Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ézéchiel 27:1-36

LI TI ATËNË NI

  • Mbeni bia ti vundu na ndö ti bubango ti abateau ti Tyr na yâ ti ngu (1-36)

27  Jéhovah akiri asara tënë na mbi, atene:  “Ti mo, molenge ti zo, mo he mbeni bia ti vundu* na ndö ti Tyr,+  na mo tene na Tyr: ‘Mo so mo duti na kota lege so zo ayeke mû ti gue na ngu-ingo, mo zo ti dengo buze ndali ti azo ti azoa mingi, Bâ tënë so Jéhovah, Seigneur ti dunia kue, atene la: “Mo Tyr, mo wani mo tene: ‘Mbi yeke tâ pendere mingi.’+   Asese ti mo ayeke na bê ti ngu-ingo, na azo so aleke mo asara si mo ga pendere mingi.   Akeke so a mû asara na aplanche ti mo ayeke akeke ti genévrier ti Sénir,+ ala mû keke ti cèdre ti Liban ti sara na kota poteau ti bateau ndali ti mo.   Ala mû akota keke ti Basan si ala sara na akâî ti mo, na a sara hôn ti bateau ti mo na keke ti cèdre so a zia pembe ti doli na terê ni, so alondo na azoa ti Kittim.+   A mû lin so anzoroko nde nde ayeke na terê ni, so alondo na Égypte, si a sara na bongo ti voile ti mo. Abongo so a zia ni na terê ti bateau ni ti kanga lege na lâ nga na ngu-nzapa, a sara ni na laine so a sara na kamba ti bleu nga na kamba ti violet so alondo na azoa ti Élishah.+   Azo ti kodro ti Sidon na ala ti Arvad+ ayeke azo ti mo so ayeke gbi kâî. Mo Tyr, azo ti mo so ayeke na kode mingi ayeke lani azo ti kpengo na bateau ti mo.+   Azo ti Guébal+ so ahinga kua nzoni mingi* nga so ayeke na kode mingi ayeke kanga lê ti adû ti terê ti bateau ti mo.+ Abateau kue ti kota ngu-ingo nga na azo ti kpengo na ni aga na ndo ti mo ti kä akungba. 10  Azo ti Perse, ti Ludim na Put+ ayeke na popo ti aturugu ti mo, azo ti bira. Ala yeke croché avala ti ala nga na acasque ti ala na nduzu na yâ ti mo, na a yeke ala si asara pendere ti mo. 11  Azo ti Arvad so ayeke na popo ti aturugu ti mo aluti angoro terê ti amur ti mo kue, na angangu koli ayeke sara sinziri na ndö ti atour ti mo. Ala zia avala ti ala so ayeke ronde ronde angoro amur ti mo kue, na ala sara si mo ga pendere mingi. 12  “‘“Azo ti Tarsis+ adë buze lani na mo ndali ti gbâ ti amosoro ti mo.+ Ala mû argent, wen, étain nga na plomb ti changé na akungba ti mo.+ 13  Javan, Tubal+ na Méshek+ adë buze lani na mo, ala mû angbâa+ nga na aye ti ala ti cuivre ti changé na akungba ti mo ti kango ni. 14  Azo ti Togarmah+ amû ambarata, angangu mbarata so akpe loro mingi nga na avuko kororo* ti changé na akungba ti mo. 15  Azo ti Dedan+ adë buze lani na mo; mo mû awadengo buze ti azoa mingi na kua. Ala mû apembe ti doli nga na keke ti ébène+ ti futa na mo impôt so ala doit ti futa. 16  Azo ti Édom adë buze lani na mo ndali ti gbâ ti akungba ti mo. Ala mû turquoise, bongo ti laine so ayeke violet, bongo so a kpo apendere dessin na terê ni na anzoroko nde nde, apendere bongo, acorail nga na rubis, ala mû ni ti changé na akungba ti mo. 17  “‘“Juda nga na azo ti kodro ti Israël adë buze lani na mo, ala mû blé ti Minnith,+ apendere kobe, mafuta ti otoro,+ mafuta nga na baume,+ ala mû ni ti changé na akungba ti mo.+ 18  “‘“Damas+ adë buze lani na mo ndali ti gbâ ti akungba ti mo nga na amosoro ti mo kue, lo mû vin ti Helbon nga na laine ti Zahar ti changé na akungba ti mo. 19  Védan na Javan so ayeke na Uzal amû wen, casse* na sosongo so afun pendere, ti changé na akungba ti mo. 20  Dedan+ ayeke lani zo ti kango na mo abongo ti ziango na ndö ti mbarata ti tene zo aduti na ndö ni ti kpe na ni. 21  Mo mû lani azo ti kodro ti Arabie nga na amokonzi ti Kédar+ kue na kua, ala so ayeke azo ti kango akete taba, akoli-taba nga na angasa.+ 22  Awadengo buze ti Shéba na ti Raamah+ adë buze lani na mo. Ala mû mara ti ayombo nde nde kue so ayeke pendere mingi, atênë ti ngangu ngere nga na lor ti changé na akungba ti mo.+ 23  Haran,+ Cannéh, Éden,+ awadengo buze ti Shéba,+ Assur+ nga na Kilmad adë buze lani na mo. 24  Na lê ti gara ti mo, ala kä apendere bongo, akota bongo so a leke ni na kamba so nzoroko ni ayeke ti bleu na so a kpo apendere dessin na terê ni na anzoroko nde nde, atapis ti anzoroko nde nde; a kanga aye so kue nzoni na kamba. 25  Abateau ti Tarsis+ ayeke lani aye ti yongo akungba ti mo ti kango ni, tongaso yâ ti mo asi na mo ne nengo* na bê ti ngu-ingo. 26  Azo ti mo so agbi kâî ague na mo na ndo so ngu ni asuku dä mingi, na pupu ti mbage ti est asara si mo tuku na bê ti ngu-ingo. 27  Amosoro ti mo, akungba ti mo, akungba ti mo ti kango ni, azo ti sarango kua na yâ ti abateau ti mo nga na azo ti kpengo na abateau ti mo, azo so ayeke kanga lê ti adû ti terê ti abateau ti mo, azo so ayeke mû aye ti ala ti changé na akungba ti mo,+ na akoli so ayeke sara bira,+ gbâ ti azo kue* so ayeke na yâ ti mo, ala kue ayeke tuku ande na bê ti ngu-ingo na lango so mo yeke tï.+ 28  Na ngoi so azo ti sarango kua na yâ ti abateau ti mo ayeke dekongo, akodro so ayeke na yanga ti ngu ayeke yengi. 29  Akoli kue so ayeke gbi kâî, azo ti kpengo na bateau na azo ti sarango kua na yâ ti abateau, ala yeke londo na yâ ti abateau ti ala ti descend ti luti na sese. 30  Ala yeke dekongo ande na kota go na ala yeke toto mo sioni sioni,+ ala yeke tuku fuku ti sese na li ti ala na ala yeke kpaka terê ti ala na yâ ti mburu ti wâ. 31  Ala yeke sara ande si li ti ala wani amboko na ala yeke yü bongo ti vundu, nga ala yeke toto sioni sioni na ndö ti mo si ala yeke dema ngangu. 32  Na yâ ti toto ti ala, ala yeke he mbeni bia ti vundu ngbanga ti mo, ala tene: ‘Zo wa la alingbi na Tyr fadeso zo wa? so fadeso ye ahunzi na lo awe kâ na bê ti ngu-ingo so.+ 33  Na ngoi so akungba ti mo alondo lani na lê ti ngu-ingo aga, mo mû ye na gbâ ti azo alingbi na ala.+ Gbâ ti mosoro ti mo nga na akungba ti mo ti kango ni asara si agbia ti sese aga azo ti mosoro.+ 34  Fadeso, mo tuku na ngu-ingo awe, na yâ ti kota ngu,+ nga akungba ti mo ti kango ni kue na azo ti mo nga alï ngu legeoko na mo.+ 35  Azo kue so asara kodro na ndö ti azoa li ti ala ayeke kpe ande,+ na ngoi so ala yeke bâ mo, na terê ti agbia ti ala adö na kota mbeto,+ lê ti ala ayeke duti ande na vundu. 36  Awadengo buze so ayeke na popo ti amara ayeke hûru ande yanga ti ala ndali ti ye so asi na mo. Tingo ti mo ayeke si gï gbagburu tongaso nga ayeke duti sioni mingi, na pekoni mo yeke duti dä mbeni pëpe biaku biaku.’”’”+

Kete tënë

Wala “bia ti totongo kuâ.”
Na Hébreu: “Ambakoro.”
Anyama so kororo na mbarata si adü ala.
Keke ti cinnamome wala mbeni ye ti terê ni.
A lingba nga ti tene “na mo wara gloire.”
Na Hébreu: “congrégation.”