Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Ésaïe 34:1-17

LI TI ATËNË NI

  • Ngonzo ti Jéhovah na ndö ti amara (1-8)

  • Édom aga mbeni ndo so abuba kue (9-17)

34  Ala amara, ala pusu nduru ala mä tënë! Ala azo ti akodro, ala dengi mê ala mä! Zia sese na aye kue so ayeke dä adengi mê amä, sese na aye kue so ayeke na ndö ni!   Bê ti Jéhovah ason ngangu na terê ti amara kue,+ lo sara kota ngonzo na terê ti aturugu ti ala kue.+ Lo yeke futi ala kue; lo yeke fâ ala.+   A yeke bi ande akuâ ti ala na ngonda, fungo ti akuâ ti ala ayeke monté na nduzu;+ mênë ti ala ayeke mouillé* ahoto.+   Aye kue so ayeke na lê ti nduzu ayeke fun, nga a yeke roulé yayu tongana mbeni rouleau. Aye kue so ayeke na yayu ni ayeke hule tongana kugbe ti keke ti vigne so atï na sese nga tongana lê ti figue so ahule si alondo na terê ti keke ni atï.   “Na yayu, épée ti mbi ayeke soulé na mênë.+ A yeke descend ti ga ti dë ngbanga na ndö ti Édom,+ na ndö ti azo so mbi mû desizion ti futi ala.   Mbi Jéhovah mbi yeke na épée; mênë ayeke mû ande terê ni kue. Mafuta ayeke mû ande terê ni kue.+ Mênë ti akete koli-taba nga na ti angasa ayeke mû ande terê ni kue, nga mafuta ti terê ti rognon ti akoli-taba ayeke mû terê ni kue. Na gbata ti Bozrah, Jéhovah ayeke na mbeni sandaga so lo leke ti mû, lo yeke fâ ande gbâ ti azo na sese ti Édom.+   Abagara ti ngonda nga kue ayeke gue ti tene a fâ ala, akoli-bagara so akono awe nga na ala so ayeke ngangu mingi la ayeke gue ti tene a fâ ala. Kodro ti ala ayeke mouillé na mênë, nga mafuta ayeke mouillé fuku ti sese ti kodro ti ala ni.”   Jéhovah ayeke na mbeni lango so lo yeke kiri ande na peko ti sioni ti awato ti lo na ala;+ mbeni ngu ayeke ga ande so lo yeke punir azo so asara sioni na azo ti Sion.+   Angu ti gbata ni* ayeke changé ti ga ngu ti goudron, fuku ti sese ti gbata ni ayeke changé ti ga soufre nga kodro ni ayeke ga tongana ngu ti goudron so ayeke gbi. 10  Na bï wala na kota lâ, wâ ni ayeke mingo pëpe. Guru ni ayeke ngbâ lakue ti monté na nduzu. Na yâ ti angoi nde nde kue so ayeke ga, gbata ni ayeke ngbâ gï gbagbara ni tongaso; zo ayeke hon na yâ ni encore ape biani biani.+ 11  Gbata ni ayeke ga ndo ti andeke so a iri ala pélican nga na ti aporc-épic. Ahibou so mê ti ala ayo nga na acorbeau la ayeke sara kodro dä. Lo yeke gboto kamba ti mungo na mesure ti aye na ndö ti gbata ni ti fa so ye oko ayeke ngbâ ande dä pëpe, nga lo yeke zia fil à plomb* na terê ni ti fa so a yeke futi ande ni. 12  A yeke iri ande mbeni kota zo ti gbata ni ti ga gbia pëpe, nga amokonzi ni kue ayeke duti dä encore ape. 13  Akeke ti sisi ayeke sigi na yâ ti angangu tour ni, asisi ayeke sigi na yâ ti angangu gbagba ni. Gbata ni ayeke ga ndo ti lango ti ambo ti ngonda,+ mbeni gbagba ti a-autruche.* 14  Anyama ti yâ ti désert nga na anyama so ayeke dekongo mingi ayeke wara terê kâ, ngasa ti ngonda* ayeke dekongo ti iri mba ti lo. Ndeke ti bï* ayeke sara kodro kâ nga lo yeke wu terê ti lo kâ. 15  Ngbo ayeke sara dû ti lo kâ nga lo yeke bi para ti lo kâ, lo yeke lango na ndö ni nga lo bungbi ni kue na gbe ti lo. Andeke so a iri ala milan ayeke bungbi terê ti ala kâ, ndeke oko oko na koli wala wali ti lo.  16  Azo, ala gi yâ ti mbeti ti Jéhovah na ala diko ni na kota go. Mbeni nyama oko ayeke manke pëpe. Nyama oko oko ayeke wara ande koli wala wali ti lo, ndali ti so Jéhovah amû yanga awe, nga yingo ti lo la abungbi ala ndo oko.  17  Lo la lo sara mbeni ye ti fa ye so a lingbi ti mû ni na ala, nga lo la lo mû mesure ti ndo so a mû na ala.* A yeke ga ti ala biani biani; ala yeke sara kodro dä na yâ ti angoi nde nde kue.

Kete tënë

Wala “ayeke sua na ndö ti.”
Na bango ni, a ye ti sara tënë ti Bozrah, li-kodro ti Édom.
Na Hébreu: “atênë.”
Wala “anaamo,” mbeni kota ndeke.
A lingbi nga ti tene “asioni yingo so akpa angasa.”
A yeke mbeni ndeke so akpa hibou.
Na Hébreu: “lo mû mesure ti ndo ni na kamba si lo kangbi yâ ni na ala.”