Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ézéchiel 19:1-14

LI TI ATËNË NI

  • Mbeni bia ti vundu ndali ti amokonzi ti Israël (1-14)

19  “Mo he mbeni bia ti vundu* na iri ti amokonzi ti Israël,  mo tene: ‘Mama ti mo lani ayeke zo wa? A yeke mbeni wali-bamara na popo ti abamara. Lo lango na popo ti angangu bamara so akono awe* na lo bata amolenge ti lo.   Lo bata mbeni molenge ti lo ni oko juska lo kono lo ga ngangu bamara.+ Lo manda ti suru yâ ti anyama, lo te même azo.   Azo ti amara amä tënë ti lo, tongaso ala gbu lo na yâ ti dû ti ala, ala zia crochet na yanga ti lo na ala gue na lo na Égypte.+   Wali-bamara so aku na lo bâ so beku ayeke mbeni pëpe ti tene molenge ti lo so akiri. Tongaso lo mû mbeni molenge ni nde lo tokua lo tongana mbeni ngangu bamara so akono awe.   Molenge ni so nga ayeke fono na popo ti amba ti lo bamara na lo ga mbeni ngangu bamara so akono awe. Lo manda ti suru yâ ti anyama na lo te même azo.+   Lo fono na popo ti atour so azo alango dä na lo futi agbata ti ala, tongaso dekongo ti lo amû yâ ti kodro ni so abuba kue awe so.+   Azo ti mara ti akodro so angoro ndo ni aga na terê ti lo, ala bi gbanda ti ala na ndö ti lo, na ala gbu lo na yâ ti dû ti ala.   Ala gbu lo na crochet ala zia lo na yâ ti mbeni cage, na ala gue na lo na gbia ti Babylone. Kâ, ala zia lo na kanga tongaso si a mä toto ti lo na yâ ti ahoto ti Israël mbeni pëpe. 10  Mama ti mo ayeke tongana keke ti vigne*+ so a lu na terê ti ngu. A lë na amaboko ti keke ni aga mingi ngbanga ti so a lu ni na terê ti kota ngu. 11  Amaboko ti keke ni akpengba na alingbi ti tene a sara na akeke ti komandema ti agbia. Keke ni akono na ayo ahon tanga ti akeke, na zo angbâ ayo lo yeke bâ keke ni ndali ti so ayo na nduzu mingi nga ndali ti agbâ ti kugbe ni. 12  Me a gboto lo na yâ ti ngonzo,+ a bi na sese, na pupu ti mbage ti est asara si lê ti keke ni ahule. A fâ angangu maboko ti keke ni na pekoni ahule+ na wâ agbi ni.+ 13  Na pekoni a lu lo na yâ ti désert, na mbeni ndo so ngu ayeke dä pëpe, mbeni kuru sese.+ 14  Wâ alondo na terê ti amaboko ti keke ni agbi akete maboko ni so angbâ ti sigi nga agbi lê ni, mbeni ngangu maboko ni angbâ pëpe nga mbeni ti leke na keke ti komandema ti gbia ayeke dä pëpe.+ “‘So bia ti vundu la, na a yeke he ni tongana bia ti vundu.’”

Kete tënë

Wala “bia ti totongo kuâ.”
Wala “koli-bamara so akono awe.”
A lingbi nga ti tene “vigne so ayeke na yâ ti mênë ti mo.”