Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 61:1-11

LI TI ATËNË NI

  • Yingo ti Nzapa ayeke na ndö ti lo ti fa nzoni tënë (1-11)

    • “Ngu so na yâ ni Jéhovah ayeke sara nzoni na azo” (2)

    • “Akota keke ti mbilimbili” (3)

    • Awande ayeke mû maboko (5)

    • “Aprêtre ti Jéhovah” (6)

61  Yingo ti Jéhovah, Seigneur ti dunia kue, ayeke na ndö ti mbi,+ ndali ti so Jéhovah asoro mbi ti fa nzoni tënë na azo so abâ terê ti ala kete.+ Lo tokua mbi na azo so ayeke na kä na bê ti ala ti sara si kä ni amü, lo tokua mbi ti fa tënë ti liberté na angbâa nga lo tokua mbi na azo ti kanga ti sara si lê ti ala azi.+   Lo tokua mbi ti fa tënë ti ngu so na yâ ni Jéhovah ayeke sara nzoni* na azo, nga ti fa tënë ti lango so Nzapa ti e ayeke kiri na azo peko ti sioni so ala sara.+ Lo tokua mbi ti dë bê ti azo kue so ayeke sara vundu,+   ti mû na azo so ayeke sara vundu ndali ti Sion ye ti pendere ti ziango na ndö ti li ti ala na place ti mburu ti wâ, ti tuku mafuta na li ti ala si ala duti na ngia ahon ti sara vundu na ti mû na ala bongo ti tene ala sepela na Nzapa ahon ti duti na bê so ayeke na vundu. A yeke iri ande ala akota keke ti mbilimbili, akeke so Jéhovah alu si amû gloire na* lo.+   Ala yeke kiri ti leke angbene ndo so abuba. Ala yeke kiri ti leke ando so ândö azo aleke ni si ala dö ni azia,+ ala yeke kiri ti leke agbata so a futi ni kue,+ ando so a ninga mingi awe si azo asara kodro dä encore ape.+   “Awande ayeke ga ti fa lege na ataba na angasa ti ala, na awande+ la ayeke fâ yaka na ala nga ayeke sara kua na yâ ti yaka ti vigne ti ala.+   Âdu ti ala, a yeke iri ala aprêtre ti Jéhovah;+ azo ayeke iri ala awakua ti Nzapa ti e. Ala yeke te anzoni ye ti amara,+ nga ala yeke pika kate ti ala na ndö ti gloire* ti amara ni.   Ahon ti tene kamene asara azo ti mbi, ala yeke wara aye ti nzoni fani use. Ahon ti tene kamene ahon ndö ti ala, ala yeke dekongo na ngia ndali ti part ti ala. A yeke kangbi yâ ti sese ni, na ala yeke wara ti ala part ni use.+ Ala yeke duti na ngia lakue lakue.+   Mbi Jéhovah, mbi ye fango ngbanga ti mbilimbili.+ Mbi ke nzi nga na sarango ye ti kirikiri.+ Lakue mbi yeke mû na ala futa ti ala, nga mbi yeke te mbeni mbele na ala so ayeke ngbâ lakue lakue.+   Azo ti amara nde nde ayeke hinga amolenge* ti ala,+ nga azo nde nde ayeke hinga ahale ti ala. Azo kue so abâ ala ayeke hinga so ala yeke amolenge* so Jéhovah asara tufa na ndö ti ala.”+ 10  Mbi yeke duti na kota ngia ndali ti Jéhovah. Mbi yeke* duti na ngia ndali ti Nzapa ti mbi.+ Salut aga tongana bongo so lo mû lo yü na mbi;+ mbilimbili aga tongana kota bongo* so lo bi na ndö ti mbi. Mbi yü aye ni so tongana koli so aye ti sara mariage so ayü mara ti turban so prêtre ayeke yü,+ nga tongana wali so aye ti sara mariage so ayü aye ti baba. 11  Legeoko tongana ti so akete keke ayeke sigi na yâ ti sese, nga alê ti kobe so a lu na yâ ti yaka ayeke sigi, na lê ti amara kue, Jéhovah, Seigneur ti dunia kue, ayeke sara si sarango ye na lege ni+ nga na sepela asigi.+

Kete tënë

Wala “nzoni bê.”
Wala “ti sara pendere ti.”
Wala “amosoro.”
Na Hébreu: “ngongoa.”
Na Hébreu: “ngongoa.”
Wala “Âme ti mbi ayeke.”
Wala “kota bongo so maboko ni ayeke dä pëpe.”