Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

1 Timothée 2:1-15

LI TI ATËNË NI

  • Sambela ndali ti mara ti azo nde nde kue (1-7)

    • Nzapa ayeke oko, na walekengo-songo ayeke oko (5)

    • Ye so alingbi na ni so a futa ti zi na azo kue (6)

  • Wango so abâ akoli nga na awali (8-15)

    • Yungo bongo na lege ni (9, 10)

2  Tongaso, mbi wa ala kozoni kue ti voro terê ti ala na Nzapa, ti sambela, ti sambela ndali ti ambeni zo, ti kiri singila na Nzapa, ti hunda Nzapa ndali ti mara ti azo nde nde kue,  ndali ti agbia nga na azo kue so ayeke na kota ndo,*+ tongaso si e ngbâ ti duti kpô nga na siriri na vorongo Nzapa na bê ti e kue nga na sarango ye na bê kue.+  Sarango tongaso ayeke nzoni mingi nga anzere na lê ti Nzapa, Sauveur ti e,+  lo so aye si mara ti azo nde nde kue asö fini ti ala+ nga ala wara tâ hingango ye na ndö ti tâ tënë.  Nzapa ayeke gï oko,+ na walekengo-songo+ na popo ti Nzapa na azo+ ayeke oko, mbeni zo, Christ Jésus,+  lo so amû terê ti lo tongana mbeni ye so alingbi na ni so a futa ti zi azo kue.*+ A yeke ye so a yeke sara ande biani tënë na ndö ni tongana ngoi ni alingbi.  A yeke ndali ti fango tënë ni so+ la si a zia mbi wafango tënë nga bazengele+ (mbi yeke tene tâ tënë, mbi yeke tene mvene pëpe), wafango ye na azo ti amara+ na ndö ti tënë ti mabe nga na tâ tënë.  Ni la, mbi ye si na ndo kue akoli angbâ ti sambela, na yorongo maboko ti ala na nduzu tongana abe-ta-zo,+ ala sara ni na ngonzo pëpe+ nga na dengo gaba pëpe.+  Legeoko nga, mbi ye si awali asara pendere ti ala na yungo bongo so ayeke nzoni, na sarango ye ahon ndö ni pëpe nga na hange. Ala sara pendere ni na sarango li ti ala na kode ahon ndö ni pëpe, na yungo lor wala aperle wala abongo ti kota nginza pëpe,+ 10  me na mbeni lege so alingbi na awali so a tene ala yeke voro Nzapa,+ so ti tene na lege ti anzoni kusala. 11  Zia wali aduti kpô si lo manda ye na wokongo terê kue na gbe ti akoli.+ 12  Mbi mû lege pëpe na wali ti fa ye wala ti komande koli, me a lingbi lo duti kpô.+ 13  Ndali ti so a sara Adam kozo, si na pekoni a sara Ève.+ 14  Nga, a handa lani Adam pëpe, me a handa Ève+ biani si lo ga zo so ake ndia. 15  Ye oko, na lege ti gango mama si a yeke bata ande awali,+ gï tongana ala ngbâ na yâ ti mabe na ndoye nga ala ngbâ ti duti nzoni-kue na batango bibe ti ala nzoni.+

Kete tënë

Wala “so ayeke na komandema.”
Wala “mara ti azo nde nde kue.”