Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 60:1-22

LI TI ATËNË NI

  • Gloire ti Jéhovah asu na ndö ti Sion (1-22)

    • Tongana apigeon so ayeke gue na da ti ala (8)

    • Lor na place ti cuivre (17)

    • Azo so wungo ti ala ayeke gï kete ayeke ga saki oko (22)

60  “Wali,+ londo mo za lumière, ndali ti so mo wara lumière awe. Gloire ti Jéhovah asu na ndö ti mo.+   Bâ, vukongo ndo ayeke mû ande ndö ti sese nga bingo so avuko pitipiti ayeke mû ndö ti amara. Me Jéhovah ayeke za lumière na ndö ti mo, nga azo ayeke bâ gloire ti lo na ndö ti mo.   Amara ayeke bâ lumière ti mo,+ na ala yeke ga dä, nga agbia+ ayeke bâ sungo ti gloire ti mo,* na ala yeke ga dä.+   Yô lê ti mo na nduzu, mo bâ ndo na terê ti mo kue! A bungbi azo kue awe; ala yeke ga na mbage ti mo. Amolenge ti mo ti koli alondo na yongoro ndo, ala yeke ga.+ Azo ayô amolenge ti mo ti wali na terê ti yâ ti ala, na ala yeke ga na ala.+   Na ngoi ni so, mo yeke bâ ye ni, na lê ti mo ayeke duti na ngia,+ bê ti mo ayeke pika ngangu nga ayeke si singo na ngia, ndali ti so a yeke tokua amosoro ti yâ ti ngu-ingo na mo; anzoni ye ti amara ayeke ga na mbage ti mo.+   Gbâ ti achameau ayeke hon ndö ti kodro ti mo,* akete koli-chameau ti kodro ti Madian na ti Éphah.+ Azo kue ti kodro ti Shéba ayeke ga; ala yeke yô lor na vuru dukane ti ga na ni. Ala yeke sepela Jéhovah na gbele azo.+   A yeke bungbi ataba na angasa kue ti kodro ti Kédar+ ti ga na ala na mo. Mo yeke mû akoli-taba ti kodro ti Nébaïoth+ ndali ti kua so mo ye ti sara. A yeke zia ala na ndö ti gbalaka ti mbi, na mbi yeke yeda na ni,+ na mbi yeke sara si da ti mbi so ayeke ye ti gloire* akiri aga pendere mingi.+   Azo wa la ayeke huru ti ga na loro tongana mbinda so? Azo wa la ayeke huru ti ga na loro tongana apigeon so ayeke gue na da ti ala so?   Azo ti azoa* ayeke zia bê ti ala na ndö ti mbi;+ abateau ti Tarsis ayeke na devant,* ala mû amolenge ti mo ti koli na yongoro ndo ala yeke ga na ala.+ Ala yeke ga nga na argent na lor ti ala ti sepela na iri ti Jéhovah Nzapa ti mo, Nzapa ti Israël so ayeke nzoni-kue, teti so lo yeke mû gloire na mo.*+ 10  Awande ayeke leke gbagba ti mo, na agbia ti ala ayeke sara kua na mo.+ Mbi pika mo ndali ti so bê ti mbi ason na terê ti mo, me so bê ti mbi ayeke nzoni,* mbi yeke sara nzoni bê na mo.+ 11  Ayanga ti gbagba ti mo ayeke ngbâ ande lakue na zingo ni.+ Bï na lâ, a yeke kanga ni pëpe, si azo amû anzoni ye ti amara aga na ni na mo; agbia ti amara ni ayeke mû li ni.+ 12  A yeke futi mara kue nga na royaume kue so ake ti sara kua na mo; a yeke futi nga amara ni kue kue kue.+ 13  A yeke mû na mo mara ti gloire ti Liban.+ A yeke mû keke ti genévrier, keke ti frêne nga na keke ti cyprès ti ga na ni+ ti sara na pendere ti temple ti mbi. Mbi yeke sara si place so mbi yeke zia gere ti mbi dä+ awara gloire. 14  Amolenge ti azo so asara pasi na mo ayeke ga ti kuku na gbe ti mo; a lingbi azo kue so ane mo oko pëpe aga akuku na gere ti mo, nga ala doit ti iri mo gbata ti Jéhovah, Sion, gbata ti Nzapa ti Israël so ayeke nzoni-kue.+ 15  Ahon ti tene mo duti mbeni ndo so azo adö ni azia nga ake ni, ndo so zo oko ayeke hon dä pëpe,+ mbi yeke sara si mo ga mbeni ndo so azo ayeke pika kate ti ala lakue lakue ndali ni, mbeni ndo so asara si azo ti angoi nde nde kue aduti na ngia.+ 16  Mo yeke nyon ande ngu ti me ti amara,+ nga mo yeke nyon me ti agbia.+ Mo yeke hinga biani so mbi Jéhovah, mbi yeke Sauveur ti mo, nga Nzapa ti Jacob so ayeke ngangu mingi ayeke Lo so asara mbeni ye ti zi mo.+ 17  Mbi yeke zia lor na place ti cuivre, mbi yeke zia argent na place ti wen, mbi yeke zia cuivre na place ti keke nga mbi yeke zia wen na place ti atênë. Mbi yeke zia si siriri aduti tongana azo so ayeke bâ ndo na ndö ti azo ti mo, nga mbilimbili ayeke duti tongana azo so ayeke fa na azo ti mo kua so a lingbi ala sara.+ 18  A yeke mä tënë ti sarango ye ti ngangu na zo encore ape na yâ ti kodro ti mo. A yeke mä nga tënë ti futingo ye wala bubango ye pëpe na ando kue so ayeke ti mo.+ Mo yeke iri agbagba ti mo Salut+ nga mo yeke iri ayanga ti gbagba ti mo Sepela. 19  Na kota lâ, lâ ayeke mû lumière ti lo na mo encore ape, nga na bï, nze ayeke mû lumière ti lo na mo encore ape. Jéhovah la ayeke ga lumière ti mo lakue lakue;+ Nzapa ti mo la ayeke sara si mo duti pendere mingi.+ 20  Lâ so asu na ndö ti mo ayeke linda encore ape, nga nze so asu na ndö ti mo ayeke linda encore ape, ndali ti so Jéhovah la ayeke ga lumière ti mo lakue lakue;+ ngoi so mo sara na vundu ayeke hunzi.+ 21  Azo ti mo kue ayeke sara ye na lege ni; Ala yeke ngbâ lakue lakue na yâ ti kodro ni. Ala yeke tongana kete keke so mbi lu, kusala ti maboko ti mbi+ so mbi sara ti tene mbi wara gloire.+ 22  Azo so wungo ti ala ayeke gï kete ayeke ga saki oko, na asenge zo ayeke ga mbeni ngangu mara. Mbi Jéhovah, mbi yeke sara si ye ni asi hio tongana ngoi ni alingbi.”

Kete tënë

Wala “lumière ti mo so aza tongana sigingo ti lâ na ndapre.”
Na Hébreu: “hon ndö ti mo.”
Wala “da ti mbi so ayeke ye ti pendere.”
A ye ti sara tënë ti asese so ayeke na milieu ti ngu.
Wala “ayeke tongana ti ândö.”
Wala “lo yeke sara si mo ga pendere mingi.”
Wala “ndali ti nzoni bê ti mbi.”