Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 55:1-13

LI TI ATËNË NI

  • A tisa azo ti ga ti te ye na ti nyon ye senge senge (1-5)

  • Gi Jéhovah nga na atënë ti lo so zo alingbi ti zia bê ti lo dä (6-13)

    • Alege ti Nzapa ayo na nduzu ahon alege ti azo (8, 9)

    • Tënë ti Nzapa ayeke kiri senge ape (10, 11)

55  Ala kue so nzara ti ngu asara ala,+ ala ga ala nyon ngu!+ Ala so ayeke na nginza pëpe, ala ga ala mû kobe ala te! Ala ga, ala mû vin nga na lait+ senge senge, sân ti vo ni vongo.+   Ngbanga ti nyen ala ngbâ ti mû nginza ti ala ti vo na ye so ayeke mapa ape? Ngbanga ti nyen ala yeke mû nginza ti kua ti ala* ti vo na aye so ayeke si yâ ti zo ape? Ala mä mbi nzoni na ala te nzoni kobe,+na ala yeke* wara kota ngia na tengo kobe so ayeke tâ kobe ti mafuta.+   Ala dengi mê ti ala nga ala ga na mbage ti mbi.+ Ala mä mbi si ala ngbâ na fini;biani mbi yeke te mbele ti lakue lakue na ala,+mbele so mbi te ti fa tâ ndoye ti mbi na mbage ti David, ndoye so achangé pëpe.*+   Ala bâ! Mbi zia lo ti duti témoin+ ndali ti amara;lo fa lege+ na amara nga lo komande+ na ndö ti ala.   Mo yeke iri mbeni mara so mo hinga lo pëpe,nga azo ti mbeni mara so mo hinga ala pëpe ayeke kpe ti ga na mbage ti mondali ti Jéhovah Nzapa ti mo,+ Nzapa ti Israël so ayeke nzoni-kue. Ala yeke ga ndali ti so lo yeke sara si mo wara gloire.+   Ala gi Jéhovah na ngoi so a lingbi ti wara lo.+ Ala iri lo na ngoi so lo ngbâ nduru na ala.+   Zia zo ti sioni azia lege ti lo,+nga zia zo so aye gï ti sara sioni azia lege ti apensé ti lo. Zia lo kiri na mbage ti Jéhovah, so ayeke sara nzoni bê na lo,+zia lo kiri na mbage ti Nzapa ti e, ndali ti so lo yeke pardonné zo kue kue kue.*+   Jéhovah atene: “Apensé ti ala ayeke apensé ti mbi pëpe,+nga alege ti ala ayeke alege ti mbi pëpe.   Legeoko tongana ti so yayu ayo na nduzu ahon sese,alege ti mbi ayo na nduzu ahon alege ti alanga apensé ti mbi ayo na nduzu ahon apensé ti ala.+ 10  Ngu-nzapa na neige alondo na nduzu atï na sese;a yeke kiri na nduzu pëpe juska a mû yâ ti sese kue na a sara si akugbe asigi na alë lê ti kobe;a sara si zo ti lungo lê ti kobe awara ngongoa nga zo awara kobe ti tengo ni. 11  Tënë so asigi na yanga ti mbi ayeke duti nga tongaso.+ A yeke kiri na mbi senge pëpe,+me a yeke sara biani ye kue so mbi ye;*+nyen na nyen tënë ti mbi ayeke sara ye so mbi tokua lo ti sara. 12  Ala yeke sigi na ndo so ala yeke dä na ngia,+na ala yeke kiri na ndo ti ala na siriri.+ Ahoto na akete hoto ayeke duti na ngia nga ayeke dekongo na ngia na ngoi so ala si.+ Akeke ti ngonda kue ayeke pika maboko ti ala.+ 13  Keke ti genévrier ayeke sigi na place ti keke ti sisi,+nga keke ti myrte ayeke sigi na place ti dungusara. Ye so ayeke sara si iri ti Jéhovah awu,*+nga a yeke duti ande mbeni fä so ayeke ngbâ lakue lakue.”

Kete tënë

Wala “nginza so ala bâ pasi ti wara.”
Wala “âme ti ala ayeke.”
Wala “so zo alingbi ti zia bê ti lo dä.”
Wala “lo yeke pardonné zo na bê ti lo kue.”
Wala “ye so bê ti mbi aye.”
Wala “ayeke sara si azo ahinga Jéhovah mingi.”