Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 6:1-13

LI TI ATËNË NI

  • Na yâ ti vision, Ésaïe abâ Jéhovah na yâ ti temple ti lo (1-4)

    • ‘Jéhovah ayeke nzoni-kue, nzoni-kue, nzoni-kue’ (3)

  • Yanga ti Ésaïe aga nzoni (5-7)

  • A tokua Ésaïe (8-10)

    • “Mbi la! Tokua mbi!” (8)

  • “Jéhovah, ye ni so ayeke gue juska lawa?” (11-13)

6  Na yâ ti ngu so Gbia Ozias akui,+ mbi bâ Jéhovah so aduti na ndö ti trône so ayo na nduzu.+ Yanga ti yongoro bongo ti lo asi yâ ti temple.  Aséraphin aluti na nduzu na ndö ti lo. Séraphin oko oko ayeke na kpangbi omene. Lo kanga lê ti lo na akpangbi ti lo use, lo bi ambeni kpangbi ni use na ndö ti gere ti lo nga lo yeke huru na tanga ti use ni.   Ala yeke dekongo na mba na peko ti terê, ala tene: “Jéhovah ti aturugu ayeke nzoni-kue, nzoni-kue, nzoni-kue!+ Sese kue asi singo na gloire ti lo.”   Dekongo ti ala* asara si acadre ti da ayengi, na guru asi yâ ti da ni.+   Na pekoni mbi tene: “Aï! Mbi kui awe!* ndali ti so atënë ti yanga ti mbi ayeke nzoni-kue pëpe; nga mbi sara kodro na popo ti azo so tënë ti yanga ti ala ayeke nzoni-kue pëpe.+ Mbi bâ Gbia, Jéhovah ti aturugu, lo wani!”  Ge, mbeni séraphin ahuru aga na terê ti mbi; na maboko ti lo, lo yeke na lê ti wâ+ so lo gue lo gbu na pince na ndö ti gbalaka si lo ga na ni.+  Lo ndu yanga ti mbi, lo tene: “Bâ, ye ni andu yanga ti mo awe. Tënë ayeke na li ti mo mbeni pëpe, nga a zi siokpari ti mo awe.”  Na pekoni, mbi mä go ti Jéhovah so atene: “Zo wa la mbi yeke tokua lo zo wa? Zo wa la ayeke gue tokua so na e?”+ Mbi tene: “Mbi la! Tokua mbi!”+   Lo tene na mbi: “Gue, mo tene na azo so, mo tene: ‘A yeke tene mbeni tënë na ala fani mingi, me ala yeke mä yâ ni pëpe; a yeke gboto lê ti ala na ndö ti mbeni ye fani mingi, me ala yeke hinga ye oko dä pëpe.’+ 10  Sara si bê ti azo so akpengba,+ sara si ala kanga mê ti ala+ nga sara si lê ti ala akanga dä, si ala bâ ndo na lê ti ala pëpe, ala mä ndo na mê ti ala pëpe nga ala mä yâ ti tënë ni pëpe na yâ ti bê ti ala tongaso si ala changé lege ti ala pëpe si a sava ala pëpe.” 11  Mbi ngbâ mbi tene: “Jéhovah, ye ni so ayeke gue juska lawa?” Lo tene: “Juska agbata ni atï, na zo oko angbâ dä pëpe, ada angbâ gï senge senge nga kodro ni abuba kue na angbâ gï senge.+ 12  Nga juska Jéhovah atomba azo ni yongoro,+ na kodro ni angbâ gï senge senge. 13  “Me zo oko na popo ti azo bale-oko ti kodro ni ayeke ngbâ, nga a yeke kiri ti gbi ni tongana mbeni kota keke nga na keke ti chêne. Legeoko tongana ti so a dë akeke so, na gunda ni ayeke ngbâ na yâ ti sese, mbeni ngongoa* so ayeke nzoni-kue ayeke ngbâ.”

Kete tënë

Na Hébreu: “Totongo ti go ti zo so airi mba ti lo.”
Na Hébreu: “A yeke mä go ti mbi encore ape.”
Wala “hale.”