Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 66:1-24

LI TI ATËNË NI

  • Tâ vorongo nga vorongo ti wataka (1-6)

  • Sion na amolenge ti lo (7-17)

  • Azo abungbi ti voro Nzapa na Jérusalem (18-24)

66  Jéhovah atene: “Yayu ayeke trône ti mbi, na sese ayeke mbata ti gere ti mbi.+ Da so ala lingbi ti leke na mbi ayeke na ndo wa?+ Nga ndo so mbi lingbi ti wu terê dä ayeke na ndo wa?”+   Jéhovah atene: “Maboko ti mbi la asara aye so kue,nga a yeke tongaso si aye so kue abâ gigi.+ Mbi yeke bâ ndo na mbage ti zo soasara terê ti lo kete, vundu ahon ndö ti lo nga terê ti lo adö* tongana lo mä tënë ti mbi.+   Zo so afâ koli-bagara ayeke tongana zo so afâ zo.+ Zo so amû taba na sandaga ayeke tongana zo so akungbi go ti mbo.+ Zo so aga na matabisi ti mû na offrande ayeke tongana zo so aga na mênë ti cochon.+ Zo so azö vuru dukane+ na gbele mbi ayeke tongana zo so atene atënë ti magie ti iri tënë nzoni na ndö ti zo.*+ Ala soro lege ti bê ti ala wani,nga ye so ayeke ye ti saleté la anzere na ala mingi.*   Ni la mbi yeke soro aye so mbi yeke punir na ala,+nga aye so ala sara mbeto ni mingi la mbi yeke ga na ni na ndö ti ala,ndali ti so na ngoi so mbi iri ndo, zo oko ayeda pëpe. Na ngoi so mbi sara tënë, zo oko adengi mê ti mä mbi pëpe.+ Ala ngbâ gï ti sara ye so ayeke sioni na lê ti mbi,na ala soro ti sara ye so anzere na mbi pëpe.”+   Ala mä tënë ti Jéhovah, ala so terê ti ala adö* na mango tënë ti lo: “Iri ti mbi asara si aita ti ala ake ala nga aye pëpe ti tene ala duti na popo ti ala. Aita ti ala ni atene: ‘Zia a mû gloire na Jéhovah!’+ Me mbi yeke ga, na mbi yeke zia ngia na bê ti ala so a ke ala so. Kamene ayeke gbu aita ti ala ni ande.”+   Mbeni bruit alondo na yâ ti gbata ayeke ga, bruit ni alondo na yâ ti temple. Jéhovah la ayeke futa awato ti lo alingbi na aye so ala sara.   Kozo si mbeni mama ti ngo ahinga songo ti yâ so agbu wali so aye ti dü, lo dü.+ Kozo si yâ ti lo ason, lo dü molenge ti koli.   Zo wa la amä tënë ti mara ti ye tongaso? Zo wa la abâ mara ti ye tongaso? Eskê a yeke dü mbeni kodro na yâ ti lango oko? A yeke dü mbeni mara gï hio tongaso? Ye oko, gï so yâ ti Sion ason ti tene lo dü, lo dü amolenge ti koli.   Jéhovah atene: “Eskê mbi yeke sara si molenge so ayeke na yâ ti mama ti lo akomanse ti sigi, me lo sigi ape?” Nzapa ti e atene: “Eskê mbi yeke sara si mama ni adü me na pekoni mbi kanga yâ ti lo?” 10  Azo kue so aye Jérusalem mingi, ala sara ngia+ nga ala duti na ngia legeoko na lo.+ Azo kue so ayeke sara vundu ndali ti Jérusalem, ala duti na kota ngia legeoko na lo, 11  ndali ti so legeoko tongana ti so mbeni mama ayeke mû me na molenge ti lo juska yâ ti lo asi, Jérusalem ayeke bâ lege ti ala nzoni. Gbâ ti gloire so a mû na lo ayeke sara si ala duti nzoni nga terê ti ala ayeke nzere mingi. 12  Jéhovah atene: “Mbi yeke mû na lo siriri so ayeke tongana kota ngu+nga mbi yeke mû na lo gloire ti amara so ayeke tongana ngu so ayeke sua ngangu.+ Ala yeke nyon me, a yeke yô ala na terê ti yânga ala yeke sara ngia na ndö ti gere. 13  Legeoko tongana ti so mbeni mama ayeke dë bê ti molenge ti lo,mbi yeke ngbâ ti dë bê ti ala;+bê ti ala ayeke dë ndali ti Jérusalem.+ 14  Ala yeke bâ ni, na bê ti ala ayeke duti na ngia;legeoko tongana fini pere so amaï nzoni, bio ti ala ayeke maï nzoni. Awakua ti Jéhovah ayeke hinga maboko* ti lo,me lo yeke tene sioni tënë ti awato ti lo.”+ 15  “Gango ti Jéhovah ayeke duti ande tongana mbeni kota wâ,+nga gango ti apuse ti mbarata ti lo ayeke duti tongana kota pupu so aga na ngu.+ Na yâ ti kota ngonzo ti lo, lo yeke ga ti kiri na azo peko ti ye so ala sara,nga lo yeke ga na alê ti wâ so aza ngangu ti punir na azo.+ 16  Legeoko tongana wâ so ayeke gbi aye, Jéhovah ayeke dë ngbanga na ndö ti azo,lo yeke ga na épée na terê ti azo kue.* Azo so Jéhovah ayeke fâ ala ayeke duti ande mingi. 17  Jéhovah atene: “Azo so aleke terê ti ala nga azi sioni ye na terê ti ala ti lï na yâ ti ajardin*+ ti gue na peko ti lo so ayeke na milieu ti jardin ni, nga azo so ayeke te nyama ti cochon,+ aye so afun awe nga na adeku,+ ala kue ayeke kui legeoko. 18  Teti so mbi hinga akusala ti ala nga na apensé ti ala, mbi yeke ga ti bungbi azo na popo ti amara kue nga na ti ayanga ti kodro kue; ala yeke ga, na ala yeke bâ gloire ti mbi.” 19  “Mbi yeke zia mbeni fä na popo ti ala. Ambeni zo so akpe, mbi yeke tokua ala na amara so amä tënë ti mbi pëpe wala abâ gloire ti mbi pëpe, na ala yeke sara tënë ti gloire ti mbi na popo ti amara.+ Mbi yeke tokua ala na Tarsis,+ na Pul nga na Lud.+ Mbi yeke tokua ala na azo so ayeke gboto kamba ti kokora, azo ti mara ti Tubal na ti Javan.+ Mbi yeke tokua ala nga na azoa so lege ni ayo kâ. 20  Azo ni ayeke gue na popo ti amara kue,+ na ala yeke ga na aita ti ala ti mû ala na Jéhovah tongana matabisi. Ala yeke zia aita ti ala ni na ndö ti ambarata, apuse ti mbarata, apuse ti mbarata so da ayeke na ndö ni, avuko kororo nga na ndö ti achameau so amû loro mingi. Ala yeke ga na ala na ndö ti hoto ti mbi so ayeke nzoni-kue, so ti tene Jérusalem, tongana ti so azo ti Israël ayeke sara na ngoi so ala yeke zia amatabisi ti ala na yâ ti sembe so a sukula ni awe ti ga na ni na da ti Jéhovah,” tënë ti yanga ti Jéhovah la. 21  Jéhovah atene: “Mbi yeke mû nga ambeni ti ga aprêtre nga ti ga azo ti mara ti Lévi.” 22  Jéhovah akiri atene: “Legeoko tongana ti so afini yayu na fini sese+ so mbi yeke leke ayeke ngbâ ti luti na gbele mbi, amolenge* ti mo nga na iri ti mo ayeke ngbâ na gbele mbi.”+ 23  Jéhovah akiri atene: “Ti londo na fini nze ti si na mbeni fini nze, nga ti londo na sabbat ti si na mbeni sabbat,azo kue* ayeke ga ti kuku na gbe ti* mbi.+ 24  Ala yeke sigi ti gue ti bâ akuâ ti azo so asara kpengba-li na mbi,ndali ti so angusu so ayeke na terê ti ala ayeke kui pëpe,wâ so ayeke gbi ala ayeke mingo pëpe+nga ala yeke ga mbeni ye so, na bango ni, bê ti azo kue* ayeke londo.”

Kete tënë

Wala “lo ye mingi ti sara ye.”
A lingbi nga ti tene “zo so asepela yanda.”
Wala “anzere na âme ti ala mingi.”
Wala “so aye mingi ti sara ye.”
Wala “ngangu.”
Na Hébreu: “mitele kue.”
So ti tene ajardin so a yeke voro yanda dä.
Na Hébreu: “ngongoa.”
Na Hébreu: “mitele kue.”
Wala “ti voro.”
Na Hébreu: “mitele kue.”