Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 54:1-17

LI TI ATËNË NI

  • Sion, wali-ngombo, ayeke dü gbâ ti amolenge (1-17)

    • Jéhovah ayeke koli ti Sion (5)

    • Jéhovah ayeke fa ye na amolenge ti Sion (13)

    • Aye ti bira ti tiringo na Sion ayeke sara ye oko ape (17)

54  Jéhovah atene: “Mo wali-ngombo so mo dü molenge pëpe so, dekongo na ngia!+ Duti na ngia nga dekongo na ngia,+ mo so mo hinga songo ti dungo lâ oko pëpe so,+ ndali ti so amolenge-koli* ti wali so koli ni adö lo azia ayeke mingi ahon ala ti wali so koli* ti lo ayeke dä.+   Sara si ndo so tente ti mo ayeke dä akiri akono.+ Gboto yâ ti abongo ti tente ti kota tabernacle ti mo. Gi bê ti mo pëpe na ndö ti place, sara si akamba ti tente ti mo akiri ayo, nga sara si apiquet ti tente ni akpengba.+   Kodro ni ayeke kono ti mû ndo na mbage ti koli nga na mbage ti wali. Amolenge ti mo ayeke mû ande sese ti amara, nga ala yeke sara kodro na yâ ti agbata so abuba.+   Sara mbeto pëpe,+ ndali ti so a yeke zia kamene na lê ti mo pëpe;+ zia si kamene ahon ndö ti mo pëpe, ndali ti so aye so mo yeke ku ayeke si ande biani. Mo yeke girisa na ndö ti kamene so asara mo na lâ ti maseka ti mo, nga mo yeke dabe ti mo encore ape na ndö ti kamene so asara mo lani na ngoi so mo yeke wali-mua.”   “Kota Nzapa so asara mo+ ayeke tongana koli* ti mo;+ iri ti lo ayeke Jéhovah ti aturugu. Nzapa ti Israël so ayeke nzoni-kue la ayeke Zo so afuta mbeni ye ti zi mo.+ A yeke iri lo Nzapa ti sese kue.+   Na ngoi so Jéhovah airi mo lani, mo yeke tongana wali so a dö lo a zia, nga vundu ahon ndö ti mo.+ Mo yeke tongana wali so asara mariage na lâ ti maseka ti lo me so na pekoni a ke lo.” Tënë ti yanga ti Nzapa ti mo la.   “Lani mbi dö mo mbi zia gï teti kete ngoi, me na yâ ti nzoni bê ti mbi so ayeke mingi, mbi yeke kiri na mo.+   Na ngoi so mbi tuku ngonzo ti mbi na ndö ti mo, mbi honde lê ti mbi na mo teti kete ngoi,+ me tâ ndoye ti mbi so angbâ lakue lakue asara si mbi yeke sara nzoni bê na mo,”+ tënë ti yanga ti Jéhovah la, Zo so afuta mbeni ye ti zi mo.+   “Na lê ti mbi, ngoi ni so ayeke tongana ngoi ti Noé.+ Legeoko tongana ti so mbi deba lani mbi tene angu so apika na ngoi ti Noé ayeke kiri ti pika ti mû sese encore ape,+ mbi deba mbi tene mbi yeke sara ngonzo na terê ti mo encore ape, nga mbi yeke suku na mo pëpe.+ 10  Ahoto alingbi ti hon nga akete hoto alingbi ti yengi, me tâ ndoye ti mbi na mbage ti mo ayeke hon pëpe,+ nga mbele ti mbi ti siriri ayeke yengi pëpe,”+ tënë ti yanga ti Jéhovah la, Zo so asara nzoni bê na mo.+ 11  “Mo wali so a sara pasi na mo,+ mo so kota pupu ti ngu-nzapa ayengi mo, nga so zo adë bê ti mo pëpe,+ mbi yeke mû atênë nga na popoto si mbi leke na mur ti mo, nga mbi yeke mû tênë ti saphir si mbi leke na fondation ti mo.+ 12  Mbi yeke leke ali ti gbagba ti mo na tênë ti rubis. Mbi yeke leke ayanga ti gbagba ti mo na atênë so aza zango,* nga mbi yeke zia atênë ti ngangu ngere na ando kue so ayeke ayanga ti sese ti mo. 13  Jéhovah ayeke fa ye ande na amolenge ti mo kue ti koli,*+ nga siriri ti amolenge ti mo ti koli* ayeke duti ande mingi.+ 14  Mo yeke kpengba na yâ ti sarango ye mbilimbili.+ A yeke zia mo yongoro na azo so asara ye ti ngangu na mo,+ mo yeke sara mbeto ti ye oko pëpe nga kota mbeto ayeke hon ndö ti mo pëpe, ndali ti so ye ti mungo mbeto na zo ayeke si nduru na mo pëpe.+ 15  Tongana mbeni zo aga asara bira na mo, mbi la mbi mû yanga na lo pëpe ti sara ni. Zo kue so aga na bira na terê ti mo ayeke sö benda pëpe.”+ 16  “Mbi la mbi sara zo ti ndao so ayeke hûru wâ na terê ti charbon si aza, na lo yeke leke aye ti bira. Mbi nga la mbi sara zo ti futingo ye si lo futi aye.+ 17  Tongaso, aye ti bira kue so a leke ti sara na bira na mo ayeke sara ye oko na mo pëpe.+ Zo kue so alondo na tënë na terê ti mo na gbele ngbanga, mo yeke fa so lo yeke na raison pëpe. So ayeke héritage ti awakua ti Jéhovah la, nga mbi la mbi sara si ala yeke mbilimbili,” tënë ti yanga ti Jéhovah la.+

Kete tënë

Wala “amolenge.”
Wala “wa.”
Wala “wa.”
Wala “atênë so couleur ni ayeke tongana couleur ti wâ.”
Wala “amolenge ti mo.”
Wala “amolenge ti mo.”