Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 40:1-31

LI TI ATËNË NI

  • Dengo bê ndali ti azo ti Nzapa (1-11)

    • Mbeni go na yâ ti benyama (3-5)

  • Kota ti Nzapa (12-31)

    • Amara ayeke tongana goutte oko ti ngu so alondo na yâ ti seau atï (15)

    • Nzapa ayeke na nduzu na ndö ti “sese so ayeke ronde ronde” (22)

    • Nzapa airi atongoro kue na iri ti ala (26)

    • Nzapa ayeke fatigué lâ oko ape (28)

    • Ti ku Jéhovah amû ngangu na zo (29-31)

40  Nzapa ti ala atene: “Ala dë bê ti azo ti mbi, ala dë bê ti ala.+   Ala sara tënë ti ndu bê* ti Jérusalem, ala tene na lo so kua so a forcé lo ti sara so alingbi awe, nga a futa mbeni ye awe ti zi tënë so ayeke na li ti lo.+ Lo wara na maboko ti Jéhovah futa kue ti peko ti* siokpari kue so lo sara.”+   Go ti mbeni zo ayeke dekongo na yâ ti benyama, atene: “Ala zi aye kue na ndö ti* lege ti Jéhovah!+ Ala leke mbeni kota lege+ so ayeke droit na yâ ti désert na Nzapa ti e.+   Ala tuku sese na yâ ti apopo-hoto kue si amonté, ala kpaka ahoto nga na akete hoto kue si aga kpangbala. Ala sara si ando kue so kûtu ayeke dä aga kpangbala, nga ala sara si ando kue so ayeke kpangbala pëpe aga kpangbala ndo.+   A yeke fa gloire ti Jéhovah na gigi,+ na azo kue* ayeke bâ ande ni legeoko,+ ndali ti so Jéhovah asara tënë ni awe.”   Mä si! Mbeni zo atene: “To mbela!” Mbeni ahunda ndo, atene: “Mbi to mbela mbi tene nyen?” Mo tene: “Azo kue* ayeke tongana fini pere. Tâ ndoye ti ala kue ayeke tongana fleur so asigi na yâ ti ngonda.+   Fini pere ni ayeke hule, nga fleur ayeke kui,+ ndali ti pupu ti yanga* ti Jéhovah so lo hûru na ndö ni.+ Ti tâ tënë ni, azo ayeke gï tongana fini pere.   Fini pere ni ayeke hule, nga fleur ayeke kui, me tënë ti yanga ti Nzapa ti e ayeke ngbâ lakue.”+   Mo wali so mo yeke ga na nzoni tënë na Sion,+ gue na ndö ti hoto so ayo na nduzu. Mo wali so mo yeke ga na nzoni tënë na Jérusalem, sara si go ti mo atoto ngangu. Sara si a toto ngangu, sara mbeto pëpe. Tene na azo ti agbata ti Juda, mo tene: “Bâ, Nzapa ti ala la.”+ 10  Jéhovah, Seigneur ti dunia kue, ayeke ga na ngangu ti lo, lo yeke komande na maboko ti lo.+ Bâ, futa so lo yeke mû na azo ayeke na maboko ti lo; ye so lo ye ti futa na azo ayeke na gbele lo.+ 11  Tongana mbeni berger, lo yeke bâ lege ti* ataba ti lo.+ Lo yeke sara maboko ti lo lo bungbi akete ni ndo oko, lo yeke yô ala na kate ti lo. Ala so angbâ ti mû me na amolenge ti ala, lo yeke gue na ala yeke yeke.+ 12  Zo wa la abungbi angu kue na yâ ti maboko ti lo oko awe?+ Zo wa la konongo ti lê ti maboko ti lo oko* amû mesure ti yayu kue awe? Zo wa la abungbi fuku ti sese kue,+ na lo haka ni na yâ ti dû ti sembe oko awe? Zo wa la apesé ahoto na ndö ti kilo awe? 13  Zo wa la ahinga tâ ngangu ti yingo ti Jéhovah? Zo wa la alingbi ti duti wawango ti lo ti fa ye na lo?+ 14  Zo wa la lo hunda wango na lo ti hinga nda ti ye? Zo wa la afa na lo lege ti mbilimbili? Zo wa la afa ye na lo si lo hinga? Zo wa la afa na lo tongana nyen ti duti na tâ hingango ndo?+ 15  Amara ayeke tongana goutte oko ti ngu so alondo na yâ ti seau atï. Na lê ti lo, ala yeke tongana kete fuku ti sese na ndö ti kilo.+ Lo yô azoa tongana kete fuku ti sese. 16  Même tongana zo adë akeke ti Liban kue ti sara si wâ ti gbalaka angbâ ti za, na lê ti lo a lingbi pëpe.* Nga tongana zo ni amû anyama ti ngonda ti Liban kue ti yâa na sandaga so a zö ni agbi kue, na lê ti lo a lingbi pëpe. 17  Na lê ti lo, a yeke mo bâ mo tene amara kue ayeke dä pëpe.+ Lo bâ ala kue tongana mbeni senge senge ye.+ 18  Ala lingbi ti haka Nzapa na zo wa?+ Na lê ti ala, mbeni ye ayeke dä so akpa lo?+ 19  Zo so ahinga ti sara kua ti maboko aleke yanda.* Zo so ahinga kua ti lekengo aye na lor wala na argent azia lor na terê ni,+ nga lo mû argent lo leke na achaîne. 20  Mbeni zo amû keke tongana offrande ti lo,+ mbeni keke so alingbi ti fun pëpe. Lo gi mbeni zo so ahinga ti sara kua ti maboko nzoni ti tene lo mû ni lo leke na mbeni statue na kode si atï  pëpe.+ 21  Ade ala hinga ape? Ade ala mä tënë ni ape? Ngbene ye na tongo nda ni, a sara tënë ni na ala ape? Ngbene ye so a zia gere ti sese, ade ala mä yâ ti tënë ni ape?+ 22  Nzapa ayeke na nduzu na ndö ti sese so ayeke ronde ronde;*+ na lê ti lo, azo ti sese ayeke kete tongana angadi. Lo gboto yâ ti yayu tongana ti so zo ayeke gboto yâ ti bongo so ane pëpe, nga lo gbara yâ ni tongana ti so zo ayeke gbara yâ ti tente ti duti na yâ ni.+ 23  Lo sara si akota zo aga asenge senge ye nga lo sara si ajuge* ti sese aga asenge senge ye. 24  Gï so a lu ala tongana ti so zo alu alê ti kobe, gï so a tuku ala tongana ti so zo atuku alê ti kobe nga gï so gunda ti ala akomanse ti lï sese, pupu aya na ndö ti ala na ala hule, nga pupu ahon na ala tongana hulengo saleté so angbâ na lê ti yaka.+ 25  Nzapa so ayeke nzoni-kue atene: “Zo wa la ala lingbi ti haka mbi na lo si mbi na lo e lingbi terê? 26  Ala yô lê ti ala na nduzu ala bâ ndo. Zo wa la asara aye so na lê ti nduzu so zo wa?+ A yeke lo so amû yanga na ala ti tene ala sigi gbani gbani alingbi na wungo ti ala. Lo iri ala kue na iri ti ala.+ So ngangu ti lo ayeke kota mingi nga amû mbeto na zo,+ mbeni oko na popo ti ala amanke pëpe. 27  Jacob, ngbanga ti nyen mo yeke tene, nga Israël, ngbanga ti nyen mo yeke tene: ‘Jéhovah abâ pëpe lege so mbi yeke mû, nga Nzapa afâ ngbanga ti mbi na lege ti mbilimbili pëpe’?+ 28  Ade ala hinga ape? Ade ala mä tënë ni ape? Jéhovah, lo so asara andangoro ti sese kue, ayeke Nzapa so angbâ kpu na kpu.+ Lo yeke woko wala lo yeke fatigué lâ oko pëpe.+ Zo alingbi pëpe ti gi nda ti hingango ye ti lo.*+ 29  Lo mû ngangu na zo so awoko, nga lo sara si azo so ayeke na ngangu pëpe awara ngangu mingi.*+ 30  Amolenge-koli ayeke woko nga ala yeke fatigué, nga amaseka-koli ayeke pika gere ti ala na ala tï. 31  Me ala so azia bê ti ala ti ku Jéhovah ayeke kiri ti wara ngangu. Ala yeke huru na lê ti nduzu tongana a-aigle.+ Ala yeke mû loro me ala yeke fatigué pëpe; ala yeke tambela me ala yeke woko pëpe.”+

Kete tënë

Wala “Ala sara tënë na mbeni fason so adë bê.”
Wala “Jéhovah afuta lo fani use ndali ti.”
Wala “leke.”
Na Hébreu: “mitele kue.”
Wala “Mitele kue.”
Wala “yingo.”
Wala “fa lege na.”
A yeke yongo ti popo ti kota li ti maboko ti zo na kete li ti maboko ti lo na ngoi so lo zi yâ ti maboko ti lo kota. Bâ na B14.
Wala “keke ti wâ so kue alingbi pëpe.”
Wala “statue so a tö wen aga ngu si a leke na ni.”
Wala “tongana ballon.”
Wala “azo ti komande.”
Wala “Hingango ye ti lo ahon gbungo li ti zo.”
Wala “kota ngangu.”