga na ni na da ti Jéhovah ti diko ni.+ 11  Ala yeke mû nginza so ala diko ni awe so na azo so a zia ala ti bâ ndo na ndö ti kua so a yeke sara na yâ ti da ti Jéhovah. Na pekoni, azo ni ayeke futa acharpentier nga na azo so ayeke leke aye na terê ti da ti Jéhovah,+ 12  amaçon nga na azo so ayeke suru yâ ti atênë. Ala yeke vo akeke nga na atênë so a dë terê ni pendere ti leke na aye so abuba na terê ti da ti Jéhovah. Ala yeke mû nga nginza ni ti futa na ambeni ye kue so a hunda ti futa ni na ngoi so a yeke leke peko ti da ni. 13  Me, a mû pëpe mbeni nginza so a ga na ni na da ti Jéhovah so ti leke na abassine ti argent, aye ti fango na yanga ti mèche ti lampe, adû ti sembe, atrompette+ wala mbeni kungba so a leke na lor wala na argent ndali ti da ti Jéhovah.+ 14  Ala yeke mû nginza ni gï na azo so ayeke sara kua ni. Azo ni amû nginza ni, na ala sara na kua ti lekengo peko ti da ti Jéhovah. 15  A yeke hunda pëpe na azo so a mû nginza ni na ala ti fa peko ti ye so ala sara na nginza ni so a mû na ala ti mû na azo ti kua ni, ndali ti so ala yeke azo so a sara confiance na ala.+ 16  Me nginza ti sandaga ti zingo tënë na li ti zo+ nga na ti sandaga ndali ti siokpari, a gue na ni na yâ ti da ti Jéhovah pëpe. A yeke ti aprêtre.+ 17  A yeke na ngoi ni so si Hazaël,+ gbia ti Syrie, alondo ti gue ti sara bira na azo ti gbata ti Gath,+ na lo mû gbata ni. Na pekoni, lo leke ti gue ti sara bira* na azo ti gbata ti Jérusalem.+ 18  Tongana Joas, gbia ti Juda, amä tënë ni, lo mû aye kue so akotara ti lo Josaphat, Joram nga na Achaziah so ayeke agbia ti Juda azia ni nde ndali ti kua ti Nzapa lo tokua ni na Hazaël, gbia ti Syrie. Lo mû nga aye kue so lo wani lo zia ni nde ndali ti kua ti Nzapa nga na lor kue so ayeke na yâ ti ando ti batango aye ti mosoro ti da ti Jéhovah na ti da* ti gbia, lo tokua ni na gbia ti Syrie.+ Tongaso, gbia ti Syrie azia Jérusalem ahon. 19  Âdu ti tanga ti mbaï ti Joas, tënë ti aye kue so lo sara, a sû ni na yâ ti mbeti ti mbaï ti agbia ti Juda. 20  Ye oko, awakua ti Joas amä terê na ambeni zo ti fâ lo,+ na ala fâ lo na da so a leke ni na ndö ti kota koto,*+ so ayeke na lege ti guengo na Silla. 21  Awakua ti lo, Jozacar molenge ti Shiméath nga na Jéhozabad molenge ti Shomer, la apika lo afâ lo.+ A lu lo na yâ ti cimetière ti akotara ti lo na Gbata ti David. Molenge ti lo Amasiah aga gbia na peko ti lo.+

Kete tënë

Wala “âme.”
Wala “azo so ala hinga ala.”
Wala “amur so asuru.”
Wala “ti zia ni na yâ ti abozo.” Na Hébreu: “kanga ni.”
Na Hébreu: “lo zia lê ti lo ti gue ti sara bira.”
Wala “yangbo.”
Wala “na Beth-Millo.”