Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ézéchiel 2:1-10

LI TI ATËNË NI

  • A tokua Ézéchiel tongana prophète (1-10)

    • ‘Atâa ala mä mo wala ala mä mo ape’ (5)

    • A fa na lo mbeni rouleau ti abia ti vundu (9, 10)

2  Na pekoni, lo tene na mbi: “Molenge ti zo,* londo mo luti na nduzu mbi sara tënë na mo.”+  So lo sara tënë na mbi awe, yingo alï na yâ ti mbi na asara si mbi luti na nduzu+ ti tene mbi mä lo so ayeke sara tënë na mbi so.  Lo tene na mbi: “Molenge ti zo, mbi yeke tokua mo na mbage ti azo ti Israël,+ na mbage ti amara ti kpengba-li so asara kpengba-li na mbi.+ Ala na akotara ti ala ake ndia ti mbi juska na lango so.+  Mbi yeke tokua mo na mbage ti azo so aye ti mä zo pëpe nga so li ti ala akpengba so,+ mo yeke tene na ala, mo tene: ‘Bâ tënë so Jéhovah, Seigneur ti dunia kue, atene la.’  Atâa ala mä mo wala ala mä mo pëpe, so ala yeke azo ti kpengba-li so,+ ala yeke hinga biani so mbeni prophète ayeke lani na popo ti ala.+  “Me ti mo, molenge ti zo, mo sara mbeto ti ala pëpe,+ nga mo sara mbeto ti tënë ti ala pëpe, atâa so akeke ti sisi nga na akî la angoro mo kue,*+ na mo duti na popo ti akpalakongo so. Mo sara mbeto ti tënë ti ala pëpe+ na mo sara mbeto ti lê ti ala pëpe+ ngbanga ti so ala yeke azo ti kpengba-li.  A lingbi mo fa atënë ti mbi na ala, atâa ala mä mo wala ala mä mo pëpe, ngbanga ti so ala yeke azo ti kpengba-li.+  “Me ti mo, molenge ti zo, mo mä tënë so mbi yeke tene na mo so. Mo sara kpengba-li pëpe tongana azo ti kpengba-li so. Zi yanga ti mo, mo te ye so mbi yeke mû na mo so.”+  Tongana mbi bâ ndo, mbi bâ mbeni maboko so a yôro ni na mbage ti mbi,+ maboko ni so agbu mbeni rouleau so a sû mbeti na lê ni.*+ 10  Tongana lo zi yâ ti rouleau ni na devant ti mbi, a sû mbeti na lê ni nga na peko ni kue.+ A sû na lê ni abia ti vundu,* atënë ti toto nga na atënë ti demango terê.+

Kete tënë

“Molenge ti zo”; a sigi fani 93 na mbeti ti Ézéchiel. Kozo sigingo ni la.
A lingbi nga ti tene “atâa so li ti azo ni akpengba nga ala yeke tongana aye so akpo mo kpongo.”
Wala “mbeni mbeti so a roulé ni roulengo.”
Wala “abia ti totongo kuâ.”