Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 41:1-29

LI TI ATËNË NI

  • 41 Mbeni walombe alondo na mbage so lâ asigi dä (1-7)

  • Nzapa asoro Israël ti ga wakua ti lo (8-20)

    • “Kamarade ti mbi Abraham” (8)

  • A zia ambeni nzapa na lê ti tara (21-29)

41  “Azoa,* ala duti kpô ala mä mbi;* Zia amara akiri awara ngangu ti ala. Zia ala ga nduru ge; na pekoni zia ala sara tënë.+ Zia e bungbi terê ndo oko ti tene ngbanga.   Zo wa la asara si mbeni zo alondo na mbage so lâ asigi dä?*+ Zo wa la airi zo ni ti mû peko ti gere ti lo ti sara ye mbilimbili,* ti zia amara na maboko ti lo nga ti sö benda na ndö ti agbia?+ Zo wa la afâ ala na épée ti lo si ala ga tongana fuku ti sese? Zo wa la apika ala na kokora ti lo si ala ga tongana hulengo saleté so angbâ na lê ti yaka so pupu ahon na ni?   Lo tomba peko ti ala; mbeni ye oko akanga lege na lo pëpe, atâa so lo hon na ndö ti alege so ade lo hon dä lâ oko pëpe.   Zo wa la alondo ti sara aye so na lo sara ni? Ngbene ye na tongo nda ni, zo wa la airi azo ti angoi nde nde kue ti bâ gigi zo wa? Mbi Jéhovah, mbi la mbi yeke dä kozo;+ nga juska ti si na andangba zo ni, mbi yeke ngbâ lakue gï mbi.”+   Azoa abâ ni, na mbeto asara ala. Andangoro ti sese kue akomanse ti dö na mbeto. Ala londo ala ga, na ala pusu nduru.   Zo oko oko amû maboko na mba ti lo nga lo tene na ita ti lo, lo tene: “Luti tongana koli.”   Tongaso zo so ahinga ti sara kua ti maboko amû ngangu na zo ti lekengo aye na lor wala na argent;+ zo so asara kua na marteau ti zo ti ndao, ti sara si wen aga plat, amû ngangu na zo so ayeke pika ye na ndö ti wen ti azo ti kua ti ndao. Lo sara tënë ti ye so a soudé ni, lo tene: “A yeke nzoni.” Na pekoni, a mû apointe a pika na statue ni na terê ti mbeni ye si atï pëpe.   “Me mo, Israël, mo yeke wakua ti mbi;+ mo, Jacob, mo la mbi soro mo.+ Mo yeke hale* ti kamarade ti mbi Abraham.+   Mo la mbi mû mo na andangoro ti sese,+ nga mo la mbi iri mo ti londo na ando so ayeke yongoro kâ ti ga. Mbi tene na mo, mbi tene: ‘Mo yeke wakua ti mbi;+ mo la mbi soro mo; mbi ke mo pëpe.+ 10  Sara mbeto pëpe, ndali ti so mbi yeke na mo.+ Gi bê ti mo pëpe, ndali ti so mbi yeke Nzapa ti mo.+ Mbi yeke kpengba mo, ti tâ tënë ni, mbi yeke mû maboko na mo.+ Mbi yeke gbu mo nzoni na maboko ti mbi ti koli, so mbi yeke sara aye ti mbilimbili na ni.’ 11  Azo kue so ngonzo agbu ala ngangu na terê ti mo, kota kamene ayeke hon ndö ti ala.+ Azo so atiri na mo ayeke duti ande dä encore ape, ala yeke kui.+ 12  Mo yeke gi ande azo so atiri na mo, me mo yeke wara ala pëpe; Azo so asara bira na mo ayeke ga ande tongana mbeni ye so ayeke dä pëpe, tongana senge senge ye.+ 13  Mbi Jéhovah Nzapa ti mo, mbi yeke gbu maboko ti mo ti koli. Mbi la mbi tene na mo, mbi tene: ‘Sara mbeto pëpe. Mbi yeke mû maboko na mo.’+ 14  Mo Jacob, so mo yeke tongana ver,* sara mbeto pëpe.+ Ala azo ti Israël, mbi yeke mû maboko na ala.” So ayeke tënë ti Jéhovah, zo so afuta mbeni ye ti zi ala,+ nga Nzapa ti Israël so ayeke nzoni-kue. 15  “Mbi sara si mo ga tongana keke so abagara agboto ni ti pika na alê ti kobe,+ nga tongana fini ye ti pikango na alê ti kobe so yanga ni ayeke use. Mo yeke dö ndö ti ahoto juska aga kpangbala ndo nga mo yeke neka ala. Mo yeke sara si akete hoto aga tongana poro ti alê ti kobe. 16  Mo yeke pe yâ ti ala tongana ti so zo ayeke pe yâ ti ye, na pupu ayeke hon na ala. Kota pupu ayeke kangbi yâ ti ala kirikiri. Mo yeke duti na ngia ndali ti Jéhovah.+ Mo yeke pika kate ti mo ndali ti Nzapa ti Israël so ayeke nzoni-kue.”+ 17  “Azo so ye amanke ala nga awayere ayeke gi ngu ti nyongo ni, me ngu ayeke dä pëpe. Langue ti ala ahule na nzara ti ngu.+ Mbi Jéhovah, mbi yeke mû maboko na ala.+ Mbi Nzapa ti Israël, mbi yeke dö ala ti zia pëpe.+ 18  Mbi yeke sara si angu asua na ndö ti akete hoto so ye oko asigi na ndö ni pëpe.+ Mbi yeke sara si ali ti ngu aduti na yâ ti apopo-hoto.+ Mbi yeke sara si abenyama aga aplace ti ngu so sosongo asigi dä. Mbi yeke sara si ando so ngu ayeke dä pëpe aga ando so ali ti ngu ayeke dä.+ 19  Mbi yeke lu na yâ ti désert keke ti cèdre, ti acacia, ti myrte nga na keke ti pin.+ Mbi yeke lu na kpangbala ndo so ayeke na yâ ti désert keke ti genévrier, legeoko na keke ti frêne nga na ti cyprès,+ 20  tongaso si azo kue abâ ni, ala hinga ni, ala bi lê ti ala dä nga ala hinga so maboko ti Jéhovah la asara aye so, nga so Nzapa ti Israël so ayeke nzoni-kue la asara ni.”+ 21  Jéhovah atene: “Ala fa tënë ti ala ni.” Gbia ti Jacob atene: “Ala fa atënë ti ala so afa so ala yeke na raison. 22  Ala fa aye so afa so ala hinga ye so ayeke si ande, nga ala fa na e aye so ayeke si ande. Ala tene na e tënë ti aye ti ândö,* si e gbu li na ndö ni* ti hinga tongana nyen la aye ni asi. Wala ala fa na e aye so ayeke si ande.+ 23  Ala fa na e ye so ayeke si ande, si e hinga so ala yeke anzapa.+ Ala sara mbeni ye, atâa a yeke nzoni wala sioni, si bê ti e adö na ngoi so e bâ ni.+ 24  Ala yeke tongana mbeni ye so ayeke nga dä pëpe. Mbeni ye so ala sara ayeke nga dä pëpe.+ Zo so asoro ti mû peko ti ala ayeke mbeni zo so sioni ti lo ahon ndö ni.+ 25  Mbi sara si mbeni zo alondo na mbage ti nord, na lo yeke ga ande,+ mbeni zo so alondo na mbage so lâ asigi dä,*+ zo so ayeke di iri ti mbi. Lo yeke dö yâ ti azo so akomande* mo bâ mo tene ala yeke popoto ti sarango na ta.+ Lo yeke dö yâ ti ala tongana ti so zo ti lekengo ta adö yâ ti popoto ti sarango na ta. 26  Zo wa la asara na e tënë ti ye so ngbene ye na tongo nda ni si e hinga ni? Wala zo wa la asara na e tënë ti ye so asi ândö, si e tene: ‘Lo yeke na raison’?+ Zo oko asara tënë ni pëpe! Zo oko afa tënë ni pëpe! Mbeni zo amä tënë ti mbeni ye na yanga ti ala pëpe!”+ 27  Mbi la mbi yeke kozo zo so atene na Sion: “Bâ aye so ayeke si ande so la!”+ Mbi yeke tokua mbeni zo ti gue na nzoni tënë na Jérusalem.+ 28  Mbi ngbâ ti bâ ndo, me zo oko ayeke dä pëpe; mbeni zo na popo ti ala ti mû wango na zo ayeke dä pëpe. Mbi ngbâ ti hunda ndo, me zo oko akiri tënë na mbi pëpe.  29  Ala kue ayeke aye ti handango zo.* Akusala ti ala ayeke ye oko pëpe. Astatue ti ala, so a sara na wen,* ayeke gï pupu nga asenge senge ye.+

Kete tënë

A ye ti sara tënë ti asese so ayeke na milieu ti ngu.
Wala “ala duti kpô na gbele mbi.”
Wala “na mbage ti est?”
So ti tene ti sara kua na Lo.
Na Hébreu: “ngongoa.”
So ti tene mbeni ye ti batango lo ayeke dä pëpe nga lo yeke zo ti mawa.
Na Hébreu: “akozo ye.”
Wala “e bi bê ti e dä.”
Wala “na mbage ti est.”
Wala “akota zo ti kodro.”
Wala “mbeni ye so ayeke dä pëpe.”
Wala “astatue so a tö wen aga ngu si a leke na ni.”