Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 46:1-13

LI TI ATËNË NI

  • Ayanda ti Babylone nde na Nzapa ti Israël (1-13)

    • Jéhovah afa ye so ayeke si ande (10)

    • Mbeni ndeke ti mungo anyama alondo na mbage so lâ asigi dä aga (11)

46  Bel aba na sese,+ Nébo akuku na sese. A yô astatue ti ala na ndö ti anyama, anyama ti yongo kungba.+ Ala yeke tongana akungba so ane na ndö ti anyama so afatigué.   Ala use kue akuku na sese nga ala ba na sese legeoko; anzapa so alingbi pëpe ti sö anengo kungba* so, nga ala wani* ayeke gue na ngbâa.   “Ala mä mbi, ahale ti Jacob nga na tanga ti ahale ti Israël;+ ala so mbi mû maboko na ala ngbene ye so a dü ala nga mbi yô ala ngbene ye so ala sigi na yâ ti mama ti ala.+   Juska ala ga mbakoro, mbi yeke ngbâ gï mbi;+ juska kuä ti li ti ala avuru, mbi yeke ngbâ ti yô ala. Tongana ti so mbi sara ândö, mbi yeke yô ala nga mbi yeke sö ala.+   Zo wa la ala yeke haka mbi na lo si mbi na lo e lingbi terê?+ Ala yeke haka mbi na zo wa si mbi na lo e kpa terê?+   Ambeni zo ayeke dä so asigi na gbâ ti lor na yâ ti bozo ti ala; ala pesé argent na ndö ti kilo. Ala futa mbeni zo so ahinga kua ti lekengo aye na lor wala na argent, na lo leke ni si a ga mbeni nzapa.+ Ala kuku, ala kpo li ti ala na sese, so ti tene ala voro ni.*+   Ala zia ni na ndö ti go ti ala;+ ala yô ni ala gue azia ni na place so ala leke ndali ni, na a ngbâ gï kâ. Lo zia nga ndo ni ti gue na mbeni ndo nde pëpe.+ Azo atoto na lo, me lo kiri tënë pëpe; lo lingbi pëpe ti sö mbeni zo na yâ ti ye ti vundu.+   Ala dabe ti ala na ye so, na ala sara mbeto pëpe. Ala azo ti kengo ndia, ala bi bê ti ala dä.   Ala dabe ti ala na angbene* ye ti giriri; ala dabe ti ala so mbi yeke Nzapa, mbeni nde ayeke dä pëpe. Mbi yeke Nzapa, mbeni Nzapa tongana mbi ayeke dä pëpe.+ 10  Na tongo nda ni, mbi fa tongana nyen ye ni ayeke hunzi, nga ngbene ye giriri mbi fa aye so ade ti si pëpe.+ Mbi tene: ‘Desizion* so mbi mû awe ayeke luti,+ nga mbi yeke sara ye kue so mbi ye ti sara.’+ 11  Mbi yeke iri mbeni ndeke ti mungo nyama na mbage so lâ ayeke sigi dä,*+ mbi yeke iri mbeni zo ti londo na mbeni yongoro ndo ti sara ye so mbi mû desizion ti sara.*+ Mbi sara tënë ni awe, na mbi yeke sara ni. Mbi leke ti sara ni awe, mbi yeke sara ni.+ 12  Ala mä mbi, ala azo ti kpengba-li,* ala so ayeke yongoro na sarango ye so ayeke mbilimbili. 13  Mbi sara si mbilimbili ti mbi apusu nduru; a ngbâ yongoro pëpe, nga salut so mbi mû ayeke ga ande hio.+ Mbi yeke sara si a sö Sion, na mbi yeke zia gloire ti mbi na ndö ti Israël.”+

Kete tënë

So ti tene astatue so a zia na ndö ti anyama.
Wala “âme ti ala.”
Na Hébreu: “ala kuku na gbe ni.”
Na Hébreu: “akozo.”
Wala “Ye so mbi leke ti sara; wango.”
Wala “na mbage ti est.”
Wala “ye so mbi leke ti sara; alingbi na wango ti mbi.”
Na Hébreu: “azo so ayeke ngangu.”