Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 51:1-23

LI TI ATËNË NI

  • Sion akiri ti duti tongana yaka ti Éden (1-8)

  • Dengo bê na mbage ti Lo so aleke Sion (9-16)

  • Kopo ti ngonzo ti Jéhovah (17-23)

51  “Ala so ayeke gi ti sara ye mbilimbili nga ala yeke gi Jéhovah, ala mä mbi. Ala bâ ndo na mbage ti tênë so a dë ni si a leke na ala, ala bâ ndo na mbage ti ndo ti dengo atênë so a mû ala dä.   Ala bâ ndo na mbage ti babâ ti ala Abraham nga na mbage ti Sara+ so adü ala.* Abraham ayeke lani gï lo oko na ngoi so mbi iri lo;+ mbi iri tënë nzoni na ndö ti lo nga mbi sara si lo ga gbani.+   Jéhovah ayeke dë bê ti Sion.+ Lo yeke kiri ti leke* ando ti lo kue so abuba.+ Lo yeke sara si benyama ti lo aga tongana yaka ti Éden,+ nga kpangbala ndo ti désert ayeke ga tongana jardin ti Jéhovah.+ Kota ngia nga na nzerengo terê ayeke duti na yâ ti Sion; azo ayeke kiri singila nga ala yeke he abia so atoto pendere.+   Azo ti mbi, ala dengi mê ala mä mbi, azo ti mara ti mbi, ala mä mbi.+ Mbi yeke sigi na mbeni ndia,+ nga mbi yeke zia mbilimbili ti mbi tongana lumière ndali ti azo nde nde.+   Mbi sara si mbilimbili ti mbi apusu nduru.+ Mbi yeke mû salut na ala,+ nga mbi yeke yôro maboko ti mbi ti fâ ngbanga ti azo nde nde.+ Azoa ayeke zia beku ti ala na ndö ti mbi,+ nga ala yeke ku ti tene mbi yôro maboko* ti mbi ti sara ye ndali ti ala.   Ala yô lê ti ala, ala bâ ndo na yayu, nga ala bâ ndo na sese. Yayu ayeke girisa tongana guru; sese ayeke buba tongana ti so bongo ayeke buba, Azo ni ayeke kui tongana angungu. Me salut so mbi mû ayeke ngbâ lakue lakue,+ nga mbilimbili ti mbi ayeke hunzi lâ oko pëpe.+   Ala azo so ahinga mbilimbili nga so ndia* ti mbi ayeke na yâ ti bê ti ala, ala mä mbi.+ Tongana asenge zo ahe ala, ala sara mbeto pëpe, nga zia si mbeto ti atënë ti mbana ti azo ni ahon ndö ti ala pëpe,   ndali ti so makongo ayeke te ala tongana ti so lo yeke te bongo. Makongo ti tengo bongo* ayeke te ala tongana ti so lo yeke te laine.+ Me mbilimbili ti mbi ayeke ngbâ lakue lakue, nga salut so mbi mû ayeke ndali ti azo ti angoi nde nde kue.”+   Zingo! Zingo, na mo wara ngangu, mo maboko ti Jéhovah!+ Zingo tongana ti ândö giriri, tongana ti so mo sara na ngoi ti azo ti giriri. Mo la mo fâ yâ ti Rahab*+ kete kete ape? Mo la mo kpo yâ ti kota nyama ti ngu-ingo ape?+ 10  Mo la mo sara si ngu-ingo so ngu ni alï mingi ahule ape?+ Mo la mo suru lege na yâ ti ngu-ingo so alï mingi si azo so mo futa ye ti zi ala ahon dä.+ 11  Azo so Jéhovah azi ala ayeke kiri na kodro ti ala.+ Ala yeke lï na yâ ti Sion na dekongo nga na ngia.+ Ngia so ayeke ti lakue lakue ayeke ga couronne ti ala.*+ Ala yeke dekongo na ngia nga terê ti ala ayeke nzere mingi; vundu nga na dema ayeke hon yongoro.+ 12  “Mbi la mbi dë bê ti ala.+ Ala yeke sara mbeto ti senge zo so ayeke kui kuingo ngbanga ti nyen?+ Ala yeke sara mbeto ti zo so a dü lo dungo nga so lo yeke hule tongana ti fini pere ngbanga ti nyen? 13  Ala girisa Jéhovah so asara ala ngbanga ti nyen?+ Lo la lo gbara yâ ti yayu nga lo zia gere ti sese.+ Na yâ ti lango ni kue, ala yeke sara mbeto ti kota ngonzo ti zo so asara pasi na ala,* mo bâ mo tene lo lingbi ti futi ala. Ti fadeso, kota ngonzo ti zo so asara pasi na ala so ayeke na ndo wa? 14  Na yâ ti kete ngoi, a yeke zi zo so ayeke na yâ ti chaîne na lo ba gï bango na sese.+ Lo yeke kui pëpe nga lo yeke gue na yâ ti dû pëpe. Lo yeke kui nga nzara pëpe. 15  Mbi yeke Jéhovah Nzapa ti mo. Lo so asara si ngu-ingo alondo na nduzu nga si amapo ni atoto.+ Iri ti lo ayeke Jéhovah ti aturugu.+ 16  Mbi yeke zia tënë ti mbi na yanga ti mo, nga mbi yeke zia maboko ti mbi na ndö ti mo si mo duti na gbe ti dê ni,+ tongaso si mbi leke yayu, mbi zia gere ti sese+ nga mbi tene na azo ti Sion: ‘Ala yeke azo ti mbi.’+ 17  Jérusalem, mo zingo! Zingo na mo londo,+ mo so Jéhovah amû kopo ti ngonzo ti lo na mo si mo nyon ni. Mo nyon ye so ayeke na yâ ti kopo ni awe; mo nyon ye kue so ayeke na yâ ti kopo ni awe, na a sara si mo tambela kirikiri.+ 18  Na popo ti amolenge kue so lo dü ala, mbeni ti fa lege na lo ayeke dä pëpe. Nga na popo ti amolenge kue so lo bata ala, mbeni ti gbu maboko ti lo ayeke dä pëpe. 19  Aye use so asi na mo awe. Zo wa la ayeke bâ mawa ti mo zo wa? A futi mo nga a buba aye ti mo kue awe; nzara nga na épée ayeke dä.+ Zo wa la ayeke dë ande bê ti mo zo wa?+ 20  Lê ti amolenge ti mo avuko,+ na ala ga nduru ti kui. Ala lango na coin ti alege kue.* Ala yeke tongana anyama so a gbu ala na yâ ti gbanda. Jéhovah atuku ngonzo ti lo kue na ndö ti ala, Nzapa ti ala asuku na ala ngangu.” 21  Tongaso pardon, mä tënë so, mo wali so a sara pasi na mo nga mo soulé, me mo nyon vin pëpe. 22  Seigneur ti mo Jéhovah, Nzapa ti mo so agbu koko ti azo ti lo, atene: “Mbi yeke zi na maboko ti mo kopo so asara si mo tambela kirikiri,+ kopo so ayeke kopo ti ngonzo ti mbi. Mo yeke kiri ti nyon ni pëpe.+ 23  Mbi yeke zia ni na maboko ti azo so asara pasi na mo,+ ala so atene lani na mo,* atene: ‘Kuku na sese tongaso si e tambela na ndö ti mo!’ Tongaso, mo sara si peko ti mo aga tongana sese nga tongana lege ti tene ala tambela dä.”

Kete tënë

Wala “so abâ pasi ti dü ala.”
Na Hébreu: “ti dë bê ti.”
Wala “mbi mû ngangu.”
Wala “fango ye.”
A lingbi nga ti tene “Ngusu.”
Na Hébreu: “ayeke duti na ndö ti li ti ala.”
Wala “zo so akanga lege na ala si ala hon pëpe.”
Na Hébreu: “na ndo kue so alege atingbi terê dä.”
Wala “na âme ti mo.”