Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 42:1-25

LI TI ATËNË NI

  • Wakua ti Nzapa nga na kua so a mû na lo ti sara (1-9)

    • ‘Jéhovah ayeke iri ti mbi’ (8)

  • Mbeni fini bia ti sepelango Jéhovah (10-17)

  • Israël ayeke waziba nga mê ti lo akanga (18-25)

42  Bâ, wakua ti mbi+ so mbi mû maboko na lo. Lo so mbi soro lo,+ lo so mbi wara ngia na mbage ti lo.*+ Mbi zia yingo ti mbi na ndö ti lo;+ lo yeke ga na fango ngbanga ti mbilimbili na popo ti amara.+   Lo yeke dekongo pëpe nga lo yeke sara tënë na kota go pëpe; a yeke mä ande go ti lo na ndö ti lege pëpe.+   Sosongo so aba awe, lo yeke kungbi ni pëpe, na mèche so wâ ni ayeke gue ti mingo, lo yeke mingo ni pëpe.+ So lo yeke be-ta-zo, lo yeke sara si sarango ye mbilimbili amû ndo.+   Ngangu ti lo ayeke kiri na peko pëpe juska lo sara si mbilimbili amû ndö ti sese.+ Azoa* ayeke ngbâ ti ku ndia* ti lo.   Jéhovah ayeke tâ Nzapa, Lo so asara yayu nga Kota Nzapa so agbara yâ ni.+ Lo gbara sese nga na aye kue so ayeke na ndö ni.+ Lo zia pupu na yâ ti azo so ayeke na ndö ni+ nga lo mû yingo na azo so ayeke tambela na ndö ni.+ Lo tene:   “Mbi Jéhovah so mbi sara ye mbilimbili la mbi iri mo; mbi gbu maboko ti mo. Mbi yeke bata mo, mbi yeke sara si mo duti tongana mbele so mbi te na azo+ nga tongana lumière ndali ti amara,+   si mo zi lê ti awaziba,+ si mo zi azo ti kanga so ayeke na yâ ti da ti kanga so ayeke na gbe ti sese, nga mo sara si ala so ayeke na yâ ti vukongo ndo na da ti kanga asigi.+   Mbi yeke Jéhovah. So ayeke iri ti mbi la; mbi yeke mû gloire ti mbi na mbeni zo pëpe.* Nga gonda so a yeke gonda na mbi, mbi yeke mû ni pëpe na ayanda so a leke ni na kode.+   Aye so mbi fa tënë ni ândö asi awe. Fadeso mbi yeke fa tënë ti afini ye. Mbi yeke sara tënë ti aye ni na ala kozoni si asi.”+ 10  Ala azo so ayeke descend ague na terê ti ngu-ingo, aye kue so ayeke na yâ ni, azoa nga na azo so asara kodro dä,+ ala he fini bia na Jéhovah.+ Ala he bia ti sepela lo juska na andangoro ti sese kue.+ 11  Zia benyama nga na agbata so ayeke dä ayâa go ti ala na nduzu.+ Zia ando so azo ti Kédar+ asara kodro dä ayâa go ti ala na nduzu. Zia azo so asara kodro na ando so akota tênë ayeke dä adekongo na ngia; zia ala luti na ndö ti ahoto, ala dekongo. 12  Ala fa na azo so Jéhovah alingbi na gloire; ala fa na yâ ti azoa so lo lingbi ti tene a sepela lo.+ 13  Jéhovah ayeke sigi tongana mbeni ngangu koli.+ Tongana mbeni zo ti bira, lo yeke fa so lo yeke na kota nzara ti sara bira.+ Lo yeke dekongo, a yeke mä go ti lo na dekongo ti bira; lo yeke fa so lo yeke ngangu ahon awato ti lo.+ 14  “Mbi duti kpô aninga. Mbi zi yanga pëpe nga mbi kanga bê ti mbi. Tongana ti wali so aye ti dü, mbi yeke dema, mbi yeke wu na ngangu ngangu nga mbi yeke wu gbä ndali ti songo ti ye. 15  Mbi yeke buba ahoto nga na akete hoto, nga mbi yeke sara si apere na akeke kue so ayeke na ndö ni ahule. Mbi yeke sara si angu aga azoa,* nga mbi yeke sara si alando so asosongo ayeke dä ahule.+ 16  Mbi yeke gue na awaziba na mbeni lege so ala hinga ni pëpe,+ na mbi yeke sara si ala tambela na ndö ti alege so ala hinga ni pëpe.+ Mbi yeke sara si vukongo ndo so ayeke na devant ti ala aga lumière,+ nga mbi yeke sara si ando so ayeke kpangbala pëpe aga kpangbala ndo.+ So ayeke aye so mbi yeke sara na ala la, na mbi yeke dö ala ti zia pëpe.” 17  Azo so azia bê ti ala na astatue so a leke ni na kode, nga ala so atene na astatue so a leke ni na wen,* atene: “Ala yeke anzapa ti e”, ala yeke bâ gbä ala kiri na peko, na kamene ayeke hon ndö ti ala.+ 18  Ala azo so mê ti ala akanga so, ala mä tënë so; ala awaziba, ala zi lê ti ala ala bâ aye so.+ 19  Zo wa la abâ ndo pëpe; a yeke gï wakua ti mbi ape? Zo wa la mê ti lo akanga tongana ti zo so mbi tokua lo so? Zo wa la lê ti lo avuko tongana ti zo so a futa lo so? Zo wa la lê ti lo avuko tongana ti wakua ti Jéhovah?+ 20  Ala bâ aye mingi, me lê ti ala akpengba pëpe. Ala zi mê ti ala ti mä tënë, me ala mä tënë ni pëpe.+ 21  Ndali ti so Jéhovah ayeke mbilimbili, a nzere na lo ti sara si ndia* ti lo aga pendere nga ye ti gloire. 22  Me azo so ayeke azo so a gbu ala nga na aye ti ala a hon na ni.+ Ala kue ayeke na yâ ti adû so ala lingbi ti sigi dä pëpe, nga a honde ala na yâ ti ada ti kanga.+ A gbu ala a hon na ni, me mbeni zo ti zi ala ayeke dä pëpe.+ A nzi ala a hon na ni, me mbeni zo ayeke dä pëpe so atene: “Ala kiri na azo so.” 23  Na popo ti ala, zo wa la ayeke mä tënë so? Zo wa la ayeke dengi mê ti mä ni si lo hinga ye so ayeke si ande? 24  Zo wa la azia Jacob na maboko ti azo si ala nzi lo ahon na ni? Zo wa la azia Israël na maboko ti azo si ala gbu lo ahon na ni? A yeke Jéhovah so e sara siokpari na terê ti lo so ape? Ala ke ti mû lege so lo fa na ala, nga ala ke ti sara ye alingbi na ndia* ti lo.+ 25  Ni la lo ngbâ ti tuku kota ngonzo ti lo na ndö ti Israël, lo ngbâ ti tuku ngonzo ti lo na ndö ti lo na lege ti ngangu bira so aga na ndö ti lo.+ Bira ni abuba aye kue so angoro lo, me lo sara sanka ni.+ Bira ni asungba na terê ti lo, me lo bi bê ti lo dä pëpe.+

Kete tënë

Wala “na âme ti mbi.”
A ye ti sara tënë ti asese so ayeke na milieu ti ngu.
Wala “fango ye.”
Wala “mbi yeke kangbi gloire ti mbi na mbeni zo pëpe.”
A ye ti sara tënë ti asese so ayeke na milieu ti ngu.
Wala “astatue so a tö wen aga ngu si a leke na ni.”
Wala “fango ye.”
Wala “fango ye.”