Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 56:1-12

LI TI ATËNË NI

  • Tufa ti Nzapa na ndö ti awande nga na ambaïwa (1-8)

    • Mbeni da ti sambela ndali ti azo kue (7)

  • Asinziri so aga awaziba, ambo ti buburu (9-12)

56  Jéhovah atene: “Ala fâ ngbanga mbilimbili+ na ala sara ye so ayeke na lege ni, ndali ti so na yâ ti kete ngoi, mbi yeke ga na salut nga azo ayeke bâ so mbi yeke mbilimbili.+   Ngia ayeke na zo so asara aye so nga na zo so angbâ na terê ti aye so; lo yeke bata Sabbat, na lo bi nengo ni na sese pëpe.+ Lo ke ti sara ye kue so ayeke sioni.   A yeke nzoni wande so aga avoro Jéhovah+ atene pëpe: ‘Ti tâ tënë ni, Jéhovah ayeke zi mbi na popo ti azo ti lo.’ Nga a yeke nzoni mbaïwa atene pëpe: ‘Mbi yeke hulengo keke.’”  Jéhovah atene: “Na ambaïwa so ayeke bata asabbat ti mbi, so asoro ti sara ye so mbi ye nga so asara ye alingbi na mbele ti mbi, mbi tene:   “Mbi yeke mû na ala mbeni monument nga mbeni iri na yâ ti da ti mbi nga na yâ ti gbagba ni, mbeni ye so ayeke nzoni ahon amolenge ti koli na ti wali. Mbi yeke mû na ala mbeni iri so ayeke ti lakue lakue, mbeni iri so ayeke hon lâ oko pëpe.   Âdu ti awande so aga avoro Jéhovah ti tene ala sara kua na lo, ala ndoye iri ti Jéhovah+ na ala duti awakua ti lo, ala kue so abata Sabbat na abi nengo ni na sese pëpe nga asara ye alingbi na mbele ti mbi,   ala nga kue mbi yeke gue na ala na ndö ti hoto ti mbi so ayeke nzoni-kue,+ na mbi yeke sara si ala duti na ngia mingi na yâ ti da ti mbi so ayeke da ti sambela. Asandaga ti ala so a zö ni agbi kue nga na tanga ti asandaga ti ala so a yâa na ndö ti gbalaka ti mbi, mbi yeke yamba ni, ndali ti so a yeke iri da ti mbi da ti sambela teti azo nde nde kue.”+  Jéhovah, Seigneur ti dunia kue, lo so ayeke bungbi azo ti Israël so yâ ti ala akangbi kirikiri,+ atene: “Mbi yeke bungbi nga ambeni zo na terê ti ala so mbi bungbi ala kozo awe.”+   Ala anyama ti ngonda kue, ala ga ate ye; anyama kue ti yâ ti gbako, ala ga ate ye.+ 10  Asinziri aga awaziba,+ zo oko na popo ti ala abâ pëpe ye so ayeke si.+ Ala kue ayeke tongana ambo ti buburu, ala lingbi ti dekongo pëpe.+ Ala yeke wu ngangu ngangu, ala lango na sese; ala ye gï ti lango. 11  Ala yeke tongana ambo so aye tengo ye mingi; Yâ ti ala ayeke si lâ oko pëpe. Ala yeke aberger so ahinga ndo pëpe.+ Zo oko oko amû gï lege ti lo wani; zo oko oko na popo ti ala agi ti wara gï ye ti lo wani na lege ti likisi, na lo tene: 12  “Ala ga, mbi mû mbeni vin, na e nyon ngbii e soulé.+ Lango ti kekereke ayeke duti ande tongana ti laso, me a yeke kiri ti nzere mingi.”

Kete tënë