Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

1 Chronique 14:1-17

LI TI ATËNË NI

  • A zia David na ndö ti mbata ti gbia (1, 2)

  • Sewa ti David(3-7)

  • A kinda aPhilistin (8-17)

14  Hiram,+ gbia ti Tyr, atokua azo na David ti mä terê na lo ti tokua na lo akeke ti cèdre, azo ti dengo terê ti atênë pendere* nga na acharpentier ti leke da* ti David.+  David ahinga so Jéhovah asara si komandema ti lo na ndö ti azo ti Israël+ aluti nzoni, nga lo yâa royaume ti David na nduzu ndali ti azo ti lo, azo ti Israël.+  David akiri amû awali+ na Jérusalem, na lo kiri lo dü amolenge ti koli na ti wali.+  Iri ti amolenge so lo dü ala na Jérusalem+ ayeke Shammua, Shobab, Nathan,+ Salomon,+  Ibhar, Élishua, Elpelet,  Nogah, Népheg, Japhia,  Élishama, Béeliada na Éliphélet.  Tongana aPhilistin amä so a tuku mafuta na li ti David ti tene lo ga gbia na ndö ti Israël,+ aPhilistin kue aga ti gi David ti gbu lo.+ Na ngoi so David amä tënë ni, lo gue ti tiri na ala.  A-Philistin aga na yâ ti Popo-hoto* ti Réphaïm, na lakue ala yeke sara bira na azo ti ndo ni.+ 10  David ahunda Nzapa, atene: “A yeke nzoni mbi gue mbi tiri na aPhilistin? Mo yeke zia ala na maboko ti mbi?” Jéhovah akiri tënë na David, atene: “Mo gue, mbi yeke zia ala na maboko ti mo.”+ 11  Tongaso, David alondo ague na Baal-Pérazim.*+ Kâ, lo fâ aPhilistin. Lo tene: “Tâ Nzapa asara si mbi suru lege na popo ti awato ti mbi, tongana ti so ngu asuru lege na yâ ti mur.” Ndani la lo zia iri ti ndo ni so Baal-Pérazim. 12  A-Philistin adö anzapa ti ala azia kâ, na tongana David amû yanga, a gbi ni.+ 13  Mbeni lâ, aPhilistin akiri aga asara bira na azo ti yâ ti popo-hoto* ni.+ 14  David akiri ahunda tâ Nzapa, na lo kiri tënë na David, lo tene: “Mo gue, me mo gue droit pëpe. Mo ngoro na peko ti ala, na mo na ala atingbi terê na yanga ti gbako ti akeke so a iri ni baca.+ 15  Tongana mo mä bruit na li ti akeke ti gbako ni, so akpa tambela ti aturugu, londo na bira na terê ti ala, ndali ti so tâ Nzapa ayeke hon na gbele mo ti fâ aturugu ti aPhilistin.”+ 16  Tongaso, David asara gï tongana ti so tâ Nzapa atene na lo,+ lo na aturugu ti lo afâ aturugu ti aPhilistin a komanse na Gabaon juska na Guézer.+ 17  Iri ti David awu amû yâ ti akodro kue, na Jéhovah asara si mbeto ti lo ahon ndö ti azo ti sese kue.+

Kete tënë

Wala “azo so ayeke leke agbagba.”
Wala “yangbo.”
Wala “Kpangbala ndo.”
Ndani aye ti tene “Wa ti surungo lege.”
Wala “kpangbala ndo.”