Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 39:1-8

LI TI ATËNË NI

  • Awatokua so alondo na Babylone aga (1-8)

39  Na ngoi ni so, gbia ti Babylone Mérodak-Baladan, so ayeke molenge ti Baladan, atokua alettre nga na matabisi na Ézéchias,+ ndali ti so lo mä so terê ti Ézéchias ason me lo sava awe.+  Ézéchias ayamba na ngia* azo ti tokua ni nga lo fa na ala yâ ti ndo so amosoro ti lo kue ayeke dä:+ Lo fa na ala argent, lor, mafuta ti keke ti baume nga na ambeni mafuta ti nginza mingi, aye ti bira ti lo kue nga na aye kue so ayeke na yâ ti ando so a bata amosoro ti lo dä. Ézéchias afa na ala aye kue so ayeke na yâ ti da* ti lo nga na aye kue so ayeke na yâ ti royaume ti lo. Mbeni ye oko so lo fa na ala pëpe ayeke dä pëpe.  Na pekoni, prophète Ésaïe ague na ndo ti Gbia Ézéchias na lo hunda lo, lo tene: “Azo so atene nyen na mo? Ala londo na ndo wa?” Ézéchias atene: “Ala londo na yongoro ndo, na kodro ti Babylone, la ala ga so.”+  Ésaïe akiri ahunda lo, atene: “Nyen la ala bâ na yâ ti da* ti mo?” Ézéchias atene: “Ala bâ aye kue so ayeke na yâ ti da* ti mbi. Mbi fa na ala aye kue so ayeke na ando so a bata amosoro ti mbi dä.”  Ésaïe atene na Ézéchias: “Mä tënë so Jéhovah ti aturugu atene:  ‘Ngoi ayeke ga ande so aye kue so ayeke na yâ ti da* ti mo nga na aye kue so akotara ti mo abungbi ni juska laso, a yeke mû ande ni ti gue na ni na Babylone. Mbeni ye oko ayeke ngbâ pëpe.’+ Tënë ti yanga ti Jéhovah la.+  ‘A yeke mû ande ambeni molenge ti koli so mo yeke dü ande ala ti hon na ni, na ala yeke ga ande akota zo na yangbo ti gbia ti Babylone.’+  Na mango tënë so, Ézéchias atene na Ésaïe: “Tënë ti Jéhovah so mo fa peko ni so ayeke nzoni.” Lo kiri lo tene: “A yeke nzoni ndali ti so lo tene siriri ayeke duti dä nga aye kue ayeke tambela nzoni* na ngoi so mbi ngbâ na fini.”*+

Kete tënë

Na Hébreu: “ayeke na ngia ndali ti.”
Wala “yangbo.”
Wala “yangbo.”
Wala “yangbo.”
Wala “yangbo.”
Wala “tenengo tâ tënë ayeke mû ndo.”
Na Hébreu: “na yâ ti alango ti fini ti mbi.”