Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 36:1-22

LI TI ATËNË NI

  • Sennakérib aga ti mû gbata ti Juda (1-3)

  • Rabshaké agi yanga ti Jéhovah (4-22)

36  Na ngu 14 ni ti komandema ti Gbia Ézéchias, Sennakérib, gbia ti Assyrie,+ aga asara bira na agbata kue ti Juda so ayeke na yâ ti angangu gbagba na lo mû ni.+  Gbia ti Assyrie so ayeke na gbata ti Lakish atokua mbeni kota zo so a iri lo Rabshaké.*+ Lo na gbâ ti aturugu alondo na Lakish+ ague na ndo ti Gbia Ézéchias, na Jérusalem. Ala si na Jérusalem na ala mû ndo na terê ti canal so ngu so alondo na ndo so a yeke bata ngu dä ayeke sua na yâ ni.+ Ndo ni so ayeke na terê ti lege so ayeke gue na ndo so azo ti sukulango bongo ayeke dä.+  Na pekoni Éliakim,+ molenge ti Hilkiah, so ayeke bâ ndo na ndö ti azo ti da* ti gbia, Shébna+ so ayeke wakuasu nga na Joah, molenge ti Asaph so ayeke wabatango ambeti na yangbo ti gbia, asigi awara lo.  Rabshaké ni atene na ala: “Pardon, ala tene na Ézéchias, atene: ‘Kota gbia, gbia ti Assyrie, atene: “Mo zia bê ti mo na ndö ti nyen?+  Mo tene: ‘Mbi yeke na kode nga na ngangu ti sarango na bira.’ Me so ayeke gï asenge senge tënë la. Zo wa la mo zia bê ti mo na lo si mo sara mvene ti ke yanga ti mbi so?+  Mo zia bê ti mo na Égypte so ayeke tongana sosongo so afâ awe, so tongana zo agbu ni ti calé terê ti lo dä, a yeke kpo yâ ti maboko ti lo. Pharaon, gbia ti Égypte, ayeke nga tongaso ndali ti azo kue so azia bê ti ala na lo.+  Me tongana ala tene na mbi, atene: ‘E zia bê ti e na Jéhovah Nzapa ti e’, eskê lo la Ézéchias azi ando ti lo so ayeke na nduzu nga na agbalaka ti lo so ape?+ Me lo tene na azo ti Juda nga na ti Jérusalem, lo tene: ‘A yeke nzoni ala kuku gï na gbe ti gbalaka so.’”’+  Pardon, fadeso ala na seigneur ti mbi, gbia ti Assyrie,+ ala tö e bâ: Mbi yeke mû na ala ambarata 2 000 ti bâ wala ala kpa ti wara azo ti kpengo na ambarata ni kue.  Tongaso, so ala zia bê ti ala na Égypte ti wara apuse ti mbarata nga na azo ti kpengo na mbarata so, ala yeke wara lege tongana nyen ti tomba même mbeni gouverneur oko so ayeke gï senge wakua ti seigneur ti mbi? 10  Jéhovah la amû yanga na mbi ti ga ti futi kodro so ape? Jéhovah wani atene na mbi: ‘Mo gue mo sara bira na kodro so nga mo futi ni.’” 11  Éliakim, Shébna+ nga na Joah atene na Rabshaké+ ni, ala tene: “Pardon, mo sara tënë na e awakua ti mo na yanga ti Araméen,*+ ndali ti so e yeke mä ni. Me mo sara tënë na e na yanga ti kodro ti aJuif pëpe, ndali ti azo so ayeke na ndö ti gbagba so amä ni.”+ 12  Me Rabshaké ni atene: “Eskê seigneur ti mbi atokua mbi ti sara tënë ni so gï na ala nga na seigneur ti ala? Tënë ni abâ nga azo so ayeke na ndö ti gbagba so ape? Ala na azo ni ayeke te ande puru ti ala wani nga ala yeke nyon inon ti ala wani.” 13  Rabshaké ni aluti, na lo dekongo ngangu na yanga ti kodro ti aJuif,+ lo tene: “Ala mä tënë ti kota gbia, gbia ti Assyrie.+ 14  Gbia atene: ‘Ala zia Ézéchias ahanda ala pëpe, ndali ti so lo lingbi ti zi ala pëpe.+ 15  Ala zia nga pëpe si Ézéchias apusu ala ti zia bê ti ala na ndö ti Jéhovah+ tongana lo tene na ala, lo tene: “Jéhovah ayeke sö e ande, na lo yeke zia gbata so na maboko ti gbia ti Assyrie pëpe.” 16  Ala mä Ézéchias pëpe, ndali ti so gbia ti Assyrie atene: “Ala mä terê ti duti na siriri na mbi nga ala sigi aga na mbage ti mbi.* Tongaso, zo oko oko ayeke te ande lê ti vigne ti lo nga na alê ti keke ti figue ti lo nga lo yeke nyon ande ngu so ayeke na yâ ti dû so lo bata ngu ti lo wani dä. 17  Ala yeke sara tongaso juska mbi ga mbi mû ala mbi gue na ala na yâ ti mbeni kodro so+ ayeke tongana ti ala. Kodro ni ayeke mbeni kodro so alê ti kobe, fini vin, mapa nga na akeke ti vigne ayeke dä. 18  Ala zia Ézéchias ahanda ala pëpe tongana lo tene na ala, lo tene: ‘Jéhovah ayeke sö e ande.’ Eskê mbeni nzapa ti azo ti amara so azi kodro ti ala na maboko ti gbia ti Assyrie awe?+ 19  Anzapa ti azo ti Hamath na ti Arpad+ ayeke na ndo wa? Anzapa ti azo ti Sépharvaïm+ ayeke na ndo wa? Ala zi kodro ti Samarie na maboko ti mbi awe?+ 20  Na popo ti anzapa kue ti akodro so, lo so wa la azi kodro ti lo na maboko ti mbi? si Jéhovah la si ayeke zi Jérusalem na maboko ti mbi?”’”+ 21  Me azo ni aduti kpô, ala kiri tënë oko na lo pëpe, ndali ti so gbia amû yanga, atene: “Ala zi yanga na lo pëpe.”+ 22  Me Éliakim molenge ti Hilkiah so ayeke bâ ndo na ndö ti azo ti da* ti gbia, Shébna+ so ayeke wakuasu nga na Joah, molenge ti Asaph so ayeke wabatango ambeti na yangbo ti gbia, ala ota kue asuru bongo na terê ti ala na ala gue atene na Ézéchias peko ti yanga ti Rabshaké ni.

Kete tënë

Wala “mokonzi ti azo ti mungo ye ti nyongo ni na gbia.”
Wala “yangbo.”
Wala “yanga ti kodro ti azo ti Syrie.”
Na Hébreu: “Mbi na ala e sara si mbi wara ye ti nzoni nga ala sigi aga na mbage ti mbi.”
Wala “yangbo.”