Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 64:1-12

LI TI ATËNË NI

  • Sambela ti changengo bê angbâ ti gue (1-12)

    • Jéhovah, “Zo ti lekengo ta” (8)

64  Tongana mo suru fade yâ ti yayu na mo descend, tongana fade ahoto ayengi ndali ti mo,   tongana mo sara fade ye tongana wâ so agbi pere so ahule, nga tongana wâ so asara si ngu akporo, ka awato ti mo ayeke hinga iri ti mo na amara ayeke dö na mbeto na gbele mo!   Na ngoi so mo sara lani aye so amû mbeto na zo mingi, aye so e ku terê ti e na ni kete pëpe,+ mo descend, na ahoto ayengi na gbele mo.+   Depuis giriri, mbeni zo amä wala adengi mê na mbeni Nzapa nde pëpe, nga lê ti mbeni zo abâ mbeni Nzapa pëpe, gï mo oko, mo so mo sara aye ndali ti azo so angbâ ti ku* mo.+   Mo wara terê na azo so ayeke na ngia ti sara ye so ayeke na lege ni,+ azo so adabe ti ala na mo nga asara ye alingbi na aye so mo fa. Me bê ti mo ason ndali ti so e ngbâ ti sara siokpari;+ e sara siokpari aninga. Tongaso, e kpa ti tene a sö e fadeso?   E kue e ga sioni tongana mbeni zo so aga sioni awe, akusala kue ti mbilimbili so e sara ayeke tongana chiffon ti wali so abâ yâ ti lo.+ E kue e yeke hule tongana kugbe ti keke, nga afaute ti e ayeke hon na e tongana ti so pupu ayeke hon na ye.   Mbeni zo ti di iri ti mo ayeke dä pëpe, mbeni zo ti londo ti gbu mo ayeke dä pëpe, ndali ti so mo honde lê ti mo na e+ nga mo sara si e nge kue* ndali ti afaute ti e.   Me ti fadeso, Jéhovah, mo yeke Babâ ti e.+ E yeke popoto ti sarango na ta; ti e, mo yeke Zo ti lekengo ta;*+ e kue e yeke kusala ti maboko ti mo.   Jéhovah, zia si bê ti mo ason ngangu na terê ti e pëpe,+ nga dabe ti mo pëpe na afaute ti e lakue lakue. Pardon, bâ ndo na mbage ti e, ndali ti so e kue e yeke azo ti mo.  10  Agbata ti mo so ayeke nzoni-kue aga gï mbeni benyama. Sion aga gï mbeni benyama, Jérusalem aga mbeni ndo so abuba awe.+ 11  Temple ti e so ayeke nzoni-kue nga ye ti gloire,* so akotara ti e asepela mo na yâ ni, a gbi ni na wâ,+ nga aye kue so e ye ni lani mingi abuba kue.  12  Jéhovah, so ye ni ayeke tongaso so, mo yeke ngbâ ti kanga bê ti mo? Mo yeke ngbâ ti duti kpô, na mo zia si a sara pasi na e ahon ndö ni tongaso?+

Kete tënë

Wala “akanga bê ti ku.”
Na Hébreu: “e woko na e ga tongana ngu.”
Wala “Zo so aleke e.”
Wala “pendere mingi.”