Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 35:1-10

LI TI ATËNË NI

  • Sese ayeke kiri ti ga Paradis (1-7)

    • Awaziba ayeke bâ ndo; mê ti azo so akanga ayeke zi (5)

  • Lege-so-ayeke-nzoni-kue (8-10)

35  Benyama nga na ndo so ahule ngangu ayeke duti ande na ngia mingi;+ kpangbala ndo ti désert ayeke duti ande na ngia, nga apendere fleur ayeke sigi dä gbani gbani.+   Nyen na nyen afleur ayeke sigi dä;+ ndo ni ayeke sara ngia nga ayeke dekongo na ngia. A yeke zia gloire ti Liban na ndo ni,+ nga na pendere ti Carmel+ na ti Saron.+ Azo ayeke bâ gloire ti Jéhovah, pendere ti Nzapa ti e.   Azo, ala sara si amaboko so awoko awara ngangu, nga ala kpengba agenou so ayeke dö dongo.+   Ala tene na azo so ayeke gi bê ti ala, ala tene: “Ala luti tongana koli. Ala sara mbeto pëpe. Nzapa ti ala ayeke ga ande ti kiri na awato ti ala peko ti sioni so ala sara, Nzapa ayeke ga ti punir awato ni.+ Lo yeke ga, na lo yeke sö ala.”+   Na ngoi ni so, lê ti awaziba ayeke zi,+ nga azo so mê ti ala akanga ayeke mä ndo.+   Na ngoi ni so, azo so gere ti ala abuba ayeke huru tongana lekpa,+ nga azo so yanga ti ala akanga ayeke dekongo na ngia.+ Ngu ayeke sigi na ngangu na yâ ti benyama, nga angu ayeke sua na yâ ti kpangbala ndo so ayeke na yâ ti désert.   Sese so ndowa asara si ahule ngangu ayeke ga ande lando so asosongo asigi dä, nga ndo so ngu ayeke dä pëpe ayeke si singo na ngu.+ Na ando so lani ambo ti ngonda ayeke wu terê ti ala dä,+ a yeke wara fini pere, asosongo nga na papyrus.   Mbeni kota lege ayeke duti ande dä,+ kota lege so a iri ni Lege-so-ayeke-nzoni-kue. Zo so aga sioni awe ayeke hon dä pëpe.+ Lege so ayeke gï ndali ti azo so a leke ni ndali ti ala. Zo so li ti lo ayeke dä pëpe ayeke girisa lege ti hon na ndö ni pëpe.   Bamara ayeke hon dä pëpe, nga asioni nyama ti ngonda ayeke ga ti hon na ndö ni pëpe. A yeke wara ala nga kâ pëpe;+ gï azo so a futa ye ti zi ala awe la ayeke tambela na ndö ni.+ 10  Azo so Jéhovah azi ala ayeke kiri ande+ na Sion na dekongo nga na ngia.+ Ngia so ayeke ti lakue lakue ayeke ga couronne na li ti ala.+ Ala yeke dekongo na ngia nga terê ti ala ayeke nzere mingi; vundu nga na dema ayeke hon yongoro.+

Kete tënë