Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

1 Samuel 12:1-25

LI TI ATËNË NI

  • Ndangba tënë ti Samuel na azo ti Israël (1-25)

    • ‘Ala gue na peko ti asenge ye ape’ (21)

    • Jéhovah ayeke zia azo ti lo pëpe (22)

12  Samuel asara tënë na azo ti Israël kue, lo tene: “Mbi sara* aye kue so ala hunda na mbi so awe, nga mbi mû na ala mbeni gbia ti duti na ndö ti ala.+  Fadeso, gbia so ayeke mû li ni na ndö ti* ala la!+ Âdu ti mbi, mbi ga mbakoro nga kuä ti li ti mbi avuru awe; amolenge ti mbi la na popo ti ala so;+ mbi mû li ni na ndö ti ala ngbene ye so mbi de maseka juska laso.+  Mbi la na devant ti ala so. Ala fa sioni ti mbi na mbi na gbele Jéhovah nga na lê ti zo ti lo so lo soro lo.+ Zo wa la mbi mû bagara ti lo wala kororo ti lo?+ Zo wa la mbi mû ye ti lo na likisi wala mbi sara pasi na lo? Zo wa la mbi yeda ti mû goro* na tïtî lo si mbi kanga lê na ndö ti ye so lo sara?+ Tongana a si tongaso, mbi yeke kiri na ni na ala.”+  Azo ni atene: “Mo mû ye ti e na likisi pëpe, mo sara pasi na e pëpe nga mo yeda ti mû mbeni ye na maboko ti mbeni zo pëpe.”  Lo tene na ala: “Laso ala wani atene so ala wara mbeni tënë na li ti mbi pëpe.* Jéhovah ayeke témoin ni nga lo mä tënë so ala tene so awe, nga zo ti lo so lo soro lo ayeke témoin ni.” Azo ni atene: “Lo yeke témoin ni.”  Tongaso, Samuel atene na azo ni, lo tene: “Jéhovah, so asoro lani Moïse na Aaron nga lo sara si akotara ti ala asigi na kodro ti Égypte,+ ayeke témoin ni.  Fadeso, ala mû place, mbi yeke fâ ngbanga ti ala na gbele Jéhovah, lo Jéhovah so asara akusala kue ti mbilimbili ndali ti ala nga ndali ti akotara ti ala.  “Tongana Jacob ague lani na Égypte+ nga akotara ti ala akomanse ti toto na Jéhovah ti tene lo mû maboko na ala,+ Jéhovah atokua Moïse+ na Aaron ti sigi na akotara ti ala na Égypte nga ti sara si ala sara kodro na ndo so.+  Me ala girisa Jéhovah Nzapa ti ala; tongaso lo zia ala+ na maboko ti Siséra,+ mokonzi ti aturugu ti Hazor, lo zia ala na maboko ti aPhilistin+ nga na maboko ti gbia ti Moab;+ na azo so kue atiri na akotara ti ala. 10  Ala toto na Jéhovah ti tene lo mû maboko na ala,+ nga ala tene: ‘E sara siokpari,+ ndali ti so e zia Jéhovah ti voro ayanda ti Baal+ nga na ayanda ti Ashtoreth.+ Fadeso, zi e na maboko ti awato ti e si e lingbi ti sara na mo.’ 11  Jéhovah atokua Jérubbaal,+ Bedan, Jephté+ nga na Samuel,+ nga lo zi ala na maboko ti awato ti ala so angoro ala, si ala lingbi ti duti na siriri.+ 12  Tongana ala bâ so Nahash,+ gbia ti azo ti Ammon, aga ti sara bira na ala, ala tene na mbi: ‘E ke awe! E ye gï ti wara mbeni gbia ti komande e’,+ atâa so Jéhovah Nzapa ti ala la ayeke Gbia ti ala.+ 13  Fadeso, bâ gbia ni so ala soro lo la, lo so ala hunda ti wara so la. Jéhovah amû na ala gbia awe.+ 14  Tongana ala kpe mbeto ti Jéhovah,+ ala sara na lo,+ ala mä yanga ti lo,+ ala kpe yanga so Jéhovah amû na ndö ti aye nde nde, nga tongana ala na gbia ti ala ni amû peko ti Jéhovah Nzapa ti ala, so nzoni! 15  Me, tongana ala mä yanga ti Jéhovah pëpe nga ala kpe pëpe yanga so lo mû na ndö ti aye nde nde, maboko ti Jéhovah ayeke ne na ndö ti ala nga na ndö ti ababâ ti ala.+ 16  Tongaso ala mû place, ala bâ mbeni kota ye so Jéhovah ayeke sara na lê ti ala. 17  Laso ayeke lango ti fango lê ti blé ape? Mbi yeke iri ndo na Jéhovah ti tene lo sara si bekpa asungba nga ngu-nzapa apika. Na pekoni ala yeke hinga, nga ala yeke bâ ye ti sioni so ala sara na lê ti Jéhovah na hundango ti wara gbia ti ala wani.”+ 18  Tongaso, Samuel airi ndo na Jéhovah, na Jéhovah asara si bekpa asungba nga ngu-nzapa apika na lango ni so, na azo ni kue asara mbeto ti Jéhovah nga na Samuel ngangu mingi. 19  Azo ni kue atene na Samuel: “Sambela Jéhovah Nzapa ti mo ngbanga ti awakua ti mo,+ ndali ti so e ye ti kui pëpe; e zia mbeni siokpari na ndö ti asiokpari kue so e sara na hundango ti wara gbia.” 20  Tongaso, Samuel atene na azo ni, lo tene: “Ala sara mbeto pëpe. Tâ tënë, ala sara aye ti sioni so kue. Me zia si ala hon yongoro na Jéhovah pëpe+ nga zia si ala sara na Jéhovah na bê ti ala kue.+ 21  Ala zia lo ti gue na peko ti asenge ye pëpe,*+ aye so zo alingbi ti bâ nzoni dä pëpe+ nga so alingbi ti zi zo pëpe, ndali ti so a yeke asenge ye.* 22  Ndali ti iri ti Jéhovah so ayeke kota mingi,+ lo yeke zia azo ti lo pëpe,+ ngbanga ti so Jéhovah wani la aye lani ti sara si ala ga azo ti lo.+ 23  Me a ga na li ti mbi lâ oko pëpe ti sara siokpari na lege so mbi ke ti sambela ndali ti ala. Nga mbi yeke ngbâ ti fa na ala ye so ayeke nzoni nga so ayeke na lege ni. 24  Gï ye oko, ala kpe mbeto ti Jéhovah+ nga ala ngbâ lakue ti sara na lo na bê ti ala kue.* Ala bâ akota ye so lo sara ndali ti ala so ma!+ 25  Me tongana ala sara ye ti sioni vîi vîi tongaso, a yeke futi ala+ na gbia ti ala ni kue.”+

Kete tënë

Na Hébreu: “Mbi mä ala na ndö ti.”
Na Hébreu: “tambela na devant ti.”
Wala “nginza so akanga yanga ti zo.”
Na Hébreu: “wara mbeni ye na maboko ti mbi pëpe.”
Wala “aye so ayeke atâ ye pëpe.”
Wala “aye so ayeke atâ ye pëpe.”
Wala “tâ na lege ni.”