Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 47:1-15

LI TI ATËNË NI

  • Tingo ti Babylone (1-15)

    • A sigi na nda ti azo ti gingo nda ti ye na lege ti atongoro (13-15)

47  Maseka-wali ti Babylone so ade mo hinga koli pëpe,+descend mo duti na yâ ti fuku ti sese. Maseka-wali ti azo ti Chaldée,duti na lê ti sese na ndo so trône ayeke dä pëpe,+ndali ti so a yeke kiri ti iri mo encore ape wali-ndomo nga wali so a voro lo vorongo.   Mû tênë ti nekango na ye, mo neka farine. Zi voile ti mo. Zi bongo ti mo si azo abâ gere ti mo. Tambela mo fâ ngu.   Azo ayeke bâ terê ti mo so ayeke senge. Azo ayeke bâ terê ti mo senge, na kamene ayeke sara mo. Mbi yeke kiri na mo peko ti ye ti sioni so mo sara,+ na zo oko ayeke kanga lege na mbi pëpe.*   “Zo so afuta ye ti zi e,so iri ti lo ayeke Jéhovah ti aturugu,lo yeke Nzapa ti Israël so ayeke nzoni-kue.”+   Maseka-wali ti azo ti Chaldée,+duti kpô kâ, na gue na yâ ti vukongo ndo. Azo ayeke iri mo encore ape Mama* ti aRoyaume.+   Bê ti mbi ason lani na terê ti azo ti mbi.+ Mbi sara si azo ti mbi aga sioni,+na mbi zia ala na maboko ti mo.+ Me mo sara nzoni bê na ala kete pëpe.+ Mo zia nengo joug même na ndö ti ambakoro.+   Mo tene: “Mbi yeke duti lakue Mama* ti aRoyaume.”+ Mo bi bê ti mo na ndö ti aye so pëpe. Mo gbu li pëpe ti bâ tongana nyen aye ni ayeke hunzi.   Fadeso, mo so mo ye angia mingi so,+ mä tënë! Mo so mo duti na siriri so, mo tene na bê ti mo, mo tene: “Mbi la mbi yeke kota zo, mbi bâ mbeni zo pëpe.+ Mbi yeke ga wali-mua pëpe. Mbi yeke hinga vundu ti peko ti kuâ ti amolenge lâ oko pëpe.”+   Me na yâ ti lango oko, aye use so ayeke si na mo gï gbagburu tongaso:+ Amolenge ti mo ayeke kui na mo yeke ga wali-mua. Mo yeke hinga songo ti aye so kue+ndali ti* gbâ ti aye ti yorö so mo sara nga na aye ti magie kue so mo sara.+ 10  Mo zia bê ti mo lani na ndö ti aye ti sioni so mo sara. Mo tene: “Zo oko abâ mbi pëpe.” Ndara ti mo na aye so mo hinga ague na mo yongoro,na mo tene na bê ti mo, mo tene: “Mbi la mbi yeke kota zo, mbi bâ mbeni zo pëpe.” 11  Me ye ti ngangu ayeke tï na ndö ti mo,na même aye ti yorö ti mo ayeke kanga lege na ni pëpe.* Ngangu kpale ayeke si na mo; mo yeke wara lege ti kanga lege na ni pëpe. Mbeni futingo so mara ni ade ti si na mo lâ oko pëpe la ayeke tï na ndö ti mo.+ 12  Ngbâ ti sara aye ti magie nga na aye ti yorö ti mo,+so mo sara kua na ni ngangu ngbene ye so mo de maseka. Hinga ape mo lingbi ti bâ nzoni dä;hinga ape mo yeke zia mbeto na yâ ti azo. 13  Mo fatigué na gbâ ti awawango ti mo ni awe. Zia azo so alondo fadeso asö mo e bâ: ala so ayeke voro aye so ayeke na yayu,* ala so ayeke bâ atongoro+nga na ala so, na ngoi ti afini nze, ayeke fa na moaye so ayeke si ande na mo. 14  Ala yeke tongana hulengo saleté so angbâ na lê ti yaka. Wâ ayeke gbi ande ala. Ala lingbi pëpe ti sö ala wani* na yâ ti ngangu ti wâ ni. A yeke pëpe alê ti wâ so zo ayeke gue na terê ni si terê ti lo achauffé,a yeke nga pëpe wâ so zo ayeke duti na terê ni. 15  Mo yeke bâ ande azo ti mo so ayeke azo ti yorö tongaso,ala so mo sara kua na ala ngangu ngbene ye so mo de maseka. Ala yeke fono kirikiri, zo oko oko na lege ti lo.* Mbeni zo ti sö mo ayeke duti ande dä pëpe.+

Kete tënë

A lingbi nga ti tene “mbi yeke he ngia pëpe na azo so mbi tingbi ala na lege.”
Wala “Gbia-wali.”
Wala “Gbia-wali.”
A lingbi nga ti tene “atâa.”
Wala “mo yeke hinga pëpe tongana nyen ti mû aye ti mo ti sarango yorö ti kanga lege na ni.”
A lingbi nga ti tene “azo so akangbi yâ ti aye so ayeke na lê ti nduzu; azo ti gingo nda ti aye na lege ti atongoro.”
Wala “âme ti ala.”
Na Hébreu: “amû lege ti kodro ti lo.”